اک دیا دل میں جلانا بھی بجھا بھی دینا

اک دیا دل میں جلانا بھی بجھا بھی دینا

یاد کرنا بھی اسے روز بھلا بھی دینا

خط بھی لکھنا اسے مایوس بھی رہنا اس سے

جرم کرنا بھی مگر خود کو سزا بھی دینا

مجھ کو رسموں کا تکلف بھی گوارہ لیکن

جی میں‌آئے تو یہ دیوار گرا بھی دینا

کیا کہوں یہ مری چاہت ہے کہ نفرت اس کی

نام لکھنا بھی مرا لکھ کے مٹا بھی دینا

صورت نقش قدم دشت میں رہنا محسن

اپنے ہونے سے نہ ہونے کا پتہ بھی دینا

بھری بہار میں اب کے عجیب پھول کھلے

بھری بہار میں اب کے عجیب پھول کھلے

نہ اپنے زخم ہی مہکے ، نہ دل کے چاک سلے

کہاں تلک کوئی ڈھونڈے مسافروں کا سراغ

بچھڑنے والوں کا کیا ہے ، ملے ملے نہ ملے

عجیب قحط کا موسم تھا اب کے بستی میں

کیے ہیں بانجھ زمینوں سے بارشوں نے گِلے

یہ حادثہ سرِ ساحل رُلا گیا سب کو

بھنور میں ڈوبنے والوں کے ہاتھ بھی نہ ملے

سناں کی نوک، کبھی شاخِ دار پہ محسن

سخنوروں کو ملے ہیں مشقتوں کے صلے

Tera Hiojar Bara Badzaat.

ترا ہجر بڑا بدذات

مرے پیڑ گئے سب جل

مرے سوکھ گئے سب پھل

مرے سپنے ہو گئے شل

کوئی بھیج دکھوں کا حل

مرے اجڑ گئے سب شہر

مری رگ رگ اندر زہر

مرے دل کے اندر تھل

مری آنکھوں میں برسات

ترا ہجر بڑا بدذات

میں پھرا بہت گھر گھر

کوئی کھلا ملا نہ در

ابھی اڑتا اور مگر

مرے زخمی ہو گئے پر

مرے کالے ہوئے نصیب

مرے حصے آئی صلیب

مرے دل سے جائے نہ ڈر

مرے سر سے کٹے نہ رات

ترا ہجر بڑا بدذات

جب بدل گئے حالات

لگی قدم قدم پر گھات

ہر سمت بکھر گئے پات

ہم مَلتے رہ گئے ہاتھ

تری چاہ میں چھوڑا جھنگ

تری خاطر ہوئے ملنگ

تری خاطر بدلی ذات

کیا سورج کو بھی رات

ترا ہجر بڑا بدذات سجن

ترا ہجر بڑا بدذات

Aankhon Mein Raha Dil Mein Utar Kar Nahi Dekha

Aankhon Mein Raha Dil Mein Utar Kar Nahi Dekha

Kashti Ke Musafir Ne Samander Nahi Dekha

Be Waqt Ager Ghar Jaon Ga Sab Chonk Parein Gey

Ik Muddat Hui Din Me Kabhi Ghar Nahi Dekha

Jis Din Se Chala Hon Meri Manzil Pe Nazar Hai

Aankhon Ne Kabhi Mail Ka Pathar Nahi Dekha

Yaaron Ki Mohabbat Ka Kar Liya Yaqeen Mein Ne

Phoolon Mein Chupaya Hua Khanjar Nahi Dekha

Ye Phool Mujhe Koi Wirasat Mein Mile Hain

Tum Ne Mera Kanton Bhara Bistar Nahi Dekha

Pathar Mujhe Kehta Hai Mera Chahne Wala

Mein Mom Hun, Us Ne Mujhe Chu Kar Nahi Dekha

Wo Shakhs Mere Masail Ko Samajh Nahi Sakta

Jis Ne Meri Aankhon Mein Samander Nahi Dekha

 

