*نعتِ رسولِ مقبولﷺ*
تسکینِ دل، آرامِ جاں آپ ہی ہیں میرے حضورﷺ
قلبِ سکوں، عزیزِ جاں آپ ہی ہیں میرے حضورﷺ
لب پہ درودوں کی مہک، روح کی راحت بنے
سارے جہاں کی دلکشی آپ ہی ہیں میرے حضورﷺ
نورِ ہدایت کا چراغ، ظلمتوں کا انت ہیں
راہِ وفا کی روشنی آپ ہی ہیں میرے حضورﷺ
بخشے سکونِ قلب جو، ایسا کوئی نام نہیں
درد کی ہر اک دوا آپ ہی ہیں میرے حضورﷺ
ذکر سے جس کے کھلے بند نصیبوں کے در
رحمتوں کی انتہا آپ ہی ہیں میرے حضورﷺ
حشر میں سایہ ملے نازؔ کو آپ کے پرچم تلے
میرے لیے آسرا آپ ہی ہیں میرے حضورﷺ
*نعت
گو: تسلیم شہزادی نازؔ*
٭٭٭٭٭٭٭٭٭٭٭٭٭٭٭
No comments:
Post a Comment