Main khud zameen mera zarf aasmaan ka hai

Main khud zameen mera zarf aasmaan ka hai

Ke toot kar bhi mera hosla chittan ka hai,

Bura na maan meray Hurf-o-Lafz zehar sahi,

Main kia karoon ke yehi zaiqa zubaan ka hai,

Meri sanjeedgi mash'hoor hai zamanay mein,

Meri khamoshi bhi pehlu meray baaan ka hai,

Har aik ghar pe musallat hai dil ki veerani,

Tamaam shehr pe saaya meray makaan ka hai,

Bichar ke us say main sirf is ly nhi bikharta,

Wo keh gaya tha yehi waqt Imtehaan ka hai...

Hum Akser Sab Se Kehte Hain

Hum Akser Sab Se Kehte Hain
Kyun Khuwab Adhoorey Rehte Hain..

Kyun Yaad Kisi Ki Aati Hai
Kyun Dard Jiger Mein Hota Hai..

Kyun Qadam Behakne Lagte Hain
Hum Jub B Chalne Lagte Hain..

Kyun Palken Num Ho Jati Hain
Hum Jub B Hansne Lagte Hain..

Akser Raaton Ki Tareeki'
yaadon K Zeher Ughalti Hai..

Kyun Hijer Ka Mausam Aata Hai
Jub Vasl Ki Baaten Hoti Hain..

Kyun Log Dewane Hote Hain'
Kyun Dard Hazaron Sehte Hain..

Hum Akser Sab Se Kehte Hain
Kyun Khuwab Adhoore Rehte Hain

Mujhe Acha Sa Lagta He

Mujhe Acha Sa Lagta He
Tumhi Ko Dekhte Rehna ♥

Tumhi ko chahte rehna
Tumhi Ko Sochte Rehna ♥
Tumhi Ko Sunte Rehna
Bohot Gehre Khyaalo Mein ♥

Jawabo Mein Sawalo Mein
Mohabbat Ke Hawalo Mein ♥

Tumhara Naam Aa Jana
Mujhe Acha Sa Lagta Hai ♥

Tumhare Sang Sang Chalna
Wafa Ke Aag Me Jalna ♥

Tumhe Naraz Kar Dena
Kabhi Khud Bhi Ruth Jana ♥

Tumhari Berukhi Pe Bhi
Tumhari Aarzoo Karna ♥

Khud Apne Dil Dharkan Se
Tumhari Guftugu Karna ♥

Mujhe Acha Sa Lagta Hai.

Mohabbat ki aseeri se rehayi mangtay rehna

Mohabbat ki aseeri se rehayi mangtay rehna
Buhut asaan nahiin hota judayi mangtay rehna

Zara sa ishq karlena zara si aankh bhar lena
Phir us kay baab main saari khudayi maangtay rehna

Kabhi mehroom honton per dua ka hurf rakh dena
Kabhi wehshat main uski narsayi mangtay rehna

Wafaon kay tasalsal se mohabbat ruth jaati hai
Kahaani main zara si bay wafayi mangtay rehna

Ajab hai wehshat-e-jaan bhi kay adat ho gayi dil ki
Sukoot-e-sham-e-ghum se hum navayi mangtay rehna

Kabhi bachay ka nanhe haath per titli kay per rakhna
Kabhi phir us kay rangon say rehayi mangtay rehna

MeIn KehTa HoOn Yeh DuNIya HaI

MeIn KehTa HoOn Yeh DuNIya HaI ......
YaHaN Har ShakS MatLub Ki ....
HadOoN Tak Sath Chalta Hai ...
JunHi MauSam BadaLTa Hai ....
MuHabbaT K SaBhi DaaWaaY ....
SaBhI QaSmEin ...
SaBhI WaaDaY ....
AcHaNak TooT JaTay HaIn ...
MeIn KehTa HoOn Yeh DuNIya HaI ......
YaHaN HaR MooR Pay ApnI ...
SaDa AaNkHeIN KhuLi Rakhna ...
Koi KitnA BhI AcHa Hoooo ....
KoI kitnA BhI SucHaaa HooOo ...
MaGaR AitbaaR Mat KaRna ....
MeIn KehTa HoOn Yeh DuNIya HaI ......
YaHaN PaY PyaaR Mat KarNa

Us Ki Aankhon Main Muhabbat Ka Sitaara Ho Ga

Us Ki Aankhon Main Muhabbat Ka Sitaara Ho Ga,

Aik Din Aaye Ga Wo Shakhs Humaara Ho Ga.

Tum Jahan Meray Liye Seepiyan Chunti Hogi,

Wo Kisi Aur Hi Duniya Ka Kinaara Hoga,

Zindagi Ab Kay Mera Naam Shamil Na Karna,

Gar Ye Ta'y Hai Kay Yahi Khail Dubaara Ho Ga.

Jis Kay Honay Say Mere Saans Chala Karti Hai,

Kis Tarha Us-Kay Baghair Apna Guzaara Ho Ga.

Ye Achanak Jo Ujala Sa Huwa Jaata Hai,

DiL Nay Chupkay Say Tera Naam Pukaara Ho Ga.

Ishq Karta Hai To Din Raat Usay Sochna Hai,

Aur Kuch Zehan Main Aaya To Khasaara Ho Ga.

Ye Jo Paani Main Chala Aaya Hai Sunehri Sa Garoor,

Us-Nay Dariya Main Kahen Paun Utaara Ho Ga.

Kon Rota Hai Yahan Raat Kay Sannaton Main,

Meray Jaisa Hi Koi Hijr Ka Maara Ho Ga.

