USEY Ye Kon Samjaye

 USEY Ye Kon Samjaye,,

Wo Dasht_e_ Khamoshi Mai,,

Kisi Sookhe Samander ki

Adhuri Piyaas ki Batain,,

Bohat Chup Chaap Sunta Hai,,

Bohat khamosh Rehta Hai,,

Usey Ye Kon Samjaye,,

Khushi K Ek Aansoo Se,,

Samandar Bhar B Jate Hain,,

Bohat Khamosh Rehne Se,,

Taluq Mar B Jate Hain.

Kuch to hy ? Tu badl gya hy!

 "Kuch to hy?

    Tu badl gya hy!

    wo teri ankho k khawb sare,

    Wo baten sari, Hisab sare

    Swal sare ,Jwab sare

    Wo khushian sari Azab sare

    Nsha tha jo wo utr gya hy!

    kuch to hy?

    Tu badl gya hy!

    Jo tere milny ki arzu thi,

    Jo tujh ko panay ki justju thi,

    Hui jo chahat abhi shuru thi,

    Jo teri ankho mai roshni thi,

    Jo teri baato ki ragni thi,

    Jo teri sanso ki tazgi thi,

    Jo tere lehjy mein chashni thi,

    wo sara nasha pighal gya hy,

    Kuch to hy?

    Tu badl gya hy..

Tum Bhi Aam Se Nikly

( Tum Bhi Aam Se Nikly )
Jheel k kinaaray pr,

Aik shaam baitha thaa,

Dhal raha thaa suraj aur,

Aasmaan pe surkhi thee,

Jheel k kinaray k,

Munfarid se hissay ko,

Aik lehr daanista,

Choomti rahi pal pal,

Dhek kar inaayat aur,

Dekh kr karam itna,

Jheel k kinaaray k,

Saadah loh hissay ne,

Lehr se kaha itna,

Tum bohat hi achhi ho,

Aao aik ho jayain,

Chaahatoun mein kho jayain,

Badlay badlay lehjay main,

Lehr ne kaha Us'sy,

Main tumhein kinaroun se,

Mukhtalif samajhti thi,

Tum bhi aam se niklay.

Hath hamarey le jana

Itni muddat baad milay ho

Itni muddat baad milay ho!
Kin sochon mien gum phirtay ho?
Itnay khaif kion rahtay ho?
Her aahat say darr jatay ho
Taiz hawaa nay mujh say poocha
Rait per kia likhtay rahtay ho?
Kaash koi hum say bhi poochay
Raat gaye tak kion jagay ho?
Mien darya say bhi darta hon
Tum darya say bhi gahray ho
Kaun si baat hai tum mien aisi
Itnay achay kion lagtay ho?
Peechay murr kar kion dekha tha
Patthar ban kar kia taktay ho
Jao jeet ka jashan manao
Mien jhoota hon tum sachay ho
Apnay shahar kay sab logon say
Meri khatir kion uljhay ho
Kahnay ko rahtay ho dil mien
Phir bhi kitnay duur kharay ho
Raat humien kuch yaad nahi tha
Raat buhut hee yaad aye ho
Hum say na poocho hijar kay qissay
Apni kaho abb tum kaisay ho
Faraz tum badnaam buhut ho
Jaisay ho phir bhi achay ho

Qasam lay lo chahat may

 Qasam lay lo chahat may
    <

    > Qasam lay lo chahat may
    koi bhi aik lamha
    kabhi aisa nahi guzra
    kah tum ko sochtay na hoan

    kisi say baat kartay haon
    koi bhi kaam kartay haon
    labhi aisa nahi hota
    k tum ko sochtay na hoan

    Koi lamha ho khwahishon ka
    koi sa-at jo bhari ho
    fatah ka jashn ho koi
    ya koi jang hari ho

    Koi ho rang tabiyat ka
    koi bhi mood tari ho
    kabhi aisa nahi hota
    kay tumko sochtay na hoan

    Kabhi aftad parhti hay
    kabhi awaz parhti hay
    kabhi ta dayr rukna ho
    kahin say jaldi jana ho
    kabhi aisa nahi hota

    QASAM LAY LO
    KABHI AISA NAHI HOTA KAY TUM KO
    BAS TUM KO SOCHTAY NA HOAN

Mohabbat ham se na ho gi

    محبت ہم سے نہ ہو گی

    سنا ہے اس محبت میں

    بہت نقصان ہوتا ہے
    مہکتا جھومتا جیون

    غموں کے نام ہوتا ہے
    سنا ہے چین کھو کر وہ

    سحر سے شام روتا ہے
    محبت جو بھی کرتا ہے

    بہت بدنام ہوتا ہے
    محبت ہم سے نہ ہو گی

    سنا ہے اس محبت میں
    کہیں بھی دل نہیں لگتا

    بِنا اس کے نگاہوں میں
    کوئی موسم نہیں جچتا

    خفا جس سے محبت ہو
    وہ جیون بھر نہیں ہنستا

    بہت انمول ہے جو دل
    اُجڑ کر پھر نہیں بستا

    محبت ہم سے نہ ہو گی

Qasam le lo….

