کبھی موسموں کے سراب میں

کبھی موسموں کے سراب میں

کبھی بام و در کے عذاب میں

وہاں عمر ہم نے گزار دی،

جہاں سانس لینا مُحال تھا

 

 اعتبار ساجد.

وہ کہتی ہے سنو جاناں محبت موم کا گھر ہے

وہ کہتی ہے سنو جاناں محبت موم کا گھر ہے
تپش اک بد گمانی کی کہیں پگھلا نہ دے اس کو
میں کہتا ہوں کہ جس دل میں ذرا بھی بدگمانی ہو
وہاں کچھ اور ہو تو ہو محبت ہو نہیں سکتی
وہ کہتی ہے سدا ایسے ہی کیا تم مجھ کو چاہو گے
کہ میں اس میں کمی بالکل گوارا کر نہیں سکتی
میں کہتا ہوں محبت کیا ہے یہ تم نے سکھایا ے
مجھے تم سے محبت کے سوا کچھ بھی نہیں آتا
وہ کہتی ہے جدائی سے بہت ڈرتا ہے میرا دل
کہ خود کو تم سے ہٹ کر دیکھنا ممکن نہیں ہے اب
میں کہتا ہوں کہ یہی خدشے بہت مجھ کو ستاتے ہیں
مگر سچ ہے محبت میں جدائی ساتھ چلتی ہے
وہ کہتی ہے بتاؤ کیا میرے بن جی سکوو گے تم
میری یادیں، میری آنکھیں، میری باتیں بھلا دو گے
میں کہتا ہوں کبھی اس بات پر سوچا نہیں میں نے
اگر اک پل کو بھی سوچوں تو سانسیں رکنے لگتی ہیں
وہ کہتی ہےتمہیں مجھ سے محبت اس قدر کیوں ہے
کہ میں اک عام سی لڑکی ہوں تمہیں کیوں خاص لگتی ہوں
میں کہتا ہوں کبھی خود کو میری آنکھوں سے تم دیکھو
میری دیوانگی کیوں ہے یہ خود ہی جان جاؤ گی
وہ کہتی ہے مجھے وارفتگی سے دیکھتے کیوں ہو
کہ میں خود کو بہت ہیی قیمتی محسوس کرتی ہوں
میں کہتا ہوں متاع جاں بہت انمول ہوتی ہے
تمہیں جب دیکھتا ہوں زندگی محسوس ہوتی ہے
وہ کہتی ہے بتاؤ نا کسے کھونے سے ڈرتے ہو
بتاؤ کون ہے وہ جسکو یہ موسم بلاتے ہیں
میں کہتا ہوں یہ میری شاعری ہے آئینہ دل کا
ذرا دیکھو بتاؤ کیا تمہیں اس میں نظر آیا
وہ کہتی ہے کہ آتش جی بہت باتیں بناتے ہو
مگر سچ ہے کہ یہ باتیں بہت ہی شاد رکھتی ہیں
میں کہتا ہوں یہ سب باتیں، فسانے اک بہانہ ہیں
کہ پل کچھ زندگانی کے تمہارے ساتھ کٹ جائیں
پھر اس کے بعد خاموشی کا اک دلکش رقص ہوتا ہے
نگاہیں بولتی ہیں اور یہ لب خاموش رہتے ہیں....

عاطف سعید

دُشمنِ جاں کئی قبیلے ہُوئے

دُشمنِ جاں کئی قبیلے ہُوئے
پھر بھی خُوشبو کے ہاتھ پِیلے ہُوئے
بد گُمانی کے سَرد موسم میں
میری گُڑیا کے ہاتھ نِیلے ہُوئے

جب زمیں کی زباں چٹخنے لگی
تب کہیں بارشوں کے حیلے ہُوئے
وقت نے خاک وہ اُڑائی ہے
شہر آباد تھے جو ٹِیلے ہُوئے
جب پرندوں کی سانس رُکنے لگی
تب ہواؤں کے کُچھ وسیلے ہُوئے
کوئی بارش تھی بد گُمانی کی
سارے کاغذ ہی دِل کے گَیلے ہُوئے
- نوشی گیلانی

