Zindagi Poetry by Sana Ijaz

 

ازقلم ثناء اعجاز۔۔۔۔۔۔۔۔۔۔۔

 

       ” زندگی  “

 

                  زندگی بہت حسین ہے ,

کبھی موسمِ خزاں کے جھڑتے

ہوۓ پتوں کو بغور یکھنا

                

               زندگی بہت حسین ہے,

کبھی ان پیلے سوکھے ہوۓ پتوں پر چل

کر اپنے قدموں کی آہٹ محسوس کرنا

             

            زندگی بہت حسین ہے ,

کبھی دسمبر کی پڑی ہوٸی دھند میں رات کے کسی پہر اپنے گھر کی چھت پر خود سے ملنا

           

               زندگی بہت حسین ہے ,

کبھی موسمِ بہار میں کھیلتے ہوۓ پھولوں کے پاس جاکر آنکھیں بند کر کے دل کی آنکھوں سے

 ان کھیلتے ہوۓ پھولوں کی نزاکت کو دیکھنا

                

               زندگی بہت حسین ہے,

کبھی موسمِ گرما کی خاموش تپتی ہوٸی دوپہر میں کسی بوڑھے سایہ دار درخت کے نیچے بیٹھ کر بلبل اور کوٸل کی آوازوں کو سُنانا

              

               زندگی بہت حسین ہے ,

کبھی جا کر سر سبز پہاڑوں کی آغوش میں اونچے قہقے مار کر خوب ہسنا پھر ان قہقے کی واپس لوٹتی ہوٸی آواز کو مسکراتے ہوۓ سُنانا

 

            سچ میں زندگی بہت حسین ہے ,

کبھی اسے ہر فکر فقر سے آزاد ہو کر حد میں رہے کر بے حد جی کر تو دیکھنا زندگی بہت حسین ہے

$$$$$$$$$$$$$$$$$$$$$$$$$$$$$$$$$

ہم دل کی دُنیا پر انحصار کرتے ہیں

وہ جو ہو ویران تو پھر اس باہر کی

دُنیا کے پُرکیف نظارے بھی ہم

بہت پریشان کرتے ہیں ۔۔۔۔۔۔۔۔۔۔۔۔۔۔۔۔۔۔

                      

                       ”    کچھ    ”

کچھ کہانیاں کبھی تحریروں میں نہیں اُتاری جاتی ,

کچھ درو کبھی چہروں پر عیاں نہیں ہوتے ,

کچھ راستے منزل کو نہیں جاتے بس بھٹکاتے ہیں ,

کچھ خوابوں کا ٹوٹنا اٹل ہوتا ہے ,

کچھ ہاتھوں کا بیچ راستے چھوٹنا مقدر ہوتا ہے,

کچھ قصے بس ادھورے رہے جاتے ہیں ,

کچھ باتیں خود ہی زہن نشین ہو جاتی ہے ,

کچھ سوالوں کے جواب بس خاموشیاں ہوتی ہے ,

کچھ گلے شکوے اندار ہی دب جاتے ہیں ,

کچھ اُداسیاں بے وجہ ہوتی ہے ,

کچھ باتیں لبوں پر آتے آتے رہیں جاتیں ہیں ,

کچھ قہقے صرف شور ہوتے ہیں ,

کچھ لوگ کچھ نہ ہو کر بھی بڑے انمول ہیں ,

کچھ راز راز ہی رہے جاتے ہیں ,

کچھ لوگ دور جا کر بھی پاس ہی رہے جاتے ہیں ,

کچھ حاصل بھی لاحاصل ہی رہتے ہیں ,

کچھ محبتیں اور اپنٸیات صرف  دکھاوۓ کی ہوتی ہے ,

کچھ چہرے فقط باہر سے حسین ہوتے ہیں ,

کچھ لوگ دل کے بہت چور ہوتے ہیں ,

 

یہ زندگی ہے جب کوٸی یہاں کہے نہ کہ کچھ نہیں ہوا تو سمجھ جاۓ کے بہت کچھ ہو گیا ہے ,

 

*************************************************************

 

 

“عنوان “

 