 Qasam le lo….
    Tumhare baad
    kisi ka khwaab dekha ho
    kisi ko hum ne chaha ho
    kisi ko hum ne socha ho
    kisi ki aarzoo ki ho
    kisi ki justujoo ki ho
    kisi ki rah dekhi ho
    kisi ka qurab manga ho
    kisi ko saath rakha ho
    kisi se aas rakhi ho
    koi umeed bandhi ho
    koi dil mai utaara ho
    koi tum se piyara ho
    koi Dil mai basaaya ho
    koi apna bnaya ho
    koi rootha ho to hum ne
    usay ro ro k manya ho
    december ki haseen rutt main
    kisi ka hijar jheela ho
    kisi ki yaad ka mousam
    mere aangan mai khela ho
    kisi se baat karne ko
    kabhi ye hont tarsay ho
    kisi ki bewafai par
    kabhi ye nain barsay ho
    kabhi raaton ko uth uth kar
    tere dukh mai na roye ho
    Qasam le lo Tumhare Baad
    Hum ik pal bhi soye ho
    Qasam le lo kabhi jugnu
    kabhi tara
    kabhi mahtaab dekha ho
    Qasam le lo Tumhare Baad
    Kisi ka khwaab Dekha ho
    Qasam Le Lo………

Wazahatein kasi.??

Main ne us ke badly lahjy ki,

wazahat pochi,

kuch dair khmosh rha,

phr muskra ke bola,

''PAGAL''

Jab lehjy badl jyn to
 

Wazahatein kasi.??

TASHAKKAR by Parveen Shakir

dasht-e-ghurbat mein jis paird nein 

meray tanha musafar ki khatar ghani chaoN phelae hay 

uss ki shadaabioN k lye 

meri sab ungliaaN 

                                 
                hawa mein Dua likh rahi hein

Koi puchhe mere baare mein tou yu.n kehnaaa.....

Koi puchhe mere baare mein tou yu.n kehnaaa.....

    Masiiha tha ik Shaidaa_ii sa tha..
    Bhari bazm mein aalam-e-tanhaayi sa tha...
    Na wasl tha usko na firaaq uskaa,
    Ajeeb dilkash tha mijaaz uskaa...

    Aankho.n mein aansuo.n se tasviire.n banata tha...
    Lafzo.n se kaaghzo.n ki taqdiire.n banata tha...
    Kabhi aanchal, kabhi kaajal to kabhi rang-e-hiina,
    Yu.n husn-e-jaana par Tehriire.n banata tha...

    Dasht-e-khwab ka baashinda,
    Khayaalo.n ka rahnumaa tha wo...
    Meri chaahato.n ka rahbar,
    Meri hasrato.n ka Ameen tha wo...
    Dam-e-iisa thi uski nazme.n,
    Kalam me masihaa_ii rakhtaa tha...
    Use dekhne waale na bhule rastaa fir kabhi,
    Yu.n aankho.n me rahnumaa_ii rakhtaa tha...

    Koi puchhe mere baare main to yu.n kehnaaa.....

    Jo bhi mujh main tum dekhte ho,
    Sab mujh main Aqss hai usi ka...
    Ye baate.n meri sher jaisi,
    Ye lehjaa mera saadgi ka......

    Wo raato.n ki syaahi sa gum naam shayar,
    Ret par khayaalo.n ki lakiire.n banata tha...
    Apni ummer ki sarhad se kahii.n gehraa,
    Lafzo.n se Nazmo.n ki zanjiire.n banata tha...

    Koi puchhe mere baare main tou yu.n kahnaaa.......!!

Neelamii..

