اگر میں پتھر کی لڑکی ہوتی
تو اپنے پیکر کی سبز رت پر ،بہت سی کائی اگایا کرتی
بہت سے تاریک خواب بنتی
تو میں اذیت کی ملگجی انگنت اداسی کے رنگ چنتی
اگر میں پتھر کی لڑکی ہوتی
میں اپنے پلو میں سوگ باندھے ، کسی کو ان کا پتہ نہ دیتی
اجالے کو ٹھوکروں میں رکھتی، خموشیوں کے ببول چنتی
سماعتوں کے تمام افسون، پاش کرتی، میں کچھ نہ سنتی
دہکتی کرنوں کا جھرنا ہوتی
سفر کے ہر ایک مرحلے پر، میں رہزنوں کی طرح مکرتی
وہم اگاتی،گمان رکھتی
تمہاری ساری وجاہتوں کو میں سو طرح، پارہ پارہ کرتی
نہ تم کو یوں آئینہ بناتی
!!!اگر میں پتھر کی لڑکی ہو تی۔۔۔
Agar main patthar ki larki hoti
To apnay paikar ki sabz rut per bohat si kaaii ugaya kerti
Bohat say tareek khwab bunti
Ujalay ko thokron main rakhti
Khamoshi kay babool chunti
Dehekti kirnon ka jharna hoti
Sama’aton kay tamam afsoon paash kerti
Main kuch na sunti
Main apnay pallu main sog bandhay
Kisi ko un ka pata na deti
Safar kay her aik merhalay per
Main rahzanon ki tarah mukarti
Agar main patthar ki larki hoti
To main aziyyat ki malgiji un-ginat udasi kay rung chunti
Wehem ugaati, gumaan rakhti
Tumhari sari wajahaton ko
Main sau tarah say para para kerti
Na tum ko yun aaina banati
Agar main patthar ki larki hoti
No comments:
Post a Comment