آج دل بہت اُداس سا ھے جانے کیوں!
یادوں کی کسک ھے یا کوئی انجانا غم؟
آنسو ھیں !
کہ پلکوں پہ ٹھرے ہوئے ۔۔۔
بے نام سی خواہشیں سر اُٹھاۓ مچل رہی ھیں۔۔۔
شام کا آنچل بھی اپنی آغوش میں خاموشیاں تھامے!
دھیرے دھیرے میری اور قدم بڑھا رہا ھے۔۔۔
بارش کی چند بوندیں!
میری ہتھیلی کو نم کر کے کب کی سوکھ چکی ھیں۔۔۔
سارے پنچھی شام ڈھلتے ہی اپنے آشیانوں کو لوٹ چلے ہیں۔
اب سناٹا گہرا ہوتا جا رہا ھے!
اور اندھیرے کی چادر اوڑھے؟
میرے سارے وجود کو کُہر میں ڈبوۓ ہوۓ۔۔۔
میری اور قدم بڑھا رہا ھے!
کیسا سناٹا ؟
اور یادوں کی بارات ہے!
جو دھیرے دھیرے۔۔۔۔
میرے من کو گِھن لگا رہی ہے!
از اقصٰی مبین
No comments:
Post a Comment