Basheer Badar

انتظار مت کرنا

انتظار مت کرنا

مرے دل میں

تمھارے قرب کی چاہت

مسلسل

بڑھتی جاتی ہے

کہیں ایسا نہ ہو

کہ میں

کسی کمزور لمحے میں

اچانک ہی

تمھارے پاس آجاؤں

مگر اس بات کو تم

زیست کا عنوان مت کرنا

سفر میں

زندگی کے بڑھتے رہنا تم

کہیں رک کر ،ٹھہر کر بھی

سفر کو مت گنوانا تم

مری راہوں

میں آنکھیں مت بچھانا تم

Tarapte hain na roote hain, na hum faryad karte hain

Tarapte hain na roote hain, na hum faryad karte hain,

Sanam ki yaad me har dam khuda ko yaad karte hain,

Unhin ke ishq me hum naala-o-faryaad karte hain,

Elaahi dekhiye kis din hame wo yaad karte hain...

Shab-e-faraaq me kia kia saanp lehraate hain seene pe,

Tumhari kakul-e-peechan ko jab hum yaad karte hain...

 

Haider Ali Aatish

Rawaan hai darya-e-ashk chashm-e-by'aab sy..

Rawaan hai darya-e-ashk chashm-e-by'aab sy..
Mery Hissy main aa gaye Q saraab sy ...

Waja na pochyae k wehshat'zada kis liye..
Hijar to kher Qurb barha raha hai Iztraab sy..

Hairaan ho raha hai Aks aainy mn apna he
Hm khud sy ho rahy hain Zara lajwaab sy..

Galiaan koochy chooty, chorr de awaargii..
Sudher gya dil , hm hony lagy kamyaab sy..

Ranj-o-alam, veeran yadain, tanhaiyaan
zmany ny diye tohfy behisaab nayaab sy..

Shamma jali to bhrny lagi tareeki bhee
Aag lagy Dil ko, jaan chooty is azaab sy..

Koi widaa ho to muskura k milty hain..
K hm waqif hain bichrrny k aadab sy ...

 

Sadaf Khan

Mousam E Gul

Mousam E Gul
Ka Silsila Naa Raha
Phoolon Sy
Mera Wasta Naa Raha
Hairat Ab Tou Nahi
Haal Par Apna
Hadsoon Ka Bhi
Hissab Hee Naa Raha
Mein Tou Intezar Mein Hun
Shyad
Kuch Tou Ho Janay ka
Guman Saa Raha
Ab Tum Manzil Bhi Ban Jao
Tou Kya
Ab Manzil Tak Janay Ka
Hosla Naa Raha
Ab Palat Janay Ka
Kehaty Ho Tum
Kashtiyon Ka mere
Jab Qafla Naa Raha

نہ کوئی فال نکالی نہ اِستخارہ کیا ..

نہ کوئی فال نکالی نہ اِستخارہ کیا ..

بس اک صبح یونہی خلق سے کنارہ کیا ..

نکل پڑیں گے گھروں سے تمام سیارے ..

اگر زمین نے ہلکا سا اک اشارہ کیا ..

جو دل کے طاق میں تُو نے چراغ رکھا تھا ..

نہ پوچھ میں نے اُسے کس طرح ستارہ کیا ..

پرائی آگ کو گھر میں اُٹھا کے لے آیا ..

یہ کام دل نے بغیر اُجرت و خسارہ کیا ..

عجب ہے تُو کہ تجھے ہجر بھی گراں گزرا ..

اور ایک ہم کہ ترا وصل بھی گوارا کیا ..

ہمیشہ ہاتھ رہا ہے جمال آنکھوں پر ..

کبھی خیال کبھی خواب پر گُزارہ کیا ..

.. شاعر: جمال احسانی ..

