جس اذیت سے دل گزرتا ھے
سوچتی ھوں وہ شخص نہ گذرے
اسکو ھر درد سے بچا لوں میں
اپنے دل میں کہیں چھپا لوں میں
ورنہ چپ میں بلا کی وحشت ھے
خامشی ۔۔۔۔۔درد ھے اذیت ھے
خامشی دل پہ وار کرتی ھے
روح۔۔۔۔۔ کو تار تار کرتی ھے
دل میں چُپ دکھ چھپائے پھرتی ھوں
خود سے نظریں چرائے پھرتی ھوں
ایسے ھی دن سے رات کرتی ھوں
خود سے کب کوئی بات کرتی ھوں
پر کبھی جب وہ چُپ پہنتا ھے
ٹوٹ جاتی ھوں بات کرتی ھوں
ورنہ ایسا ھے روز جیتی ھوں
ورنہ ایسا ھے روز مرتی ھوں
No comments:
Post a Comment