کیا لکھوں ۔۔۔۔؟
میں کیا لکھوں کشمیر پر۔۔۔؟
اک اجڑی ہوئی تصویر پر
اک بے قسمت تقدیر پر
جہاں رات کو مائیں سوئیں تو
پہلو میں صبح بچے نہ ملیں
جہاں بیٹھے بیٹھے چوکھٹ پر
بے رحم قضائیں آ جائیں
میرے ذہن میں ایسی باتیں کئی
جنہیں لکھنا چاہوں ۔۔۔ لکھ نہ پاؤں
میں کس کو سناؤں دکھڑے ماؤں بہنوں کے
بیٹی کی ردا محفوظ کہاں
ہر شخص یقیں سے عاری ہو
بیوی کی وفا ملحوظ کہاں
میں کیا لکھوں کشمیر پر ۔۔۔؟
ہر ایک ستارہ بوجھل ہے
ہر ایک نظارہ قاتل ہے
لہو رنگ ہوا ہر اک منظر
ہر ہونٹ پہ خشک اداسی ہے
ہر آنکھ میں وحشی صحرا ہیں
جہاں خوف کے بادل لہرائیں
بے نام اندھیرے رقصاں ہوں
جہاں خون بہانا کھیل بنے
جہاں شیطان بھی جانا پسند نہ کرے
جہاں خدا تکنے سے گھبرائے
میں اس کشمیر پر کیا لکھوں ۔۔۔۔؟
بلال اسلم
No comments:
Post a Comment