Zard phool by Ayesha Yaseen

عنوان:

زرد پھول

ازقلم عائشہ یٰسین

کیوں کہتے ہو؟

زرد پھول اداسی کی علامت ہیں!

کیوں پھولوں کو اداسی دے کر،

مختلف علامتیں دے رکھی ہیں؟

زرا بتاؤ مجھے؟

کیا تم نے کبھی

زرد سورج مُکھی کے،

پھول دیکھے ہیں؟

جو محبت میں اتنے پکے ہیں ،

جس جانب سورج ہو گا ،

وہیں اپنا رخ موڑ لیں گے،

جب رات سیاہ چھائے گی ،

تو یہ کیسے ادب سے

جھک سے جاتے ہیں؟

اور کسی اور کی جانب دیکھنے کا

سوچتے تک نہیں۔

کبھی سرسوں کے کھیت میں لگے

زرد پھول دیکھے ہیں؟

نہیں دیکھے تو آج دیکھ لو!

تم سب سمجھ جاؤ گے،

اپنی ہی زمین میں اُگا،

ہر پھول خوشی ہے،

ہر پھول بہار ہے۔

٭٭٭٭٭٭٭٭٭٭٭٭٭٭٭٭٭٭٭٭

Chaye by Ayesha Yaseen

عنوان:

چائے

نام؛  عائشہ یٰسین

 

سر درد کا بہانہ کر کے

اک کپ اور منگالی، چائے

 

کڑک دل کے رنگ کی مانند

پیتے ہیں ہم پھر کالی، چائے

 

تخیل بننے ہیں، خیال بنانے ہیں

ضرورت ہیں اب ایک پیالی، چائے

 

کسی سوچ میں کھوئے ہوئے عائشؔ

پیتے ہیں اکثر خیالی ، چائے

٭٭٭٭٭٭٭٭٭٭٭

Nazam by Ayesha Yaseen

عنوان:

 نظم

عائشہ یٰسین

ہم نے صبح کی کرنوں کو  مقدر سمجھا

اور نصیبوں پہ گھنی رات سیاہ چھائی ہے

 

نا جانے کون سا جرم کیا تھا ہم نے

جس کی  صورت میں تیری ہم نے سزا پائی ہے

 

اک مدت سے روشن ہی نہیں ہو رہا عائشؔ

دل پہ کیسی یہ کالی گھٹا چھائی ہے

 

ازقلم ۔۔ عائشہ

٭٭٭٭٭٭٭

Nazam by Ayesha Yaseen

عنوان:

نظم

عائشہ یٰسین

 

ذہن میں آیا ہے اک پرانا، خیال بھی

پہلے اٹکی سانس ہوا جینا محال بھی

 

مدتوں شدت غم میں پھرتی رہی ہوں میں

انتظار میں ہی گزر گیا یہ ماہ و سال بھی

 

مر بھی گئے تو کیسا ہو گا؟

اکثر ذہن میں گونجتا ہے اک سوال بھی

 

مجھ کو شکست دینے کا وعدہ کر گیا عائشؔ

درد کی دیکھو ہے کتنی مجال   بھی

 

ازقلم؛ عائشہ

٭٭٭٭٭٭

Khasara poetry by Ayesha Yaseen

عنوان:

 خسارہ

عائشہ یٰسین

 

جو ہونے کا ڈر تھا ، وہ ہو گیا آخر

جو کھونے کا ڈر تھا ، وہ کھو گیا آخر

 

اس طرح سے رخصت کیا زندگی سے اسے

جاتے جاتے وہ بھی پھر ، رو گیا آخر

 

اک سکون جو فقط ماں کے آنچل میں ہے

قبر کے سرہانے پر پھر ، وہ سو گیا آخر

 

الجھاتے ہوئے مجھے خود الجھ گیا مجھ میں

اپنے ہی خیالوں میں ، پھر کھو گیا آخر

٭٭٭٭٭٭٭٭٭٭

Nazam by Ayesha Yaseen

عنوان:

  نظم

عائشہ یٰسین

دینے کو بس یہی اک پیام دیجیے

جتنے درد دینے ہیں، سر عام دیجیے

 

تھک گئے ہیں ساقی سفرِ حیات میں

پینے کو مجھ کو بھی اب جام دیجیے

 

لکھوں حیات پر؟ میری بھی اک شرط ہے

لکھنے کو عمر بھی پھر تمام دیجیے

 

ہر مخلص کو اس عنایت سے نوازا ہے آپ نے

اب ہم کو بھی پھر کوئی الزام دیجیے

 

عمر بھر میرے انتظار میں مارا جائے گا

ان  کو  جا کر  میرا  یہ  پیغام دیجیے

 