Mujh Ko Maloom Hai Jun-Hi Main Qadam Rakhun-Ga,

Zindagi Tera Koi Aur Kinaara Ho Ga.

Jo Mere Rooh Main Badal Say Garajtay Hain,

Us-Nay Seenay Main Koi Dard Utaara Ho Ga.

Kaam Mushkil Hai Magar Jeet Hi Lun-Ga Us-Ko..!

Meray Moula Ka Jun-Hi Ishaara Ho Ga...!~

Terey Ekhlaass Say Mohabbat Ki Hai

Terey Ekhlaass Say Mohabbat Ki Hai

Terey Ehssaas Say Mohabbat Ki Hai

Tu Merey Pass Nahin Hai Phir Bhi

Teri Yaad Say Mohabbat Ki Hai

Kabhi Tu Nay Bhi Mujhay Yaad Kya Ho Ga

Main Nay Un Lamhaat Say Mohabbat Ki Hai

Jin Main Ho Sirf Teri Aur Meri Baatain

Main Nay Un Auqaat Say Mohabbat Ki Hai

Aur Jo Mahekay Ho Sirf Teri Hi Mohabbat Say

Main Nay Un Jazbaat Say Mohabaat Ki Hai

Tujh Say Milna Tu Ab Khuwaab Sa Lagta Hai ???

Mohsin Nay Terey Intezaar Say Mohabbat Ki Hai

Barish Ki Barasti Boondon Ne Jab Dastak Di Darwaze Par

Barish Ki Barasti Boondon Ne Jab Dastak Di Darwaze Par ~
Mehsus Hua Tum Aaye Ho, Andaaz Tumhare Jesa Tha ~

Hawa K Halke Jhonke Ki Jb Aahat Payee Khirki Pr ~
Mehsus Hua Tum Guzre Ho, Ehsaas Tumhare Jesa Tha ~

Mein Ne Girti Boondon Ko Rokna Chaha Haathon Pr ~
Aik Sard Sa Phir Ehsaas Howa, Wo Lams Tumhare Jesa Tha ~

Tanha Main Chala Phir Barish Me, Tab Ek Jhonke Ne Saath Diya ~
Main Samjha Tum Ho Saath Mere, Wo Saath Tumhare Jesa Tha

Han suno dosto

    Han suno dosto,
    Jo bi dunya kahe,
    Is ko parkhe bina, maan lena nahi
    saari dunya ye kehti he,
    Parbat pe charne ki nisbat utarna sehal he
    Kis tarah maan len,
    Tum ne dekha nahi,
    Sarfarazi ki dhun me koi admi
    Jab bulandi k raste pe chalta he to
    Sans tak theek karne ko rukta nahi
    Or isi shakhs ka,umar ki seeryo se utartey hue,
    pao uthta nahi
    Isi liye dosto!!!
    Jo b duniya kahe,
    Is ko parkhey bina,
    Maan lena nahi,

Judaai k Mosam main

Judaai k Mosam main,
Utarti Shaam se Pehly,
Meri Yakh-Basta Aankhon main,
Khaamoshi Raqs karti hai,
To Usski Yaad ki Payal,
Yoon Mery Kaan main Aa kar,
Mussalsal Chanchhanati hai,
To Phir Yak-Dam Khaamoshi ka,
"Tassalsul" Toot jata hai,
Phir aisey mein koi "Koyal",
Barry hi Qarb se Kooky,
To yoon Mehsoos hota hai,
k jaise Be-Sabab koi,
Kissi ko "Yaad" karta hy.
Kissi ko "Yaad" karta hy...

Mohabbat ki tabiyyat mein

    Mohabbat ki tabiyyat mein

    Ye kaisa bachpana kudrat ne rakha hai

    Ke ye jitni purani jitni bhi mazboot ho jaye

    Ise taeed-e-taaza ki zarorat phir bhi rehti hai

    Yaqeen ki aakhri hadon tak dilon mein lehlahati ho

    Nigahon se tapakti ho,lahu mein jagmagati ho

    Hazaron tarah ke dilkash, haseen haale banati ho

    Ise izhaar ke lafzon ki hajat phir bhi rehti hai

    Mohabbat maangti hai yun gawahi apne hone ki

    Ke jaise,tafl sada shaam ko ik beej boye

    Aur shab mein baarha uthe

    Zameen ko khod kar dekhe ke poda ab kahan tak hai

    Mohabbat ki tabiyyat mein ajab takrar ki khu hai

    Ke ye iqrar ke lafzon ko sun’ne se nahi thakti

    Bicharne ki ghari ho ya koi milne ki sa’at ho

    Ise bus aik hi dhun hai

    Kaho, mujhse mohabbat hai

    Tumhein, mujh se mohabbat hai

    Kaho, mujhse mohabbat hai

Usey batana gham-e-zamana

    Usey batana gham-e-zamana,
    faraib dy ga khayal rakhna,
    wafa k rastey se laut jana,
    faraib dy ga khayal rakhna,

    sakoon dain gi wisal raaten,
    chain dain gy udas lamhey,
    magar ye pal bhar ka muskurana,
    faraib dy ga khayal rakhna,

    tum khuwab kis k,
    main khuwab kis ka,
    na pyar mujh ko,
    na pyar tum ko,
    ye ek doojy k paas ana,
    faraib dy ga khayal rakhna,

    jo qeher toota hai dil pe mere,
    wo qeher tootay na ab ksi pe,
    ye dil jalana,ye ghar lutana,
    faraib dy ga khayal rakhna.....!!!!