"kal buht Aar'sey baad

maazii key bazaar sey guzar huawa

jahan beetay lamhoun sey mulaqaat huii

kuch lamhey be'had safaid thae

kuch jal ker raakh ho chukey thae

aik taraf bachpan ki anmol yaadein

tazah gulaaboun sii lag rahii.n thii.n

kahinn haseen yaadein chatak rahii.n thii.n

kahinn dostoun kii hanssii

kaanoun mein russ ghoul rahii thii.n

aisii hanssi keh aankhoun sey paani aa jaata

dum tour rahii thii....

kahin muhabbat surkh jourey mein

majboriyoun ka kafn pehnay

ghamoun ka maa'tumm ker rahii thii

kahinn galiyoun mein khoonii rishtey

ghalt fehmiiyoun ka libaadh oorr'hay

aanaa kii deewarein bana rahy thae

main jiss rasty sey bhii guzrii

raizah raizh hotey guzrii

her galii mein merii anmol yaadein

"Neelaam Ho Rahii ThiiN.."

Suno Main Khush To Hoon Lekin Mera Har Lafz Rota Hai...

 

Kahin Pay Dard Ki Jheelain, Kahin Lehjay Ki Karrwahat..!
Suno Main Khush To Hoon Lekin Mera Har Lafz Rota Hai...

Baray Masoom Jazbon Se

 

Baray Masoom Jazbon Se,
Wo Apnay Shokh Haathon par.
Wafa ki Surkh Mehndi Se Usi ka Naam Likhti Hai,
Jisay wo Pyaar karti Hai.
Mgr wo Na Smajh Larki
Abi Tak Ye Nhi Samjhi,
K Sapnay Toot Jaayen Tou.
Bohat Barbaad kartay Hain…
Ye ujhlay Rang Haathon Par,
Kabih Thehra Nhi karte.
Muhabbat To Haqeeqat Hai…..
Koi Sapna Nahi Hota.
Kisi ka Naam Likhnay Se
Koi Apna Nahi Hota...!

To Maaf Karna, Mujhe Nahi'n Hy..

Gunaa'h Krne, Ka Soch Lena.

Haseen Pariya'n, Daboch Lena.

Phir Uski Aankhe'n, Hi Noch Lena.

Ager Muhabbat, Yehi Hy Jaana..!

To Maaf Karna, Mujhe Nahi'n Hy..

Libaas Tan Se, Utaar Dena.

Kisi Ko Baa'nho'n, K Haar Dena.

Phir Uske Jazbo'n, Ko Maar Dena,

Ager Muhabbat, Yehi Hy Jaana..!

To Maaf Karna, Mujhe Nahi'n Hy.

Kisi Ko Lafzo'n, K Jaal Dena.

Kisi Ko Jazbo'n, Ki Dhaal Dena.

Phir Uski Izzat, Uchhaal Dena.

Ager Muhabbat, Yehi Hy Jaana..!

To Maaf Karna, Mujhe Nahi'n Hy..

Andheir Nagr,i Me'n Chalte Jaana.

Haseen Kaliya'n, Masalte Jaana.

Aur Apni Fitrat, Pe Muskuraana.

Ager Muhabbat, Yehi Hy Jaana..!

To Maaf Karna, Mujhe Nahi'n Hy..

Saja Rha Hy, Hr Ik Dewaana.

Khayaal e Husn o Jamaal Jaana.

Khayaal Kya He'n, Hawas Ka Ta'na.

Ager Muhabbat, Yehi Hy Jaana..!

To Maaf Karna, Mujhe Nahi'n Hy..

Wo Shakhs !!

" Jis kii Aankh mein namii si thii,

Jis ka Chehra malool rehta tha,

wohii jo be'twajoeii k subeb hamesha

be'asool rehta tha ,

Wo ek Shakhs janti ho Tum??

Wo jisey neend boht pyarii thii,

wo jo ek khwab k aser mein tha,

Wo jo la'elam raha manzil sey,

wo jo umer bhar safr main tha,

Wo ek Shakhs janti ho tum?

jis ney khushbu ki tamna ki thii

or roundy gulaab paye thae

jis ney apni hi naekiyoun key ewazz

rafta rafta azaab paye thae,

Wo Ek Shakhs Janti ho Tum??

jis ka deen bus muhabbat tha,

jis ka emaan bus wafaein thee,

Wo jis ki Soch bhi pareshan thii,

Wo jis key lub per Faqt Dua'ein theen

Wohii uljhii hui be'chain sii Baatoun wala,

Muhabbat sey dar gaya kal Shab,

Hijr key dukh ko sehty sehty

Wo Shakhs mer gaya kal shab ..

