سنو!
برگد کے پیڑ کے نیچے
اسی پرانی بینچ پر
جہاں مری تاریک دنیا
تمھاری آہٹ پا لینےپر
اک دم روشن ہوئی تھی
سنو!
اب کہ بہار کا موسم ہے
اور مرے دل کی ویرانی
تم پر کھل نہ پائے گی
ہمیشہ اک راز رہے گی
میں نے تم سے کہنا ہے
سنو!
مجھ سے اک خطا ہوئی
کہ محبت کا اسیر ہوا
تمھیں چاہ کر،دور ہوا
بیچ رستے ،چھوڑ آیا
خود سے ،رخ موڑ آیا
سنو!
یہ محبت فقط اذیت ہے
تمھیں راس نہ آئے گی
ترے چہرے کی ہنسی
اور رونق چھین لے گی
خواب بھی مٹا دے گی
سنو!
میں کچھ کہنے آیا ہوں
مجھے معافی دے دوتم
جدائی کا امتحان کڑا ہے
اور تمھاری نفرت اسے
بہت مشکل بنادے گی
سنو!
اک گزارش مان لو گی
مری ہتھیلی پر نام میرا
اپنے ہاتھوں سے لکھو گی
اور وقت رخصت فقط
اک مسکراہٹ وار دو گی
No comments:
Post a Comment