Itna asan nahi masand pe bithaya gya mein اتنا آساں نہیں مسند پہ بٹھایا گیا میں

اتنا آساں نہیں مسند پہ بٹھایا گیا میں

شہرِ تہمت تیری گلیوں میں پھرایا گیا میں

یہ تو اب عشق میں جی لگنے لگا ہے کچھ کچھ

اس طرف پہلے پہل گھیر کے لایا گیا میں

خوف اتنا تھا کہ دیوار پکڑ کر نکلا

اس سے ملنے کے لئے صورتِ سایہ گیا میں

تجھ سے کچھ کہنے کی ہمت ہی نہیں تھی ورنہ

ایک مدّت تری دہلیز تک آیا گیا میں

خلوتِ خاص میں بُلوانے سے پہلے تابش

عام لوگوں میں بہت دیر بٹھایا گیا میں