ہمارے بڑوں کا سبق ہے ادب و احترام

آپ اپنی تربیت دکھلائیے دشنام دیجیے

 

برداشت کرنے کی بھی تو حد ہوتی ہے

عائشؔ حلقہ احباب کو لگام دیجیے

******************

Chand ashar by Ayesha Yaseen

چند اشعار

ازقلم: عائشہ یٰسین

ہم خوف میں جینے والے

خوابوں سے منقطع لوگ ہیں

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

آپ کو واپس لاؤں بھی تو  کیسے عائشؔ؟

آپ کے پاس آنے کے لیے مرنا درکار ہے۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

مجھ کو سکھا دے کوئی منافقت کا ہنر

مجھ سے خوش نہیں ہوتے یہاں دنیا والے

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

سکون کیسے نا ہو زندگی میں

تجھ سے تعلق حلال ٹھہرا ہے

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دشت ویرانی میں خوب پریشانی میں

رکھ کر خود کو اپنے سامنے ہی کھو گئے

**************

Kooye jafa by Ayesha Yaseen

عنوان:

کوئے جفا

عائشہ یٰسین

ہم وہ چراغ ہیں

کہ جن کی لو

بجھتی ہی رہتی ہے،

کبھی روشن نہیں ہوتی!!

ہم وہ پتھر ہیں

کہ جن کو

غصے میں آکر

بے وجہ ہی

کہیں دور پانی میں

پھینک دیا جاتا ہے!!

ہم وہ ورق ہیں

جو بےدھیانی میں

نظر انداز

کر دیئے جاتے ہیں!!

ہم وہ اندھیرا ہیں

کہ جس کا کوئی

سویرا ہی نہیں!!

ہم ریل گاڑی پر بیٹھے

وہ مسافر ہیں کہ

جن کی کوئی

منزل ہی نہیں!!

وہ مسافر جو فقط

منزل کی امید سے

راستے کھو بیٹھا ہے!!

کہ ہمارے سینے میں تو

فقط ایسی امیدیں دفن ہیں

جو ٹوٹ جانی ہیں!!

کہ ہم تو کسی

ویران کھنڈر پر

لگے ہوئے جالے ہیں!!

کہ ہمیں تو!!

صدیوں پرانی کتابوں میں

سوکھے گلاب کی مانند

بند ہی رہنا ہے!!

کہ ہم تو وہ پرانی حویلی

میں لگی ہوئی گھڑی ہیں

جو صدیوں سے بند ہی پڑی ہے!!

وہ گھڑی کہ جس کے سینے میں

دھڑکن بند ہو چکی ہے!!

کہ ہم وہ وقت ہیں،

جو ٹھہرا ہی ہوا ہے،

آگے بڑھ ہی نہیں رہا!!

کہ ہم تو پرانی حویلیوں میں

لگے ہوئے اس کیلنڈر

کی مانند ہیں ،

کہ جن کی تاریخ

صدیوں پہلے کی

دیوار پر ثبت

ہو چکی ہے !!

کہ ہم تو

اس دیمک ذدہ گٹار

کی مانند ہیں ،

کہ جس کی تاریں

کسی نے توڑ کر ،

ساز کو بند کر دیا ہے!!

کہ گر کوئی

اس گٹار کو

بجانا بھی چاہے تو

ایسی آواز آتی ہے

جسے کوئی بھی

سننا نا چاہے!

ایسی آواز

جو فقط

اذیت ہی

اذیت ہو !!

کہ ہم کینوس پر

گرے ہوئے ان

رنگوں کی مانند ہیں

کہ جن کو کسی نے

پھیکا کر دیا ہے!!

ہم رنگوں کی مانند

نہیں رہے!!

بلکہ پھیکے پڑ چکے ہیں!!

کہ ہمارے وجود کو،

ایسے آسیب نے نوچ لیا ہے،

ایسے درد زدہ آسیب نے،

کہ جس کی قید سے نکلنا

ناممکن ہو چکا ہے،

کہ اس آسیب نے

ہمارے پاؤں پر

ایسی زنجیر جکڑ دی ہے ،

کہ جس کو توڑنا

دشوار ہو چکا ہے!!

کہ اس آسیب نے ہمیں

ایسی لپیٹ میں لیا ہے

کہ کوئی پاس آنا بھی

گوارا نہیں کرتا!!

بھلا اتنی ہی

رائیگاں سی شے کو،

پوچھتا کون ہے؟

یاد کون کرتا ہے؟

اگر کسی کو تنہا کہیں

مل بھی جائیں تو

بلاتا کون ہے؟

کہ لوگ بھی پاس آنے سے

اس سبب ڈرتے ہیں

کہ اس کے سیاہ بخت کہیں

ان کو نا لپیٹ لیں۔

...

عائش کے قلم سے

****************