Kab Yaad Mein Tera Saath Nahi کب یاد میں تیرا ساتھ نہیں

کب یاد میں تیرا ساتھ نہیں

 کب ہات میں تیرا ہات نہیں

صد شکر کہ اپنی راتوں میں

 ،اب ہجر کی کوئی رات نہیں

مشکل ہے اگر حالات وہاں

 دل بیچ آئیں جاں دے آئیں

دل والو کوچہء جاناں میں‌

، کیا ایسے بھی حالات نہیں

جس دھج سے کوئی مقتل میں گیا

 وہ شان سلامت رہتی ہے

یہ جان توآنی جانی ہے

، اس جاں کی تو کوئی بات نہیں

میدانِ وفا دربار نہیں

 یاں‌ نام و نسب کی پوچھ کہاں

عاشق تو کسی کا نام نہیں

، کچھ عشق کسی کی ذات نہیں

گر بازی عشق کی بازی ہے

 جو چاہو لگا دو ڈر کیسا

گرجیت گئے تو کیا کہنا

......... ہارے بھی تو بازی مات نہیں

Kab Yaad Mein Tera Saath Nahi, 

Kab Haath Mein Tera Haath Nahi

Sad Shukar K Apni Raaton Mein

Ab Hijar ki Koi Raat Nahi,

Mushkil Hein Agar Halaat Wahaan

Dil Baich Aaen Jaa'n De Aaen

Dil Waalo Kocha-e-Janaa'n Mein

Kiya Aisey Bhi Halaat Nahi,

Jis Dhaj Se Koi Maqtal Mein Gaya

Wo Shaan Salamat Rehti Hai

Ye Jaan Tou Aani Jaani Hai

Iss Jaa'n Ki Tou Koi Baat Nahi,

Maidan-e-Wafa Darbaar Nahi

Yaa'n Naam-o-Nasab Ki Pooch Kahan

Aashiq Tou Kisi Ka Naam Nahi

Kuch Ishq Kisi Ki Zaat Nahi,

Gar Baazi Ishq Ki Baazi Hai

Jo Chaho Laga Do Dar Kaisa

Gar Jeet Gaey Tou Kiya Kehna

Haarey Bhi Tou Baazi Maat Nahi.......