ہم ترے خواب دیکھتے رہیں گے

سو رہیں گے کہ جاگتے رہیں گے

ہم ترے خواب دیکھتے رہیں گے

تو کہیں اور ڈھونڈتا رہے گا

ہم کہیں اور ہی کھلے رہیں گے

راہ گیروں نے رہ بدلنی ہے

پیڑ اپنی جگہ کھڑے رہیں گے

لوٹنا کب ہے تونے پر تجھ کو

عادتاَ ہی پکارتے رہیں گے

برف پگھلے گی اور پہاڑوں میں

سالہا سال راستے رہیں گے

تجھ کو چھونے کے بعد کیا ہوگا

دیر تک ہاتھ کانپتے رہیں گے

سبھی موسم ہیں دسترس میں تری

تو نے چاہا تو ہم ہرے رہیں گے

ایک مدت ہوئی ہے تجھ سے ملے

تو تو کہتا تھا رابطے رہیں گے

تجھ کو پانے میں مسئلہ یہ ہے

تجھ کو کھونے کے وسوسے رہیں گے

شکریہ مستقل مزاجی کا

ہم ترے ہیں تو ہم ترے رہیں گے

جو اس کے چہرے پہ رنگ حیا ٹھہر جائے

جو اس کے چہرے پہ رنگ حیا ٹھہر جائے

تو سانس، وقت، سمندر، ہوا ٹھہر جائے

وہ مسکرائے تو ہنس ہنس پڑیں کئی موسم

وہ گنگنائے تو باد صبا ٹھہر جائے

سبک خرام صبا چال چل پڑے جب بھی

ہزار پھول سر راہ آ ٹھہر جائے

وہ ہونٹ ہونٹوں پہ رکھ دے اگر دم آخر

مجھے گماں ہے کہ آئی قضا ٹھہر جائے

میں اس کی آنکھوں میں جھانکوں تو جیسے جم جاؤں

وہ آنکھ جھپکے تو چاہوں ذرا ٹھہر جائے

"محبت کر کے دیکهتے ہیں"

"

"محبت کر کے دیکهتے ہیں"
محبت پھر سے کر کے د یکھتے ہیں ہم
جہا ں چھو ڑا تھا تم نے
ر خصتی کے سرد مو سم میں
و ہیں چلتے ہیں پھر ا ک بار
ا و ر عہد و فا کو ہا تھ تھا مے یا د کر تے ہیں
چلو پھر سے
محبت کر کے د و نو ں د یکھتے ہیں ہم
تمہیں خو شبو پسند تھی
میں بہا ر و ں کے سبھی پھو لو ں کو
ا پنے سا تھ لا یا ہو ں
تمہیں با ر ش پسند تھی
با د لو ں کے سا تھ بر کھا لے کے آ یا ہو ں
تمہیں تا ر و ں بھر ی ر ا تو ں میں
د ل کا حا ل کہنے میں مزہ آ تا تھا
میں سا ر ے ستا ر ے
آ سما نو ں سے چُرا کے
بس تمہیں سُننے کو آ یا ہو ں
چلو پھر سے محبت کر کے
د و نو ں د یکھتے ہیں ہم
یہ مُمکن ھے کہ تم بھی
گز ر ے موسم کی طرح و ا پس پلٹ آ و
خز ا ں آ تی ہے
لیکن فصل گُل
پت جھڑ کے گھا و آ کے بھر تی ہے
یہی ہے را ز ہستی
ختم ہو تے ہی ا ند ھیر ے کے
نیا د ن
ا ک نر ا لے با نکپن سے پھر نکلتا ہے
تو کیا مُمکن نہیں
ہم مل سکیں دونوں
چلو ا ک با ر کو شش کر د یکھں ہم
محبت کر کے د یکھں
انور زاہدی

آنکھیں

وہ آنکھیں
جھیل سی آنکھیں
بہت گہری ہیں
ان میں تیرتے آنسو
کئی مفہوم رکھتے ہیں
وہ آنکھیں
ایک مدت سے
بدلتے موسموں
بنتے،بگڑتے منظروں کی زد میں ہیں
لیکن
انہیں کچھ خواب
اپنے مخملیں احساس سے مسحور رکھتے ہیں
وہ آنکھیں
منتظر ہیں،کب کوئی آئے
حسیں خوابوں کو اپنے سحر سے
تعبیر میں بدلے
بہت سی ان کہی باتوں کے در کھولے
بہت سے بے نشاں جذبوں کو
آحساس شراکت دے