Aao ab laash uthaoo usskii,

Wo jo tere asar mein rehta tha

Aao ab soug manaoo uss ka

wo jo suraj ko Qamar kehta tha,

Muhabbat sy dar gaya kal shab ,

Wo shakhs mar gaya kal shab ....!!

Wafa Karo Gay....???

Main saray jazbay

tamaam waday

duayen sari

sabhi iraaday

har ik tamanna

har ek khwahish

khumaar apna

khawab saray

muhabbton k nisaab saray

jo tum ko day doon

to itna keh do

WAFA KARO GAY....???

Kathan Safar Hai Muhabbaton Ka

Kathan Safar Hai Muhabbaton Ka,
Saraab Rastey Hain Soch Lena,
Wo Chhor Jatey Hain Ik Qadam Per,
Jo Saath Chaltey Hain Soch Lena
Yeh Reet Tum Na Nibah Sako Gey,
Na Sang Rehney Ki Baat Kerna,
Key Ishq Walon Key Rahguzar Mein,
Chanaab Aatey Hain Soch Lena
Tumhen Kaha Tha Key Ban Key Apna,
Faraib Deta Hai Yeh Zamana,
Tumhen Kaha Tha Key Aasteenon,
Mein Saanp Paltey Hain Soch Lena
Who Basti Jahan Hum Tum Miley Thay,
Aur Phir Mil Key Bichar Gay Thay,
Wahan Pe Ab Bhi Meri Wafa Key,
Charagh Jaltey Hain Soch Lena.....!!

Jisay Kehtay Ho Tum Harjaayi Hai Teray Naam Ka wo Shaidaai..

Jab Joban Tera Dhal Jaye

Jab Pyar Ki Umr Nikal Jaye

Jab ChHor DeY Tujh Ko Husn Tera

Jab Chehra Pur Ho JhuriYon SeY

Jab Zulf KAY Kham Na Baqi Hon

Jab Rangat Na ho Gaalon Mein

Jab Chandi UtareY Baalon MeN

Jab Aankh Ki Masti Toot Chukay

Jab Hont Bhi Surkhi Kho Jaayen

Jab chhor Dein Tujh Ko Sub Sathi

Jab Koi Na Tujh Ko Apnaye

Tab.!

Meray Pas Chali Aana

"Basti" Ki Sooni Galiyon Men

Ek Betha Ho Ga Deewana

Jo Pyar Ka Paaras Pathar Hai

Jo Tujh Ko Sona Ker Day ga.!

Teray Joban Ko Woh Kaya Jaanay?

Teri Umr Sey Us Ko Kaya Matlab?

Teray Jism Sey Us Ka Kaya Rishta?

Jisay Kehtay Ho Tum Harjaayi

Hai Teray Naam Ka wo Shaidaai..

Qaidi

Main nayh tumhen

Apni wafaaon ki zanjeer sey

Azaad kiya…

Khuda'raa…!

Yeh matt pouchna keh

Main nay khud ko

Tumhari qaid sey

Azaad kiya ya nahin…

Yaqeen jano

Main un qaidion men sey hoon

Jo khulay darwazey dekh kar bhi

Faraar nahi hotey…!!!

KAYA TUM BHI . . .?

KAYA TUM BHI . . .?

Sham ki dahleez pey aas ka deep jalatay ho . .

Aur kisi aawara pattay ki aahat par,

Darwazay ki taraf bhaagay jaatay ho . .

KAYA TUM BHI . . ?

Dard chupanay ki koshish kartay kartay . .

Aksar thak sey jaatay ho . .

or

bila wajah muskuratay ho . .

KAYA TUM BHI . . ?

Neend sey pehlay palkon par . .

Dhairon khawab sajatay ho. .

Ya phir bistar pr lait kar ,

Rotay rotay so jaatay ho . .

KAYA TUM BHI. . .?