جسے خود سے ہی نہیں فرصتیں،جسے دھیان اپنے جمال کا

جسے خود سے ہی نہیں فرصتیں،جسے دھیان اپنے جمال کا

اسے کیا خبر مرے شوق کی،اسے کیا پتا مرے حال کا

مرے کوچہ گرد نے لوٹ کر مرے دل پہ اشک گرا دیا

اسے ایک پل نے مٹا دیا جو حساب تھا مہ و سال کا

تجھے شوق دید غروب ہے،مری آنکھ دیکھ بھری ہوئی

کہیں تیرے ہجر کی تیرگی کہیں رنگ میرے ملال کا

شب انتظار وہ مہ لقا،جونہی میرے سامنے آگیا

مجھے کوئی ہوش نہیں رہا،نہ جواب کا نہ سوال کا

کبھی حال ہجر کہا نہیں،وہ ملا تو لفظ ملا نہیں

کہیں گفتگو ہی میں کھو گیا،جو معاملہ تھا وصال کا

جسے وقت جان غزل کہے،جو چلے تو شام کھڑی رہے

وہی میرے لفظ کا رنگ ہے،وہی روپ میرے خیال کا

شہزاد نیر

بدل گئے مرے موسم، تو یار اب آئے

بدل گئے مرے موسم، تو یار اب آئے

غموں نے چاٹ لیا، غمگسار اب آئے

یہ وقت اس طرح رونے کا تو نہیں، لیکن

میں کیا کروں، کہ مرے سوگوار، اب آئے

وہ دھوپ دھوپ میں ہی ہو گیا بسر، چپ چاپ

شجر شجر پہ مرے _______ برگ و بار اب آئے

وہ جن پہ دھوکہ سا جھیلا تھا، ہم نے منزل کا

وہ قافلے تو __________ سرِ راہ گزار، اب آئے

نہ ڈالیوں پہ کوئی پھول ہے، نہ ہونٹوں پر

مزہ تو جب ہے کہ ______ بادِ بہار، اب آئے

فرحت عباس شاہ

سوال

تجھ سے مانگوں میں تجھی کو کہ سبھی کچھ مل جائے

سو سوالوں سے یہی ایک سوال اچھا ہے

(امیر مینائی)

نظر کی دھوپ میں سائے گھلے ہیں شب کی طرح

نظر کی دھوپ میں سائے گھلے ہیں شب کی طرح

میں کب اداس نہیں تھا مگر نہ اب کی طرح

پھر آج شہرِ تمنا کی رہگزاروں سے

گز ر رہے ہیں کئی لوگ روز و شب کی طرح

تجھے تو میں نے بڑی آرزو سے چاہا تھا

یہ کیا کہ چھوڑ چلا تو بھی اور سب کی طرح ؟

فسردگی ہے مگر وجہِ غم نہیں معلوم

کہ دل پہ بھی بوجھ سا ہے رنجِ بے سبب کی طرح

کِھلے تو اب کے بھی گلشن میں پھول ہیں لیکن

نہ میرے زخم کی صورت نہ تیرے لب کی طرح

احمد فراز

اپنا حصہ شمار کرتا تھا

اپنا حصہ شمار کرتا تھا
مجھ سے اتنا وہ پیار کرتا تھا

وہ بناتا تھا میری تصویریں
ان سے باتیں ہزار کرتا تھا

میرا دکھ بھی خلوص نیت سے
اپنا دکھ ہی شمار کرتا تھا

سچ سمجھتا تھا جھوٹ بھی میرا
یوں میرا اعتبار کرتا تھا

پہلے رکھتا تھا پھول رستے میں
پھر میرا انتظار کرتا تھا

آج پہلو میں وہ نہیں فراز
جو مجھ پہ جان نثار کرتا تھا

تم سپنوں کی تعبیر پِیا

مرے پیروں میں زنجیر پِیا

اب نین بہاویں نیر پِیا
اے شاہ مرے اک بار تو آ
تو وارث، میں جاگیر پِیا
تم سپنوں کی تعبیر پِیا