Usne jab jab bhi mujhe dil se pukara mohsin

    Usne jab jab bhi mujhe dil se pukara mohsin.
    Me ne tab tab yeh bataya ke tumhara mohsin.

    Log sadyon ki khataon pe bhi khush baste hain.
    Humko lamhon ki wafaon ne ujara mohsin.

    Jab agiya ho ye yaqin ab woh nahin aega.
    Gham aur anso ne diya dil ko sahara mohsin.

    Woh tha jab pas to jeene ko bhi dil karta tha.
    Ab to pal bhar bhi nahin hota guzara mohsin.

    Usko pana to muqadar ki lakeron men nahin.
    Uska khona bhi karen kaisa gavara mohsin………

Anlh Bari sogwaar Thi

Mohabbat Gumshuda Meri

Itna Toota Hoon Ke Choonay Say Bikhar Jaaoonga

    Itna Toota Hoon Ke Choonay Say Bikhar Jaaoonga,

    Ab Agar Aur Dua Dogay To Mar Jaaoonga !

    Pooch Kar Mera Pata, Waqt Ra-E-Gaan Na karo,

    Main To Banjara Hoon, Kya Jaanay Kidhar Jaaoonga !

    Har Taraf Dhund Hai, Jugnu Hai Na Charagh Koi,

    Kaun Pehchanay Ga, Basti Mein Agar Jaaoonga !

    Zindagi, Main Bhi Musaafir Hoon Teri Kashti Ka,

    Tu Jahan Mujh Say Kahe gi Main Utar Jaaoonga !

    Phool Reh Jayen Gay Guldaan Mein Yaadon Ki Nazar,

    Main To Khushboo Hoon Fizaoon Mein Bikhar Jaaoonga !

    Itna Toota Hoon Ke Choonay Say Bikhar Jaaoonga,

    Ab Agar Aur Dua Dogay To Mar Jaaonga !

Aaj Gum Sum Hai Jo Barbaad Jazeeron Jaisi

Aaj Gum Sum Hai Jo Barbaad Jazeeron Jaisi,
Us Ki Aankhon Mein Chamak Thi Kabhi Heeron Jaisi

Kitne Maghroor Pahaaron Ke Badan Chaak Huey,
Taiz Kirnon Ki Jo Baarish Hui Teeron Jaisi

Jis Ki Yaadon Se Khayaalon Ke Khazaanay Dekhay,
Uski Soorat Bhi Lagi Aaj Faqeeron Jaisi

Chahatain Lub Pe Machalti Hui Larki Ki Tarah,
Hasratain Aankh Mein Zindaan Ke Aseeron Jaisi

Hum Anaa Mast, Tahi Dast Bohat Hain MOHSIN,
Ye Alag Baat Ke Aadat Hai Ameeron Jaisi……..!

KIA MILA MOHABBAT SAY ..!!!!!

     KIA MILA MOHABBAT SAY ..!!!!!

KIA MILA MOHABBAT SAY
KHAWAB KI MUSAFAT SAY
WASAL KI TAMAZAT SAY
ROZ-O-SHAB KI RIAZAT SAY
KIA MILA MOHABBAT SAY
IK HIJJAR KA SEHRA
IK SHAAM YADOON KI
IK THAKA HOWA AANSOO
KIA MILA MOHABBAT SAY ..!!!!!

Mushkil

~*~Mushkil~*~


Ulajh rahi hain meri sanson se
Mere lafzon ki sansein
Dehak raha hai in ki aanch se sara kaghaz
Aag hai bakht mere harfon ka
Jab bhi mein kuch likhna chahon
Mera dil bhi meri rooh bhi
In ki tapish mein jal marte hain
Kia mein likhon???
Kesay likhon???

Mohabbat oas ki soorat,

    Mohabbat oas ki soorat,
    piyasi pankhari kay hoNt ko sairab karti hai
    guloN ki AasteenoN mein anhokey rang bharti hai
    sehar kay jhatpatey mein, gungunati,muskurati,jagmagati hai
    mohabbat kay dinoN mein dasht bhi mehsoos hota hai
    kisi firdose ki soorat
    mohabbat oas ki soorat

    mohabbat abr ki soorat,
    diloN ki sir zameeN pay ghir kay ati hai aur barasti hai
    chaman ka zarra zarra jhoomata hai, muskurata hai
    azal ki baynamoN matti mein sabza sir uthata hai
    mohabbat un ko bhi abaad aur shadaab karti hai
    jo dil hain kabr ki soorat
    mohabbat abr ki soorat

    mohabbat Aag ki soorat,
    bhujey seenoN mein jalti hai to dil baidaar hotay hain
    mohabbat ki tapish mein khuch ajab israr hotay hain
    k jitna yeh barhakti hai,uroos-e-jaaN mehakti hai
    diloN k sahiloN par jama hoti aur bihkarti hai
    mohabbat,jhag ki soorat
    mohabbat,aag ki soorat

    mohabbat khwab ki soorat,
    nighaoN mein utarti hai kisi mehtaab ki soorat
    sitaray arzoo k is tarha say jagmagatay hain
    k pehchani nahi jati dil-e-bay taab ki soorat
    mohabbat k shajar par khwab kay panchi utartee hain
    to shakhain jag uthtee hain
    thakay haray sitaray jab zameeN say baat kartey hain
    to kab ki muntazir ankhein
    mohabbat in mein jalti hai chargh-e-aab ki soorat
    mohabbat,khwab ki soorat

    mohabbat derd ki soorat
    ghuzishta mosamoN ka iste-yara ban k rahti hai
    shaban-e-hijr mein,roshan sitara ban k rahti hai
    munderoN pay charaghoN ki lo jab thartharati hain
    nagar meinn na umeedi ki hawa-ain sansanati hain
    gali mein jab koi ahat,koi saya nahi rehta
    dhukey dil kay liay jab koi sahara nahi rehta
    ghamoN k bojh say jab tootnay lagtey hain shanay to
    yeh un pay haath rakhti hai
    kisi hamdarad ki soorat
    guzar jatey hain saray qaflqy jab dil ki basti say
    fizza mein dair tak tairti rehti hai
    yeh gerd ki soorat,
    mohabbat derd ki soorat

Mohabbat tum nay kab ki hai?

