Koi nai chot phir se khao, udaas logo !
Kaha tha kis ne ke muskarao, udaas logo !
Guzar rahi hain gali se phir maatami hawaein
Kewaarh kholo, Diye bujhao udaas logo !
Jo raat muqtal main baal khole uter rahi thi
Wo raat kesi rahi? sunao udaas logo !
Kahan talak baam.o.dar charaghaan kiye rakho ge ?
Bicharne walon ko bhool jao, udaas logo !
Ujaarh jungle, dari fiza, haanpti hawaein
Yahin kahin bastiyan basao, udaas logo !
Ye kis ne sehmi hoi fiza main humein pukara
Ye kis ne aawaz di ke, Aao ! Udaas logo !
Yeh jaan ganwaany ki rutt yunhi raigaan na jaye,
Sar-e-sinaa'n koi ser katao, udaas logo!
Ussi ki baaton se he tabbiyat sambhal sake gi
Kahin se Mohsin ko dhoond lao udaas logo...!
No comments:
Post a Comment