بے نام ہوئی، گم نام ہوئی
کیوں چاہت کا انجام ہوئی
مرا مان رہے، مجھے نام ملے
اک بار کرو تحریر پِیا
تم سپنوں کی تعبیر پِیا

کب زلف کے گنجل سلجھیں گے
کب نیناں تم سے الجھیں گے
کب تم ساون میں آؤ گے
کب بدلے گی تقدیر پِیا
تم سپنوں کی تعبیر پِیا

سب تیر جگر کے پار گئے
مجھے سیدے کھیڑے مار گئے
آ رانجھے آ کر تھام مجھے
تری گھائل ہو گئی ہیر پِیا
تم سپنوں کی تعبیر پِیا

میں جل جل ہجر میں راکھ ہوئی
میں کندن ہو کر خاک ہوئی
اب درشن دو، آزاد کرو
اب معاف کرو تقصیر پِیا
تم سپنوں کی تعبیر پیا

کب زین اداسی بولے گی
کب بھید تمہارا کھولے گی
کب دیپ بجھیں ان آنکھوں کے
تم مت کرنا تاخیر پِیا
تم سپنوں کی تعبیر پِیا
-
زین شکیل
کتاب: سن سانسوں کے سلطان پیا

 

تھام رکھا ہے جو تُو نے تو سلامت ہے بدن

تھام رکھا ہے جو تُو نے تو سلامت ہے بدن
تُو اگر ہاتھ چھڑا لے تو بکھر جاؤں میں

زین شکیل

تُو نہ بولے تو یہ تنہائی بہت چیختی ہے

تُو نہ بولے تو یہ تنہائی بہت چیختی ہے

 مار دے گا ترا رہنا یونہی مصروف، مجھے

زین شکیل

غزال مثل تجھے کیا خبر غزل کو مِری

غزال مثل تجھے کیا خبر غزل کو مِری
تری ردیف نگاہی نے قافیے دیے ہیں

زین شکیل

پاس تم نہیں آتے

پاس تم نہیں آتے
دیکھو اپنی آئی پر
ہم اگر اُتر آئے
یاد بھی نہ آئیں گے
زین شکیل

تمہیں کتنا چاہتے ہیں

 

 

تمہیں کتنا چاہتے ہیں

کبھی تم نے یہ بھی سوچا
کہ تمہارے دل گرفتہ
تمہیں کتنا چاہتے ہیں ؟
تمہیں زندگی سے بڑھ کر 
جو عزیز ہم نے جانا
سو ، کوئی سبب تو ہو گا
کبھی تم نے یہ بھی سوچا؟
سرِ شام منتظر تھے
کہیں نیلمیں اُجالے
کہیں تتلیاں لبوں کی 
کہیں پھول جیسے عارض
کہیں قمقموں سی آنکھیں
یہ جو چارہ گر ہمارے
کوئی ساعتِ رفاقت
سرِ شام مانگتے تھے
انہیں کیا خبر کہ ہم نے
تمہیں سونپ دی ہیں راتیں 
تمہیں دان کی ہیں آنکھیں
کبھی تم نے یہ بھی سوچا
کہ تمہارے دل گرفتہ
کسی شمعِ سوختہ سے
یہ جو کر رہیں ہیں باتیں
تمہیں کتنا چاہتے ہیں ؟
تمہیں روز و شب کے دُکھ میں
کبھی بھولنا بھی چاہیں 
تو کبھی نہ بھول پائیں
کہ یہ عہدِ زندگی ہے
جسے توڑنا بھی چاہیں
تو کبھی نہ توڑ پائیں

 

(اعتبار ساجد)