وہ گہری جھیل سی آنکھیں
کئی قصے سنانے کے لیے بے چین پھرتی ہیں
وہ گہری جھیل سی آنکھیں
کئی مفہوم رکھتی ہیں

 

سب کچھ نام تمھارے

آج یہ سب کچھ نام تمھارے

ساحل

ریت

سمندر

لہریں

بستی

دوستی

صحرا

دریا

خوشبو

موسم

پھول

دریچے

بادل

سورج

چاند

ستارے

آج یہ سب کچھ نام تمھارے

خواب کی باتیں

یاد کے قصے

سوچ کے پہلو

نیند کے لمحے

درد کے آنسو

چین کے نغمے

اڑتے وقت کے بہتے دھارے

روح کی آہٹ

جسم کی جنبش

خون کی گردش

سانس کی لرزش

آنکھ کا پانی

چاہت کے یہ عنوان سارے

آج یہ سب کچھ نام تمھارے

کبھی ایسا بھی ہوتا ہے

کبھی ایسا بھی ہوتا ہے
کہ جس کو ہمسفر جانیں
کہ جو شریک درد ہو
وہی ہم سے بچھڑ جائے
کبھی ایسا بھی ہوتا ہے؟
کہ آنکھیں جن خوابوں کو
حقیقت جان بیٹھی ہوں
وہ سب سپنے بکھر جائیں
کبھی ایسا بھی ہوتا ہے؟
کہ جس کے ساتھ پہروں ساعتیں
ہم نے گزاری ہوں
اسی سے ربط ٹوٹ جائے
کبھی ایسا بھی ہوتا ہے؟
خزاؤں کے دیوانے کو
بہاروں میں بہاروں سے محبت ہونے والی ہو
اور موسم بدل جائے
کبھی ایسا بھی ہوتا ہے؟
کہ جس کے نام کے آگے ہمارا نام آیا ہو
جسے محرم بنایا ہو
اسی کو اپنے ہاتھوں سے، کسی کو سونپ کر آئیں

ﻣﺠﮭﮯ ﻣﺤﺴﻮﺱ ﮨﻮﺗﺎ ﮨﮯ

ﻣﺠﮭﮯ ﻣﺤﺴﻮﺱ ﮨﻮﺗﺎ ﮨﮯ
ﮐﮧ ﻣﯿﺮﯼ ﺫﺍﺕ ﮐﮯ ﺍﻧﺪﺭ
ﺗﯿﺮﯼ ﭼﺎﮨﺖ ﺑﮭﺮﮮ ﻣﻮﺳﻢ ﮐﯽ
ﺑﮩﺖ ﻣﻌﺼﻮﻡ ﺧﻮﺍﮨﺶ ﺗﮭﯽ
ﺟﺴﮯ ﺑﺲ ﯾﮧ ﺗﻤﻨﺎ ﺗﮭﯽ
ﮐﮧ ﺗﯿﺮﮮ ﻧﺮﻡ ﺣﺮﻓﻮﮞ ﮐﯽ ﻣﻼﺣﺖ
ﺗﯿﺮﮮ ﻟﮩﺠﮯ ﮐﻮ ﺑﮭﯽ ﭼﮭﻮ ﻟﮯ
ﺍﺳﮯ ﺑﺲ ﯾﮧ ﺗﻤﻨﺎ ﺗﮭﯽ
ﻣﺠﮭﮯ ﺑﺲ ﺍﺗﻨﯽ ﺣﺴﺮﺕ ﺗﮭﯽ
ﺗﻤﮩﺎﺭﺍ ﮨﺎﺗﮫ ﻣﯿﺮﮮ ﮨﺎﺗﮭﻮﮞ ﻣﯿﮟ
ﮨﻤﯿﺸﮧ ﻧﮧ ﺭﮨﮯ ۔۔۔ ﺯﻧﺠﯿﺮ ﮐﯽ ﺻﻮﺭﺕ
ﻣﮕﺮ ﺍﺱ ﻭﻗﺖ ﺗﻮ ﮨﻮ
ﮐﮧ ﺟﺐ ﻣﯿﺮﺍ ﺍﺣﺴﺎﺱ ﺗﻨﮩﺎ ﮨﻮ
ﺍﻭﺭ ﻣﯿﺮﺍ ﮨﺎﺗﮫ ﺧﺎﻟﯽ ﮨﻮ !
ﻣﺠﮭﮯ ﻣﺤﺴﻮﺱ ﮨﻮﺗﺎ ﮨﮯ ﮐﮧ ﻣﯿﺮﯼ ﺫﺍﺕ ﮐﮯ ﺍﻧﺪﺭ
ﺗﯿﺮﯼ ﭼﺎﮨﺖ ﺑﮭﺮﮮ ﻣﻮﺳﻢ ﮐﯽ ﺑﮩﺖ ﻣﻌﺼﻮﻡ
ﺧﻮﺍﮨﺶ ﺗﮭﯽ
ﺟﺴﮯ ﺑﺲ ﺍﺗﻨﺎ ﺳﺎ ﺩﮐﮫ ﮨﮯ
ﺗﻤﮩﺎﺭﺍ ﮨﺎﺗﮫ ﻣﻞ ﺟﺎﺗﺎ..!!!