Bahut Dinon Ki Baat Hai

Bahut Dinon Ki Baat Hai

Fizaa Ko Yaad Bhi Nahin

Ye Baat Aaj Ki Nahin

Bahut Dinon Ki Baat Hai

Shabaab Par Bahaar Thi

Fizaa Bhi Khush-Gavaar Thi

Na Jaane Kyun Machal Padaa

Main Apane Ghar Se Chal Padaa

Kisi Ne Mujh Ko Rok Kar

Badi Adaa Se Tok Kar

Kahaa Thaa Laut Aaiye

Meri Qasam Na Jaaiye

Par Mujhe Khabar Na Thi

Maahaul Par Nazar Na Thi

Na Jaane Kyun Machal Padaa

Main Apane Ghar Se Chal Padaa

Main Shahar Se Phir Aa Gayaa

Khayaal Thaa Ke Paa Gayaa

Use Jo Mujhase Dur Thi

Magar Meri Zarur Thi

Aur Ik Hasin Shaam Ko

Main Chal Padaa Salaam Ko

Gali Kaa Rang Dekh Kar

Nai Tarang Dekh Kar

Mujhe Badi Khushi Hui

Main Kuchh Isi Khushi Mein Thaa

Kisi Ne Jhaank Kar Kahaa

Paraaye Ghar Se Jaaiye

Meri Qasam Na Aaiye

Vahi Hasin Shaam Hai

Bahaar Jis Kaa Naam Hai

Chalaa Hun Ghar Ko Chodakar

Na Jaane Jaaungaa Kidhar

Koi Nahin Jo Tok Kar

Koi Nahin Jo Rok Kar

Kahe Ke Laut Aaiye

Meri Qasam Na Jaaiye

Meri Qasam Naa Jaaiye

Ehad nibhaney ki Khaatir mat aana

Us ney kaha sunn!

Ehad nibhaney ki Khaatir mat aana

Ehad nibhaaney vaaley aksar majaburi ya

Mahjuri ki thakan sey laoTaa kartey hain

Tum jaao aur darya darya pyaas bujhaao

Jin aankhon mein Doobo

Jis dil mein bhi utro

Meri talab awaaz na dey gi

Lekin jab meiri chahat aur meiri Khwahish ki lau

Itni taiz aur itni oonchi ho jaaye

Jab dil ro dey

Tab lauT aanaa

TALAASH

Sar-e-mehfil...!
Kahin jo mil jaaey,

us sey kehna,
keh tera mutlashi,

aaj b rah--guzar par baitha hai..

Aur wahan say guzarney walon ko
tera huliya bata kar kehta hai..

"tum ney iss ko kahin dekha hai...!?

Main ney uss ko yahin khoya tha.....

Bhikaran

Aye Hum Nasheen

ussey rokte bhi to kiss liye ???

 

Woh jo Shahr-e-dil tha ujad gaya...

Woh jo khwaab tha woh bikhar gaya...

Kabhi mausam.oun ki nazar lagi,

Kabhi wahmoun ne drra diya...

Kabhi manziloun ke saraab ne,

Kabhi zindaghi ki kitaab se,

Hamein jis ne chaha mitta diya...

bas isiiliye....

Woh jo ja raha tha door tak ...

Usse dekhte hi rahe magar...

Nahi di Saada...

usse rokte bhi to kis liye ???

 

Raz Ko Raz Rehny Do

Tum akssar pocha karti ho na,

Main keyon itna chup rehta hoon?

Meri ankhoun say her pal,

Keyon karb jhalakta rehta hai?

Meri in sir-e-shaam udasiyon ka sabab keya hai?

Meri gum-shuda muskrahat ka hal hai koi?

Main ye sab sunta hoon to ...

Tumhara naam jawab ban kr,

Meray honton pe machalnay lagta hai

Magar ada ho nhi pata

Janay keyon mujko yon lagta hai

Tumhara naam to meri rooh hai

Aur jis dam ye meray hontoun say azad howa,

Main andar say khali ho jaoun ga!

muhabbat ik nazuk si larki hai

Tumhen yah kis nay keh diya aakhir

keh

resturaunt kay neem taareek goshay men

baith kar madham sargoshiyon men

muskuratay labon say baat karna

aur ice cream kay cup men chamach halaatay huay

khawahish e dil ko zubaan pay lay aana muhabbat hai?

tumhen yeh kis nay keh diya aakhir

keh

jaayaz o na'jaayaz kay falsafay ka asaa thaamay

ikhlaaqiyaat ki apni kasauti banaaey

jawaaz e hadd o bayhadd ki dewaar samaaey

bila dastak bay rooh makaan e jism men dar aana muhabbat hai?