Mohabbat tum nay kab ki hai?
mohabbat main nay ki hai
tum nay bus khamshi ki aut main rakh kar
kuch apnay lams kay misray meray dil main utaaray hain
lab-e-num saaz kay num main kai nazmain bhigo kar
meray shaanon par bhikhairi hain
muhabbat tum nay kab ki hai?
mohabbat main nay ki hai
tum nay to apni aankhon door tak israar main doobi hoye
ek shaam jessi sard aankhon main mujhay tehleel karna tha
so main bhi aik baywuqat say lamhay ki tarah ab tak
tumharay paaon ki matti say lipta hoon
na tum nay paaon ki matti ko jhutka hai
na usnay bay wuqat bay maaya lamhay ko
utha kar apni paishaani pay rakha hai
tumhari khamshi ki oak main meray liye kia hai
sub hi kuch hai magar iqraar ki jhilmil nahin hai
samandar mojizan hai or koi saahil nahin hai
mohabbat tum nay kab ki hai?

Aadat hi bana li hai es sheher k logon nay

    Aadat hi bana li hai es sheher k logon nay
    Andaaz badal lena,awaaz badal lena

    Dunia ki muhabbat main atwaar badal lena
    Mosaum jo naya aaye raftaar badal lena

    Agyaar wohi rakhna aehbaab badal lena
    Aadat hi bana li hai es sheher k logon nay

    Rasty main agar milna nazron ko jhooka lena
    Awaaz agar do to katra k nikal jana

    Har ek say juda rehna har
    ek say khafa rehna
    Har ek ka gila karna
    Jaty hoye raahi ko manzil ka pata day kar
    rasty main rula dena
    Aadat hi bana li hai es sheher k logon nay...!!

Dukh Boltay Hein

Dukh Boltay Hein

jab seeney Ander saans ke darya doltay hein
jab Mausam sard hawa mein
Chup Si gholtay hain
Jab AansOoOo
Palkein Roltey hein
Jab Sab Awazein apney apney bister pey sojaaty hein
Tab ahista ahista Ankhein kholtey hein
Dukh boltey hein

Bohat dino ki baat thi

Bohat dino ki baat thi
shabab per bahar thi
fiza bhi khushgawar thi
na jaane kioun machal para
main apne ghar se chal para
kisi ne mujh ko rok ker
bari aada se tok ker
kaha ke laut ayyee
meri qasam na jayyee
meri qasam na jayyee
magar mujhe khabar na thi
mahaul per nazar na thi
na janey kioun machal para
main apney ghar se chal para
phir shehar se main aa gaya
khayal tha ke paa gaya
usey jo mujh se durr thi
magar meri zaroor thi
phir ik haseen shaam ko
main chal para salam ko
gali ka rang dekh ker
naye tarang dekh ker
mujhe bari khushi hui
mujhe bari khushi hui
main kuch isi khushi main tha
kisi ne bahir jhank ker kaha
paraye ghar se jayyee
meri qasam na ayyee
meri qasam na ayyee
wohi haseen shaam hai
bahar jis ka naam hai
chala hoon ghar ko chor ker
na janey jaoon ga kidhar
koi nahin jo rok ker
koi nahin jo tok ker
kahay ke laut ayyee
meri qasam na jayyee
meri qasam na jayyee

Par Ye Na hoga Mujhse

    Par Ye Na hoga Mujhse
    K Main USKO bhool jaon ...!

 

    jitna bhi usko sochon utna hi door paon

    jitna bhi usko chahoon

    khud hi bikharta jaon

    main aam sa musafir be-aas ... be-sahara

    wo door kahin basta

    ek Aasmaan ka tara

    main rait se ulajhti sehraon ki hawa hoon

    wo sahilon pe chalta bad-e-saba ka jhonka

    Haan farq to bht hai ...

    par baat ye faqat hai

    main laakh toot jaon ...

    khud hi se rooth jaon ...



    Par Ye Na hoga Mujhse K Main USKO bhool jaon ...!

ik roz koi tou soche ga

ik roz koi tou soche ga
farzano ki is basti mein
ik larki thi pagal pagal si
per batein thik hi kehti thi !!

barish ki terhan pur shoor na thi
darya ki terhan chup rehti thi
jin se ose pyar bala ka tha
taney bhi onhi k sehti thi
ik larki thi pagal pagal si
per batein thik hi kehti thi ..!!

ik roz koi tou soche ga
duniya ne oss ko kuch b na diya
per oss ne jaag ko pyar dia
jaan rote rote kho behti
dil haste haste har diya

jo nazam likhi bhrpoor lihki
jo shair diya shah-kar diya
kion jite ji dar goor hoi
kis chah pe tan man war diya
tha dushman kun bechari ka
kis ranjh ne osko mar diya
ik roz koi tou soche ga
aur pehron baith k roye ga..