زندگی جیسے جس کو ملی اُس نے زندگی کا وہی عنوان لکھا۔۔۔

 

کسی نے اس کو سُکھ تو کسی نے اسے دُکھوں کا جہاں لکھا۔۔۔۔

 

کسی نے اس کو خراں تو کسی نے اسے گلِ بہار  لکھا۔۔۔۔۔۔۔۔۔

 

زندگی جیسے جس کو ملی اس نے زندگی کا وہی عنوان لکھا۔۔۔۔

 

کسی نے اس کو قلبِ سکوں تو کسی نے اسے دردِ روح لکھا۔۔۔۔۔

 

کسی نے اس کو جیت تو کسی نے بن کھیل کے اک ہار لکھا۔۔۔۔۔

 

کسی نے اس کو تھکان تو کسی نے اس کو تحفہ خدا لکھا۔۔۔۔۔۔۔

 

زندگی جیسے جس کو ملی اُس نے زندگی کا وہی عنوان لکھا۔۔۔

 

کسی نے اسے صبر کی داستاں تو کسی نے اسے قصہ شکر لکھا۔۔۔۔۔۔۔

 

کسی نے اسے پانی کی اک لہر تو کسی نے اسے اک سمندر لکھا۔۔۔۔۔۔۔

 

کسی نے اسے پہاڑ تو کسی نے اسے ہتیھلی سے گرتی ہوٸی ریت لکھا۔۔۔۔۔۔۔۔۔۔

 

زندگی جیسے جس کو ملی اُس نے زندگی کا وہی عنوان لکھا۔۔۔۔

 

 

کسی نے اسے مکمل کہانی تو کسی نے اسے ادھورا قصہ لکھا۔۔۔۔۔۔۔۔۔۔

 

کسی نے اسے اُمید کی اک کرن تو کس نے اسے فقط سیاہ بخت لکھا۔۔۔۔۔۔۔۔۔

 

کسی نے اسے بے اعتبار سی ڈور تو کسی نے اسے مضبوط سہارا لکھا۔۔۔۔۔۔۔۔۔۔

 

زندگی جیسے جس کو ملی اُس نے زندگی کا وہی عنوان لکھا۔۔۔

 

کسی نے اس کو اک حسین خواب تو کسی نے اسے تلخ حقیقت لکھا۔۔۔۔۔۔۔۔۔۔۔۔۔۔

 

کسی نے اس کو گہرا زخم تو کسی نے اسے تمام زخموں کا مرہم لکھا۔۔۔۔۔۔۔۔۔۔۔۔۔۔۔۔۔۔

 

کسی نے اس کو بے چینی کی زنجیر تو کسی نے اسے چین کی گھڑی لکھا۔۔۔۔۔۔۔۔۔

 

زندگی جیسے جس کو ملی اس نے زندگی کا وہی عنوان لکھا۔۔۔۔

 

کسی نے اسے تپتی ہوٸی دھوپ تو کسی نے اسے گہری چھاٶں لکھا۔۔۔۔۔۔۔۔۔۔

 

اور ہم سے کیا پوچھتے ہو کہ

 ہم نے اسے کیا لکھا۔۔۔۔۔۔۔۔۔۔

 

ہاۓ ہم نے تو اسے اک پنجرے میں بند پرندہ لکھا۔۔۔۔۔۔۔۔۔

 

جسے آزاد تو چھوڑ گیا لیکن

پر کاٹ کر ۔۔۔۔۔۔۔۔۔

 

اگر وہ جو کرتا پرواز تو اپنے خوابوں کے شہر تک بھی نہ پہنچ پاتا۔۔۔۔۔۔۔۔۔۔۔۔۔۔

 

تو ہم نے اسے ٹوٹے ہوۓ خوابوں اور ادھوری خواہیشوں کا اک سلسلہ لکھا۔۔۔۔۔۔۔۔۔۔۔۔۔۔۔۔

 

زندگی جیسے جس کو ملی اس نے زندگی کا وہی عنوان لکھا۔۔۔۔۔۔۔۔۔

 

 

شاعرہ۔۔۔۔ثناء اعجاز۔۔۔۔

******************************************