Tum udas mat hona

 

Tum udas mat hona

Agar kabhi koi lamha
Aisa zakhm de jaye
K koi bhi marham us
Zakhm ko na bher paye
Tum udas mat hona
Mehv-e-yaas mat hona
Zindgi k sub mausam
Aik se nahi hote
Saray log ay humdum
Aik se nahi hote
Zindgi ki rahon main
Hadsey bhi atey hain
Hadson se barh ker kuch
Waaqay bhi atay hain
Waqt k hi marhum se
Zakhm bher bhi jatay hain
Din buray hon ya achay
Bus guzer hi jatay hain
Waqt ko guzerna hai
Zakhm ko bhi bherna hai
Dard k charhay derya
Ko abhi uterna hai
Tum udas mat hona
Mehv-e-yaas mat hona

محبت یوں نہیں اچھی ۔۔۔۔

کوئی وعدہ نہیں ہم میں
نہ آپس میں بہت باتیں
نہ ملنے میں بہت شوخی
نہ آخرِ شب کوئی مناجاتیں
مگر ایک ان کہی سی ہے
جو ہم دونوں سمجھتے ہیں
عجب ایک سرگوشی سی ہے
جو ہم دونوں سمجھتے ہیں
یہ سارے دلرُوبا منظر
طلسمی چاندنی راتیں
سنہری دُھوپ کے موسم
یہ ہلکے سُکھ کی برساتیں
سبھی ایک ضد میں رہتے ہیں
مجھے پہم یہ کہتے ہیں
محبت یوں نہیں اچھی
محبت یوں نہیں اچھی ۔۔۔

