Ma jae by Haya Gull

ماں جائیاں ہی بس درد بٹاتی ہیں

آنسو پونجھ کے سینے سے لگاتی ہیں 

یہ نعمت میسر نہیں ہوتی ہر کسی کو

کچھ مجھ جیسی اکیلی بلکتی رہ جاتی ہیں 

زندگی ویران سی لگتی ہے ان کے بغیر 

ہر خوشی ادھوری سی لگتی ہے ان کے بغیر 

دکھ سمجھتا نہیں کوئی ان کے بغیر 

تنہائی ناگ کی طرح ڈستی ہے ان کے بغیر 

ان کے لڑنے میں بھی پیار جھلکتا ہے

جھگڑ کے اگلے ہی پل ویسی ہو جاتی ہیں 

ماں جائیاں ہی بس درد بٹاتی ہیں

بہن کی کمی کو کوئی پورا کر نہیں سکتا

اس جیسے رنگ کوئی زندگی میں بھر نہیں سکتا 

کوئی جتنا بھی پیار دے دے مگر 

بہن کے خلا کو کوئی بھر نہیں سکتا 

دیکھنے میں سب اپنے سے لگتے ہیں مگر 

اپنائیت بہن جیسی کوئی دے نہیں سکتا 

رشتہ ماں کا اپنی جگہ ہے محترم ہمدم

ماں کے خلوص سے بھی نہیں میں منکر لیکن

بہن کی جگہ تو کبھی  کوئی لے نہیں سکتا 

کہ اس رشتے کا کوئی نعم البدل ہو ہی نہیں سکتا..........

ازقلم: حیا گل