Mohabbat Taul Di Us Ne …

    Mere Israar Per Aakhir

    Bohat Majbuur Ho Ker Aaj

    Mujhy Apni Nigaho’n Ki Udaasi

    Sonp Di Us Ne

    Bohat Bebas Bohat Tanha

    Bohat Bikhri Mohabbat Ki Us Ne

    Khalish Jo Us k Dil Mein Thi

    Ab Wo Meri Amanat Hy

    Shikasta Lehjy Ki Jitni Thakan Thi

    Bol Di Us Ne

    Meri Khatir Mujhy Apni Mohabbat
    Keh Nahi Paya

    Magar

    Aaj Apne Aansuu Se

    Mohabbat Taul Di Us Ne … !!!

Aa Bant lyn Sary dard-o-Alm

Aa Bant lyn Sary dard-o-Alm
kuch Tm Rkh lo..
kch hm Rkh Lyn..

Ab Ponch lo apny ashq Sanam
kuch Tm Rkh lo..
kch hm Rkh Lyn..

Hm sath Rahen Aur sath chalen..
Hm sath Jeyen aur sath Maren..

Is Rah-e-Wafa pe apny Qadm
kch Tm Rkh lo
kch hm Rkh Lyn

Mana k Dukhon Se Tm ho Bhary aur Hm b khali hath nhi

Ye Zulm-o-Sitm Tmhen meri Qsm
kch Tm Rkh lo
kch hm Rkh Lyn

Be Drd Zmany Wly jo kch kehty hn so kehny do

Be los Tmnaon ka Bharm
kch Tm Rkh lo
kch hm Rkh Lein

Ek lafz Mohabbat hai,

Ek lafz Mohabbat hai,
 

jissay kar k daikho tum..
 

Barbaad na ho jao to
 

mera naam badal daina..

 

Ek lafz Muqaddar hai,
jiss say larr k daikho tum..
Haar na jao to
mera naam badal daina..


Ek lafz Wafaa ka hai,
 

zamanay mein nahi milti..
 

Kaheen say dhoond kar lao
 

to mera naam badal daina..

 

Ek lafz Aansoo hai,
 

issay dil mein chhupa kar daikho tum..
 

Aankhon say na beh jaye
 

to mera naam badal daina..

 

Ek lafz Judai hai,
 

issay seh kar daikho tum..
 

Toot kar na bikhar jao to
 

mera naam badal daina..

aPNAY saRD kamRAY maIN

aPNAY saRD kamRAY maIN
maIN uddAS BEtha HON
NEEM waa dareCHON SE
Num hawaIN aaTi haIN
TERa Naam le LE k
mujH KO guDGUDti hAI
KAAsh mERE par HOTAY
tere PAAS uRH AAta
kasH Main HaWAaa HOta
tujh KO CHOoo k LouT aaTa
MAIN nahe mGAR KUch bhi
sunG DIL rawaJON k
aahINI HASAron maiN
UmaR QAid ka mulZIM
SIRf ek leRKa HOOoon...

Raat Uss Na Poocha Tha

Raat Uss Na Poocha Tha
Tum Ko Kaisi Lagti Hai
Chandni December Ki !
Main Nay Kehna Chaha Thah
Saal-O-Maah K Baray Main
Guftagu K Kiya Maani ?
Chahay Koi Manzer Ho
Dasht Ho , Samander Ho
June Ho , December Ho
Dharkano Ka Her Naghma
Manzaro Pay Bhaari Hai
Saath Jab Tumhara Ho
Dil Ko Ek Sahara Ho
Aisa Lagta Hai Jaisay
Ek Nasha Sa Taari Hai
Lakin Uss Ki Qurbat Main
Kuch Nahi Kaha Main Nay
Takti Reh Gayee Mujh Ko
Chandni December Ki !

Suno Ay chand si Larki

     Suno Ay chand si Larki!

    abhi Tum keh rahi thi na!
    tmhein mujh se Muhabat ho nhi skti
    chalo mana k Ye sach hai
    magr Ay chand si Larki
    mujhe itna btaao tm
    k jb mosam badalte hain
    Gullon mein rang bharte hain
    to phir kyun muztrib ho kr
    akele pan se ghabra kr
    Hawa ko raaz deti ho
    mujhe awaz deti ho

    Suno Ay chand si Larki
    tumhare saamne koi
    mera jb naam leta hai
    to phir kyun chonkk jati ho
    chalo maana k tmhein
    mujh se Muhabat ho nhi skti
    magr itna samjh lo tum
    Jahan chahat nhi hoti
    wahan nafrat k hone ka
    koi imkaan nhi hota
    magr Daawa hai chahat mein
    jahan nafrat nhi hoti
    wahan aksar ye dekha hay
    agar kuch waqt kut jaye
    samay ki dhool chat jaye
    tu wehshat bhaag jati hay
    muhubat jaag jati hay....