balkay muhabbat to door daraaz kay kisi

wehshi qabeelay men

basnay wali koi chalaak devi jo

tumhari anaa ko apnay talism say

yuun qaid karti hai keh

tum apna saara zoam bhool jatay ho

muhabbat mann ka sacha sauda hai

jisay bazaar men baicha nhi kartay

muhabbat ik nazuk si larki hai

jisau rulaaya nhi kartay

muhabbat ko yuun zaayaa nhi kartay

Tumhein jaaney ki jaldi thi

Tumhein jaaney ki jaldi thi
So apni jald bazi men
Tum apney lams ki kirnain, nazar k zaawiye, poron ki shammein
Merey seeney men barhakti chhorr aaye ho
Wahan takiye k neechey
Kuch sunehrey rang ki tooti hui saansein
Kisi nozaayida khushbu k taza khawabchey
Bister ki shiknon men giray kuch khuubru lamhey
Dressing room men hanger sey latki aik sad rangi hunsi ko...
Bus achanak he pas-e-parda latak'ta chor aaye ho

Tumhein jaaney ki jaldi thi

yeh jo bikhra bikhra sa shakhs hai

Gumaan gumaan sa qayas sa kabhi door sa kabhi paas sa kabhi chandni main chupa hua kabi khushbuoon main basa hua

kabhi sirf us ki shabahatain kabhi sirf us ki hikayatain kabhi sirf milnay k silsilay kabhi sirf us say hi faaslay

kabhi door chalti hawaoon main kabhi meenh barasti ghataoon main kabhi bad-gumaan kabhi meherbaan kabhi dhoop hai kabhi saayebaan

kabhi band dil ki kitaab main kabhi lab kushaan woh khwab main kabhi youn k jaisay sawal ho kabhi youn k jaisay khayal ho

kabhi dekhnay k hain silsilay kabhi sochnay k hain marhalay kabhi sirf rang-e-bahar sa

kabhi sirf ik ghubaar sa

kabhi dastaras k qareeb qareeb kabhi door paas kahin nahi yeh jo ukhrra ukhrra sa shakhs hai yeh jo bikhra bikhra sa shakhs hai

Maa Kehtii Thii(A Sharing)

Zindagi k mailey men

Zindagi k mailey men

khwahishon k railey men

tum sey kaya kahen jaana'n

is qadar jhamailey men

vaqt ki ravani hai

bakht ki garani hai

sakht bezamini hai

sakht la'makani hai

hijr k samandar men

takht aur takhtey ki

ek hi kahani hai

tum ko jo suna'ni hai

baat go zara si hai

bat umr bhar ki hai

umr bhar ki baaten kab

do ghari men hoti hain

dard k samandar men

angint jaziirey hain

be'shumaar moti hain

aankh k dariichey men

tum ney jo sajaya tha

bat us diye ki hai

bat us gilley ki hai

jo lahu ki khilvat men

chor ban k aata hai

lafz ki fasiilon par

tuut tuut jata hai

zindagi sey lambi hai

baat ratjagey ki hai

rastey men kaisey ho

baat takhliye ki hai

takhliye ki baaton men

guftagu izafi hai

pyar karney vaalon ko

ik nigah kafi hai

ho sakay to sun jaao

ek din akailey men

tum sey kaya kahen jaana'an

is qadar jhamailey men

WAhima....!! Ahmed Faraz

Tu Har Ek Baat Pe Hans Deti Hai
Aur Mai Soch Mai Par Jata Hun
Yeh Teri Saada-O-Masoom Hansi
Aankh Ki Bhool, Sama’at Ka Fasoon
Teri Aadat, Tera Andaaz Na Ho
Be-Takalluf Tere Honton Ki Chatak
Meri Khush-Fehmi Ka Ejaaz Na Ho
Mai Saraabon Ko Bhi Dariya Samjhun
Tu Faqat Shauq Ki Parvaaz Na Ho
Tu Har Ek Baat Pe Hans Deti Hai
Aur Mai Soch Mai Par Jata Hun
Yeh Teri Saada-O-Be-Baak Hansi
Mai Jisey Khuwab Se Taabeer Karun
Wo Haqeeqat Mai Koi Raaz Na Ho
Tere Be-Saakhta Hansne Ki Adaa
Teri Tanhaai Ki Awaaz Na Ho
Mai Jisey Husn-E-Tabiyat Jaanun
Tere Jazbaat Ki Gham’maz Na Ho
Tu Har Ek Baat Pe Hans Deti Hai
Aur Mai Soch Mai Par Jata Hun
Yeh Teri Saada-O-Pur’kaar Hansi
Meri Duniya, Meri Hasti Ka Sukoon
Kisi Toofan Ka Aghaaz Na Ho
Mai Mohabbat Ki Talab Ka Maara
Tu Faqat Husn-E-Nazar’baaz Na Ho
Yeh Na Ho Mai To Soamber Jeetun
Aur Tere Qasr Ka Darbaar Na Ho