یہ اہلِ عشق تہی دست ہو گئے کب سے
کہ سال بھر میں فقط ایک دن محبت کا
فقظ ایک دن کہ تقاضہِ التفات کریں
فقط ایک دن کہ نظر سے دلوں کی بات کریں
فقط ایک دن کہ خریدیں محبت کے گُلاب
فقط ایک دن کہ بھیجیں محبت کے پیام
میں اپنے شوقِ فراواں پہ کیوں نہ ناز کروں
وفودِ عشق سَدا مجھ کو سُرخرُو رکھے
میں روز اُسکو محبت کے پھول دیتا ہوں
میں روز سامنے اُسکے قبول لیتا ہوں
کہ مجھ کو تم سے محبت ہے زندگی کی طرح
میرا خُلوص بھی سچا ہے بندگی کی طرح
کہ بندگی کسی ایک دن کا اہتمام نہیں
کہ آرزو کے تسلسل میں صبح شام نہیں
سو کیوں سال گزرنے کا انتظار کریں
سو کیوں گردشِ دوراں پہ انحصار کریں
سو کیوں سانس کے ہونے کا اعتبار کریں
میں روز اُسکو محبت کے پھول دیتا ہوں
میں روز سامنے اُسکے قبول لیتا ہوں
No comments:
Post a Comment