Insaanoo Ki Is Basti Main

Insaanoo Ki Is Basti Main
Kuch Aise Log Bhi Bastey Hain
Jo Gham Sehtey Hain Dunya K
Jo Chupkey Chupkey rotay Hain
Insaano Ki Is Basti Main
Rehtey Hain Kuch Maseeha Bhi
Jo Kartey Bass Maseehai
Chhup Chhup Kar Wo Rehtey Hain
Insaano Ki Is Basti Main
Bastey Hain Kuch Sanam Aise
Jo Apni Hi Is Pooja Se
Kuch Kuch Dartey Rehtey Hain
Insaano Ki Is Basti Main
Bastey Hain Kuch Farishtey Bhi
Jab Ghalti Ka Imkaan Nahi
To Na Janey Kion Darte Hain?
Insaano Ki Si Basti Main
Kuch Log Baney Hain Shedai
Jo Hulye Se Hain Dewaney
Par Baat Feham Ki Kartey Hain
Insaano Ki Is Basti Main
Kuch Log Ajab Se Rehtey Hain
Kartey Hain Kaam Darindoon K
Aur Khud Ko Insaan Kehtey Hain
Insaano Ki Is Basti Main
Rehta Hai Aik Khudawand Bhi
Usse Ki Marzi K Tabay Hain
Jo Jeetey Hain Jo Martey Hain
Insaano Ki Is Basti Main
Rehta Hai Aik Khudawand Bhi
Jab Ataa Karey To Aise Karey
Sab Malik Bhi Phir Mangtey Hain
Insaano Ki Is Basti Main
Kuch Aise Log Bhi Bastey Hain
Jo Gham Sehtey Hain Dunya K
Jo Chupkey Chupkey rotay Hain

Suno logo

Suno logo!

Meri aankhen kharedo ge?

Bohat majboor halaat main

Mujhe nelaam kerna hai

Koi mujh se naqd le le

Main thore daam le loon ga

Jo pehli boli de de

Bus usi k naam ker doon ga

Mujhe bazaar wale keh rahe hain, "O! kum-aqal tajir!"

Aray koi sune to mei main sunsaan logon main nahi hoon hirs ka khawahan

Nafa nuqsan ki shatranj nahi main kehlne aaya

Koi mujh ko kahe na, "Manchala sa be-hunar tajir"

Bata paon tumhain kis tarah k kis tashvish main hoon

Suno logon!

Bari mehboob hain mujh ko ye

Meri neem tor aankhen

Magar ab bechta hoon k

Mujhe aik khwab ka tawaan bharna hai...!!!

Mohabat rog hoti hay

    Mohabat rog hoti hay
    Rula kar khud b roti hay
    Kinaray k bohat nazdeek lay ja kar
    Yeh kashti ko daboti hay
    Isay tum dilki dharti ka pta mat do
    Ye is mein dard boti hay
    Luta kr dil ko ronay say b kya hasil
    Bohat nayab moti hein
    Azal se iski fitrat hay zamany ko jaga kar aap soti hay
    Yeh sir say paon tak bus raakh kar degi
    Boht bedard hoti hay

Wo nafraton ke sawal kar ke

   Wo nafraton ke sawal kar ke

    mohabaton ke jawab maange

    ye chaahton ki karri mushaqat

    chalen hain tanha

    shikast khuurda

    koi to mera bhi dard jaane

    koi to uss se hisaab maange

wafa hay shart chahat ki

Mohabbat kar to lain lekin,

wafa hay shart chahat ki,

zara mujh ko bata jana,

k is daur-e-khud'gharzi mein,

wafa ab kon karta hay?

wafa kaanton ka rasta hay,

to kaanton pay chalay ga kon?

wafa hay khail aatish ka,

to aatish mein jalay ga kon?

wafa hay maut ka sauda,

yahan baichay ga sansain kon?

Wafa hay rat'jaga Mohsin,

yahan jagay ga ratain kon?

wafa khud ko mitana hay,

yahan khud ko mitaye kon?



Mohabbat kar to lain lekin,

Mohabbat ko nibhaye kon?

Sab se acha lafz

  Sab Say Acha Lafz

    Amjad Islam Amjad

    Mein subh-o-sham likhta hon

    zameeN par jiss Qadar achi zubanein boli jati hein

    Mein Un Say Harf Chunta Hoon

    Tumhara Naam Likhta Hon

WO SHAKHS

WO SHAKHS….

Wo shakhs bada ba-ikhtiar hay…!
Mujhay todh sakta hai
Mujhay jodh sakta hai
Usay mere koi parwa nahin
Ik najr-e-inayat bhi rawa nahin
Hamaisha jafa’ain kein
Aur badlay mein wafa’ain lein
Wo shaks bada ba-ikhtiar hai…!
Laikin hum hain ke..
Na uska dil todh saktay hain
Na usay **** saktay hain!
Kabhi usay koi ranj nahin dia
Hamaisha uski janib bikhar gayay!
Uski khoshi ko apni khoshi kaha
Uski khuahish ko apni khuahish kaha
Uskay kitnay hi ranj uthayay…!
Magar kabhi ussay gila nahin kia!
Uski her ek be-rukhi hans ke taal gayay…
Haa’n…!!!
Wo shaks bada ba-ikhtiar hai…
Aur hum baday be-ikhtiar….!!!

Ik shakhs jisay mujh per mukammal tha ikhtiar
Kabhi todhta! kabhi jodhta! kabhi han! kabhi inkar!

