Rait se butt na bana ay mere ache fankar ریت سے بت نہ بنا اے میرے اچھے فنکار

ریت سے بت نہ بنا اے میرے اچھے فنکار

اک لمحہ کو ٹھہر میں تجھے پتھر لادوں

میں تیرے سامنے انبار لگا دوں لیکن

کون سے رنگ کا پتھر تیرے کام آئے گا

سرخ پتھر جسے دل کہتی ہے بے دل دنیا

یا وہ پتھرائی ہوئی آنکھ کا نیل پتھر

جس میں صدیوں کے تحیر کے پڑے ہوں ڈورے

کیا تجھے روح کے پتھر کی ضرورت ہوگی

جس پر حق بات بھی پتھر کی طرح گرتی ہے

اک وہ پتھر ہے جو کہلاتا ہے تہذیبِ سفید

اس کے مرمر میں سیاہ خوں جھلک جاتا ہے

اک انصاف کا پتھر بھی تو ہوتا ہے مگر

ہاتھ میں تیشہ زر ہو تو وہ ہاتھ آتا ہے

جتنے معیار ہیں اس دور کے سب پتھر ہیں

شعر بھی رقص بھی تصویر و غنا بھی پتھر

میرے الہام تیرا ذہن ِ رسا بھی پتھر

اس زمانے میں ہر فن کا نشان پتھر ہے

ہاتھ پتھر ہیں تیرے میری زبان پتھر ہے

ریت سے بت نہ بنا اے میرے اچھے فنکار

Rait se butt na bana ay mere ache fankar

ek lamhe ko thahar main tujhe patthar la dun

main tere samne ambar laga dun lekin

kaun se rang ka patthar tere kam ayega

surKh patthar jise dil kahti hai bedil duniya

ya wo pattharai hui ankh ka nila patthar

jis main sadiyon k tahayyur ke pare hon dore

kya tujhe ruh ke patthar ki zarurat hogi

jis pe haq bat bhi patthar ki tarah girati hai

ik wo patthar hai jise kahte hain tahazib-e-safed

us k marmar main siyah Khun jhalak jata hai

ik insaf ka patthar bhi to hota hai magar

hath main tesha-e-zar ho to wo hath ata hai

jitne mayar hain is daur ke sab patthar hain

sher bhi raqs bhi tasvir-o-gina bhi patthar

mere ilham tera zahan-e-rasa bhi patthar

is zamane main har fan ka nishan patthar hai

hath patthar hain tere meri zuban patthar hai

rait se butt na bana ay mere ache fankar