Dil ... Tujhe Naaz He Jis Shakhs Ki Dildari Par دل تجھے ناز ہے جس شخص کی دلداری پر

دل تجھے ناز ہے جس شخص کی دلداری پر

دیکھ اب وہ بھی اُتر آیا اداکاری پر

میں نے دشمن کو جگایا تو بہت تھا لیکن

احتجاجاً نہیں جاگا مری بیداری پر

آدمی، آدمی کو کھائے چلا جاتا ہے

کچھ تو تحقیق کرو اس نئی بیماری پر

کبھی اِس جرم پہ سر کاٹ دئے جاتے تھے

اب تو انعام دیا جاتا ہے غدّاری پر

تیری قربت کا نشہ ٹوٹ رہا ہے مجھ میں

اس قدر سہل نہ ہو تو مری دشواری پر

مجھ میں یوں تازہ ملاقات کے موسم جاگے

آئینہ ہنسنے لگا ہے مری تیاری پر

کوئی دیکھے بھرے بازار کی ویرانی کو

کچھ نہ کچھ مفت ہے ہر شے کی خریداری پر

بس یہی وقت ہے سچ منہ سے نکل جانے دو

لوگ اُتر آئے ہیں ظالم کی طرف داری پر

Dil ... Tujhe Naaz He Jis Shakhs Ki Dildari Par ..!!

Dekh Ab Wo Bhi Utar Aaya , Adaakari Par ....!!!!!

Maine Dushman Ko Jagaya To Bahot Tha Lekin..!!

Ehtijaajan Nahi Jaaga Meri Bedaari Par.....!!!!!

Aadmi ...... Aadmi Ko Khaye Chala Jaata He ...!!

Kuch To Tehqeeq Karo , Is Nai Beemari Par ...!!!!!

Kabhi Iss Jurm Par Sir Kaat Diye Jate They..!!

Ab To Inhaam Dia Jaata Hai Ghaddari Par....!!!!!

Teri Qurbat Ka Nasha Toot Raha Hai Mujh Mein..!!

Iss Qadar Sehl Na Ho Tu Meri Dushwaari Par....!!!!!

Mujh Me Youn Taza Mulaqat Ke Mosam Jage ..!!

Aaina Hansne Laga He , Meri Tayyari Par .....!!!

Koi Dekhe ....... Bhare Baazar Ki Veerani Ko ....!!

Kuch Na Kuch Muft He Har Shay Ki Kharedari Par....!!!!!

Bas Yehi Waqt Hai Sach Mounh Se Nikal Jane Do..!!

Log Utar Aey Hain Zalim Ki Taraf Daari Par....!!!!!