Dukh hastay hain

Jab ankh mein ansoo ataay hain
jab dil ki dharkan rotee hai
Jab door kahin sanaatay mein
Ek chaap si koi hote hai
Jab mun mein ansoo girtay hain
Dukh hastay hain,dukh hastay hain

Jab raat k saiy dhaltay hain
Aur panche punkh andheray mein
Ghar lout k ayaa kartay hain
Phir hum jaisay dewaanay log
Prem ki aag mein jaltya hain
Dukh hastay hain,dukh hastay hain

Jab waqt k koray kagaz par
Bus rang bharna rah jata hai
Aur sung chalna rah jata hai
Phir apnay saat samandar parr
Door kahin jaa bastay hain
Dukh hastay hain,dukh hastay hain

Suno achha nahin lagta

Suno achha nahin lagta
karay jab tazkira koi
karay jab tabsira koi
tumhari zaat ko khojay
tumhari baat ko sochay
mujhay achha nahin lagta

suno achha nahin lagta
tumhari muskurahat per
hazaron log martay hon
tumhari aik aahat per
hazaron dil dharaktay hon
kisi ka tum pe youn marna
mujhay achha nahin lagta

suno achha nahin lagta
hawa guzray tumhain chhoo ker
na ho ga zabt yeh mujh se
karay gustaakhian tum se
mujhay achha nahin lagta

suno achha nahin lagta
k tum ko phool bhi daikhain
tumharay paas woh mehkain
ya chanda ki guzarish ho
k apni roshni bakhshoon
rukh-e-janan koi daikhay
mujahy achha nahin lagta
mujahy achha nahin lagta

Suno aey jaan se piyaari GurRiya

Usay maine yeh Likha tha

Suno aey jaan se piyaari GurRiya !!!

Tumhain maloom hi h0ga

tumhare bin to ab mera guzara h0 nahi sakta..

Tadapta h0n judaayi mai

Mager,,

yeh be’basi kesi !!

Keh

mei khuL ke r0o nahi sakta..

Mere A’asaab peh Haawi
tumhari yaad ka pehra

Main shab ko soo nahi sakta..

Suno GurRiya !!

Koi rasta,
k0i tadbeer ho aesi

keh dil k chaak siL jaayain

Judaayi mai wafaa0n k kahii peh GuL jo khiL jayain

hum phir ik baar mil jaayain..

Jo ab GurRiya ne Likh bheja

aey meri jaan se barh kar !!

Yeh mera aakhri khatt he..

Yeh mana he boht mushkil

mager !!

Dekho meri khaatir tumhain har haal mai

mujhse kinara karna hi h0ga..

Koi tadbeer bhi ab k

hamare bas se baaher he..

Jo dil k chaak hai janaa’n

yeh phir se siL nahi sakte

judaayi mei wafaa0n k kabhi guL khil nahi sakte

sun0 !!
Hum mil nahi sakte..

Tumhari khwaahishain janaa’n

hain sir aankh0n peh mere

so ,,

sar-e-raah m0habbat mai

tumhari khwaahish0n ka ab jo ik tawa’an he zimmay !!

Usi ko bhar raha h0n main

ubherti saans kehti he musalsal mar raha h0n main

Suno GurRiya !!!

Guzara kar raha h0n main . . .

Dareche se jhankte woh larki

    Dareche se jhankte woh larki ajeeb dukh se bhari howi hai
    k us k angan main phool per aik neli tetli mari howi hai

    kabhi azano main khoi khoi, kabhi namazo main royi royi
    woh aesy dunya ko dekhte hai k jaise us se darey howi hai

    Drood se mehke mehke sansain,wazefa parhte howe wo aankhein
    aik shamaey umeed k un main, kai baras se dhari howi hai

    woh dukh ki chader main lapti lapti,woh kale kapron main simti simti
    muhabbat wo bhi kise se shayad , meri tarah hi kare howi hai

    bare zamanoon k baad barsi hain meri aankhein kisi ki khatir
    bare zamanoon k baad dil ki zameen phir se hari howi hai........

Jab main chota bacha tha

Jab main chota bacha tha

chand ko dekh ke roo deta tha

apni ami se kehta tha

chanda pass bula doo ami

mere sath sula doo ami

lakin ab main soch raha hoon

aur to ARSHAD sab hota hai

chand kisi ka kab hota hai

Yaqeen ki Akhri Hadd Tak

Yaqeen ki Akhri Hadd Tak
Yaqeen hai or Daa'waa bhi….!
K Rukhsat ker k bhi Aksar,
Nazar ki akhri Hadd takh………….!
Mujhe wo dekhta hoga
Mager itne yaqeen k baad bhi maine.....
Kabhi Mur ker nahi Dekha.......
Bus ik Mubhim sa Dar sa hai
Kahin Aisa na Hojai
.
.

Palat Ker me Use Dekhun .......
.
.
.
.

Toa Wapis Ja Chuka ho wo………

Bohat Mehdood sa

    Bohat Mehdood sa ik.....
    Halk-e-Ehbab ha mera
    Faqat tanhaiyan ,
    Ruswaiyan ,
    Nadanaiyan or Main

Bus TuM

Bus TuM !!



-Ek aas...
-Ek ehsas...
-Meri soch...
Or
-Bus TUM...!

-Ek sawaal...
-Ek majaal...
-Tumhara khayaal...
Or
-Bus TUM...!

-Ek baat...
-Ek sham...
-Tumhara saath...
Or
-Bus TUM...!

-Ek dua...
-Ek faryaad,
-Tumhari yaad...
Or
-Bus TUM...!


-Mera junoon...
-Mera sukoon...
-Bus TUM...
Or
-Bus TUM..!!

MUHABBAT CHOR DI HUM NE

    Abhi jo laut kar phir tum hamare dar pe aye ho,
    yeh tum se keh dia kis ne k tum bin reh nai sakte?
    yeh dukh hum seh nahi sakte....???
    magar yeh bat bhi sach hai tumhare bin bauhat roey
    kai raaton ko naa soey.....!!!!!
    agar tum janna chaho k aisa kyun kia hum ne..???
    yeh dukh kyun seh liya hum ne...???
    TOU SUN LO GHUOAR SE JANAN
    purani ehad-e-rafta ki riwayat torr di hum ne...
    !!!!MUHABBAT CHOR DI HUM NE!!!!!

