Aisa toota hai tamanaon ka pindaar k bus by Mohsin Naqvi

Aisa toota hai tamanaon ka pindaar k bus !

Aisa toota hai tamanaon ka pindaar k bus !

Dil ne jhailay hain mohabbat mein wo azaar k bus !

Ek lamhay mein zamanay mere hathon se gaye !

Es qadar taiz hui waqt ki raftaar k bus !

Tu kabhi rakh k humein dekh to bazaar k beech !

Es tarha toot k aaein gay kharidaar k bus !

Kal bhi sadiyon ki musaafat pe kharray they donon !

Darmiyaan aaj bhi parti hai wo deewar k bus !

Ye to ek zid hai k Mohsin main shikayat na karun !

Warna shikway to hain etnay mere yaar k bus !