سنبھلنے کے لیے گرنا پڑا ہے

سنبھلنے کے لیے گرنا پڑا ہے

ہمیں جینا بہت مہنگا پڑا ہے

رقم تھیں اپنے چہرے پر خراشیں

میں سمجھا آئینہ ٹوٹا پڑا ہے

مری آنکھوں میں تم کیوں جھانکتے ہو

تہوں میں آنسوؤ‎ں کی کیا پڑا ہے

حواس و ہوش ہیں بیدار لیکن

ضمیر انسان کا سویا پڑا ہے

بدن شوقین کم پیرہنی کے

درو دیوار پر پردہ پڑا ہے

اٹھا تھا زندگی پر ہاتھ میرا

گریبان پر خود اپنے جا پڑا ہے

محبت آنسوؤں کے گھاٹ لے چل

بہت دن سے یہ دل میلا پڑا ہے

زمیں ناراض ہے کچھ ہم سے شاید

پڑا ہے پاؤں جب الٹا پڑا ہے

ڈبو سکتی نہیں دریا کی لہریں

ابھی پانی میں اک تنکا پڑا ہے

مظفر رونقوں میلوں کا رسیا

ہجومِ درد میں تنہا پڑا ہے

مظفر وارثی

بڑے مختصر سے حروف میں

بڑے مختصر سے حروف میں

مجھے گہری بات بتا گیا

کہ وہ خواب سا کوئی شخص تھا

جو سحر سے پہلے جگا گیا

کسی مہربان کی دعا سے

یہ سفر تمام ہوا میرا

جنھیں رہبری کا غرور تھا

انھیں راستوں نے مٹا دیا

ہمیں آسماں سے گلہ نہیں

تیری رحمتوں پہ یقین ہے

جہاں زندگی شکست دی

کسی معجزے نے بچا لیا

ہمیں زندہ ہونے کا حوصلہ

تیری آرزو نے عطا کیا

بڑے گہرے زخم ملے ہمیں

جنھہں رفتہ رفتہ مٹا دیا

تمہارا لہجہ ہو خوشبوؤں سا، ہمارا لہجہ دعاؤں سا ہو

تمہارا لہجہ ہو خوشبوؤں سا، ہمارا لہجہ دعاؤں سا ہو

جو دوپہر میں بھی ہم ملیں تو، مزاج ٹھنڈی ہواؤں سا ہو

جو مل کے بیٹھیں تو اسطرح ہم کہ جیسے انسان مل رہے ہوں

نہ لفظ نشتر بنیں زباں پر، نہ لہجہ کڑوی دواؤں سا ہو

بچاؤں دنیا کو دھوپ سے میں، تمام خلقت کے کام آؤں

میرے خدایا وجود میرا، ہرے درختوں کی چھاؤں سا ہو

اُگیں خوشی کے گلاب کیسے، دہکتے شعلوں کی کھیتیوں میں

کسے پکارے یہ زندگانی، ہر آدمی جب چتاؤں سا ہو

بچا کے رکھنا انا کی دولت، یہی تو پونجی ہے اہلِ دل کی

کبھی بھی اس سے نہ جھک کے ملنا، غرور جس میں خداؤں سا ہو

لوگ کیوں بس کے اجڑتے ہیں کبھی سوچا ہے

لوگ کیوں بس کے اجڑتے ہیں کبھی سوچا ہے

کس لئے جاں سے گرزتے ہیں کبھی سوچا ہے

کیسے پلکوں کی لرزتی ہوئی منڈیروں پر

سینکڑوں دیپ چمکتے ہیں کبھی سوچا ہے

گویا بہاروں مین چمن ہوتے ہیں آباد مگر

پھول پامالی سے ڈرتے ہیں کبھی سوچا ہے

رنگ چہرے کا بدل جاتا ہے پل بھر کیلئے

لوگ جب بات بدلتے ہیں کبھی سوچا ہے

جو نظر آتے ہیں آئینہ سی پوشاکوں میں

وہ بھی مٹی میں اترتے ہیں کبھی سوچا ہے

نارسائی سے نہیں مرتا کوئی، مان لیا

دل میں آرے سے جو چلتے ہیں کبھی سوچا ہے