Koi waqat purana yad aya

     Koi waqat purana yad aya;;

    Koi Waqt Purana Yaad Aya !!
    Phir Dour Sohana Yaad Aaya !!
    Or Chupkay Se In dewaron Pe !!
    Kuch Likh Kar JanaYaad Aaya !!
    Tera Milna Neend Ki Chaaon Mein !!
    Or Sir Rakh Dena Kandhay Per !!
    Mera Ye Kehna Koi Dekh Na Le !!
    Tera Wo Ghabrana Yaad Aaya !!
    Aisa Bhi Tu Aksar Hota Tha !!
    Mein Tuj Ko Chorne Jata Tha !!
    Barish ki Bheegi Raaton Mein !!
    Tera Hath hilana Yaad Aaya !!
    Wo Waqt Gaya Betay Lamhe !!
    Ab Her Janib Tanhai Hai !!
    Bas Ek hi Manzar Ankhon Mein !!
    Tera Chor Ke Jana Yaad aaya !!

AJNABI

    ~~~AJNABI~~~

    Ajnabi si rahon kA
    Ajnabi musaafir eiK!
    Mujh say poch betha haI,
    Rasta bata do gaY!
    Ajnabi si rahon kE
    Ajnabi musaafir suN!
    Rasta koi bhi hO,
    Wasta koi bhi hO,
    Manzelein nahi milteN!
    Manzelein tu dhoka haiN,
    Manzelein gar mil jayeiN,
    Tu justjoo nahi rehtI!
    Zindage ko jeeny ki arzoo nahi rehtI...

Dukh Anmol Hotay Hain...!!!

   Qudrat ki widayat hotay hain
    Kabhi kuch day kar jatay hain
    Kabhi sub kuch cheen laitay hain
    Kabhi baychain kartay hain
    Kabhi jeena sikhatay hain
    Kabhi bantay hain jub aansoo
    Umar bhar ya rulatay hain
    Naiee dunain sajatay hain
    Kabhi meethi kasak ban kar
    Anjani khalish ban kar
    Makeen-o-dil ya banatay hain
    Kisi soorat nahi miltay
    Jo in say door bhagoo tu
    Janay nahi daitay
    Na zinda rehnay daitay hain
    Na ya aazad kartay hain
    Nahi jis ki dawa koi
    Ya aisa dard hotay hain
    Magar ya bhi haqeeqat ha
    Har aik ko tu nahi miltay
    Baray nayab hotay hain
    Ya DUKH Anmol hotay hain…………….!!!!!!!!!

Tum tu shayid bhol gaye

Tum tu shayid bhol gaye

Tum tu shayid bhol gaye
Magar mujhy aj bhi yad hay
Wo bheegi barsat ki shamain
Wo sath bitayi chandni ratain

Tum tou shayid bhol gaye
Magar mujhy aj bhi yad hay
Wo tera mera hath thamna
Wo mera tujhy dekh k muskurana

Tum tu shaiyd bhol gaye
Magar mujhy aj bhi yad hay
Wo Tera izhar-e-muhabbat
Wo Mera iqrar-e-rafaqat

Tum tou shayid bhol gaye
Magar mujhy aj bhi yad hay
Wo pehli ajab mulakat
Wo Khamosh labon ki unkahi bat

Tum tou shayid bhol gaye
Magar mujhy aj bhi yad hay
Wo achanak tera mujhy chor dena
Wo merey dard ki shidat ka barh jana

Tum tou shayid bhol gaye
Magar mujhy aj bhi yad hay
Wo tera wapis na any ka ahed
Wo mera tera intezar kerny ka paiman

Tum tou shayid bhol gaye
Magar mujhy aj bhi yad hay
Wo tera mujhy tanhai ka musafir bana dena
Wo mera vasl ki yadon se muhabbat ker lena

Tum tou shayid bhol gaye
Magar mujhy aj bhi yad hay
Wo tera inkar muhabbat se kerna
Wo mera talash-e-ishq-e-gumshuda kerna

Tum tou shayid bhol gaye
Magar mujhy aj bhi yad hay

Aa Meri Tanhai...!!!!!

Naam le le kar mera

Na shehar ki nazron main aaa

Muj se milna hay to

Mere dil k sahraoon main aaa

Is safar main dekh pighal jate hain

Matti ka badan

Muj se milne ki na khawahish kar

Na barsatoon main aaa

Loog tuj ko gungunaeen

Meri khuwaish ki tara

Ek achote shere ki surat meri

Ghazlon main aaa

Be huner logoon ne phir manga

Mere fun ka saboot

Aa meri sachai ki khushbo

Mere lafzoon main aaa

Ghar k darwaze pe kyun aa kar

Qadam rakhne lage

Aaa meri tanhai,meri muntazer

Bahoon main aaa

Kyon Karty Hu Gila Hum Sy Bewafai Ka

   Kyon Karty Hu Gila Hum Sy Bewafai Ka
    Yad Karu
    Wo Din!
    Wo Lamha!
    Wo Waqt!
    Wo Pal!
    Wo Mosam!
    Wo Barish!
    Wo Patjhar!
    Wo Bahar!
    Har Wo Lamha
    Jis Main Mainy Tumhain Kaha Tha
    Tum Jan Hu Meri
    Pyar Ha Tum Sy
    Tum Rooh Hu Meri
    Tum Din Hu Mery
    Tum Rat Hu Meri
    Tum Subh Hu Meri
    Tum Sham Hu Meri
    Kyon Dety Hu Ilzam Mujh Ko
    Kyon Dety Hu Bewafa Ka Naam Mujh Ko?