Tum Bhi Aam Se Nikly

( Tum Bhi Aam Se Nikly )
Jheel k kinaaray pr,

Aik shaam baitha thaa,

Dhal raha thaa suraj aur,

Aasmaan pe surkhi thee,

Jheel k kinaray k,

Munfarid se hissay ko,

Aik lehr daanista,

Choomti rahi pal pal,

Dhek kar inaayat aur,

Dekh kr karam itna,

Jheel k kinaaray k,

Saadah loh hissay ne,

Lehr se kaha itna,

Tum bohat hi achhi ho,

Aao aik ho jayain,

Chaahatoun mein kho jayain,

Badlay badlay lehjay main,

Lehr ne kaha Us'sy,

Main tumhein kinaroun se,

Mukhtalif samajhti thi,

Tum bhi aam se niklay.