Main ishq usi se karta tha by Sania Hussain

میں عشق اسی سے کرتا تھا

 

اک لڑکی کو میں چاہتا تھا

وہ بھی تو مجھ کو چاہتی تھی

سب کی ہی لاڈلی تھی وہ

سب کو وہ ہنسنا سکھاتی تھی

وہ نازک سی معصوم سی تھی

وہ کانچ کی گڑیا لگتی تھی

میں ہنستا تھا وہ کھلتی تھی

وہ پھول گلاب کا لگتی تھی

جب آنگن میں وہ آتی تھی

خوشیوں کی بہاریں لاتی تھی

نہ قسمیں تھیں نہ وعدے تھے

نہ منزل تھی نہ راستے تھے

میرے سنگ وہ خواب سجاتی تھی

مقدر پر یقین وہ رکھتی تھی

مجھے ہر رنگ میں وہ بھاتی تھی

بارش کے موسم میں

میرے سنگ وہ گیت گاتی تھی

ہاں یاد ہے مجھ کو وہ منظر

خزاں کی رت جب چھائی تھی

وقت نے کروٹ بدلی تھی تو

مقدر نے چوٹ لگائی تھی

میرا دل ٹوٹا ،خواب بکھر گئے

جب روتی ہوئی وہ آئی تھی

والدین مے مجھ کو پالا ہے

مجھ اٹھ کر چلنا سکھایا

بدلے میں اب میں نے ان کا مان رکھنا ہے

میں کیسے باغی ہو جاؤں

میں تم کو بھول جاتی ہوں

ساتھ مل پھر ہم دونوں نے ان سپنوں کو جلا دیا

ان رسموں اور رواجوں نے دل دونوں کا ہی توڑ دیا

کبھی آنکھوں میں نمی بن کر

کبھی ہونٹوں پر ہنسی بن کر

مجھے یاد وہ اب بھی آتی ہے

میری محبت کی اک حسیں غزل

میری روح کی وہ شاعری ہے

میں کیسے بتاؤں دنیا کو

میرے یاد وہ اب بھی آتی ہے

اک شام کو برسات کی

میں بیٹھا اس کی یادوں میں

اچانک پھر مجھ کو یوں لگا

بہاریں پھر لوٹ آئی ہیں

سنگ اپنے ہمسفر کے وہ

میرے سامنے سے گزری تھی

میرے دل صدا لگائی جب

اس نے مڑ کر مجھ کو دیکھا

اس کے ہونٹوں کی ہنسی

اس بات کی گواہ تھی کہ

محبت وہ مجھ سے نہ سہی

پر یاد وہ آج بھی کرتی ہے

میری آنکھوں میں نمی آئی

میرے ہونٹوں پر ہنسی آئی

وہ لمحہ جیسے رک گیا

برسات بھی جیسے تھم گئی

اس اک لمحے کو میں جی لیتا

کاش کہ ایسا ہو جاتا

وقت کا تھا مجھ سے سدا کا بیر

وہ پیٹھ دکھا کا چل نکلا

وہ اس کو بھی سنگ لے گیا

میں کیسے بتاؤں دنیا کو

میرا سب کچھ ہی وہ لے گیا

اس کی یادوں کو قلم سے میں

کاغذ پر اب لکھتا ہوں

دنیا یہ جب بھی پڑھتی ہے

مجھے شاعر کمال کہتی ہے

میں کیسے بتاؤں دنیا کو

یہ یادیں ہیں اس،لڑکی کی

جس لڑکی پر میں مرتا تھا

میری چاہت تھی ، محبت تھی

میرا پیار تھی میرا عشق تھی وہ

وہ لڑکی جس پر مرتا تھا

میں عشق اسی سے کرتا تھا

میں عشق اسی سے کرتا تھا

*************