نظم
عنوان " تیرے بِن "
تیرے بن میں یوں ادھورا
جیسے کچھ بھی نہ ہو پورا
تاروں بن جو آسماں ہو
پھولوں بن یا گلستاں ہو
بادلوں بن جیسے بارش
یا رقیبوں بن ہو سازش
ریت بن کوئی سمندر
یا بنا گھنٹی کے مندر
کیا تمہیں لگتا ہے ممکن؟؟
روشنی کے بن ستارے
یا ہو کلیوں بن بہاریں
کوئی ساگر بن کنارے
پلک جھپکے بن اشارے
چاہتوں میں نہ ہو مشکل
یا سفر بن کوئی منزل
کیا تمہیں لگتا ہے ممکن؟؟
کوئی دل ہو دھڑکنوں بن
یا حقیقت تلخیوں بن
بن دلیلوں کوئی قائل
جیسے گھنگرو بن ہو پائل
تیرے بن میں یوں ادھورا
جیسے کچھ بھی نہ ہو پورا
تیرے بن میں ہوں ادھورا
تیرے ہونے سے ہوں پورا
حمیرا وہاب سحر
No comments:
Post a Comment