Bicharney waley chaley jo ho to bata key jao بچھڑنے والے چلے جو ہو تو بتا کے جاؤ

بچھڑنے والے

چلے جو ہو تو بتا کے جاؤ ۔ ۔ ۔ ۔

کہ کتنی شامیں اداس آنکھوں میں کاٹنی ہیں ؟

کہ کتنی صبحیں اکیلے پن میں گزارنی ہیں ؟

بتا کے جاؤ

کہ کتنے سورج عذاب رستوں کو دیکھنا ہے ؟

کہ کتنے مہتاب سرد راتوں کی وسعتوں سے نکالنے ہیں ؟

بتا کے جاؤ ۔ ۔ ۔ ۔ ۔

کہ چاند راتوں میں وقت کیسے گزارنا ہے ؟

خاموش لمحوں میں تجھ کو کتنا پکارنا ہے ؟

بتا کے جاؤ۔ ۔ ۔ ۔

کہ کتنے لمحے شمار کرنے ہیں ہجرتوں کے ؟

کہ کتنے موسم اک ایک کر کے جدائیوں میں گزارنے ہیں ؟

بتا کے جاؤ ۔ ۔ ۔ ۔

کہ پنچھیوں نے اکیلے پن کا سبب جو پوچھا

تو کیا کہوں گا ۔ ۔ ۔ ؟ ؟ ؟

کسی نے رستے میں روک کر جو مجھ سے پوچھا

کہ پچھلے موسم میں ساےٴ ساےٴ جو اجنبی تھا ۔ ۔ ۔!!۔

کہاں گیا ہے ۔ ۔ ۔ ۔ ؟؟

تو کیا کہوں گا ۔ ۔ ۔ ۔؟ ؟

بتا کے جاؤ ۔ ۔ ۔ ۔ ۔

میں کس سے تیرا گلہ کروں گا ؟

بچھڑ کے تجھ سے حبیب.. کس سے ملا کروں گا ؟

بتا کے جاؤ کہ آنکھ برسی تو کون موتی چنا کرے گا؟

اداس لمحوں میں دل کی دھڑکن سنا کرے گا ؟

بتا کے جاؤ کہ موسموں کو پیام دینے ہیں ۔ ۔ ۔ ؟ یا نہیں ؟

فلک کو ، تاروں کو ، جگنوؤں کو سلام دینے ہیں ۔ ۔ ۔؟ یا نہیں ؟

بتا کے جاؤ ۔ ۔ ۔ ۔

کہ کس پہ ہے اعتبار کرنا ؟

تو کس کی باتوں پہ بےنیازی کے سلسلے اختیار کرنا ؟

بتا کے جاؤ کہ اب رویوں کی چال کیا ہو ؟

جواب کیا ہو ؟۔ ۔ ۔ سوال کیا ہو ؟ ۔ ۔ ۔

عروج کیا ہو ؟ ۔ ۔ ۔ ، زوال کیا ہو؟ ۔ ۔ ۔

نگاہ ، رخسار ، زلف ، چہرہ.. نڈھال کیا ہو ؟

بتا کے جاؤ ۔ ۔ ۔ ۔ ۔

کہ میری حالت پہ چاندنی کھلکھلا پڑی تو

میں کیا کروں گا ۔ ۔ ؟؟

بتا کے جاؤ ۔ ۔ ۔ ۔

کہ میری صورت پہ تیرگی مسکرا پڑی تو

میں کیا کروں گا ۔ ۔ ۔ ؟؟

بتا کے جاؤ

کہ تم کو کتنا پکارنا ہے ؟

بچھڑ کے تجھ سے یہ وقت کیسے گزارنا ہے ؟

اجاڑنا ہے ۔ ۔ ۔ ۔ ؟ نکھارنا ہے ۔ ۔ ۔ ؟

بدن کو کتنا سوارنا ہے ۔ ۔ ۔ ؟

چلے جو ہو تو ۔ ۔ ۔ ۔ ۔ ۔

!!بتا کے جاؤ ۔ ۔ ۔ ۔ ۔

—-کہ لَوٹنا بھی ہے ۔ ۔ ۔ ؟؟ یا ۔ ۔ ۔ ۔ ۔ ۔

Bheegney ka barish mein shoq hai baja lekin

بھیگنے کا بارش میں

شوق ہے بجا لیکن

سرد ہو چلا موسم

ہوسکے تو بارش میں

بھیگتے نہیں رہنا

اور سرد ہواؤں میں

دور دور ہی رہنا

جیسے مجھ سے رہتے ہو

Gaey mosam mein jo khiltey they gulabon ki tarha

گئے موسم میں جو کِھلتے تھے گلابوں کی طرح

دل پہ اُتریں گے وہی خواب عذابوں کی طرح

راکھ کے ڈھیر پہ اب رات بسر کرنی ہے

جل چکے ہیں مرے خیمے‘مرے خوابوں کی طرح

ساعتِ دید کے عارض ہیں گلابی اب تک

اولیں لمحوں کے گُلنار حجابوں کی طرح

وہ سمندر ہے تو پھر رُوح کو شاداب کرے

تشنگی کیوں مجھے دیتا ہے سرابوں کی طرح

غیر ممکن ہے ترے گھر کے گلابوں کا شمار

میرے رِستے ہُوئے زخموں کے حسابوں کی طرح

یاد تو ہوں گی وہ باتیں تجھے اب بھی لیکن

شیلف میں رکھی ہُوئی کتابوں کی طرح

کون جانے نئے سال میں تو کس کو پڑھے

تیرا معیار بدلتا ہے نصابوں کی طرح

شوخ ہوجاتی ہے اب بھی تری آنکھوں کی چمک

گاہے گاہے ‘ ترے دلچسپ جوابوں کی طرح

ہجر کی شب ‘ مری تنہائی پہ دستک دے گی

تیری خوشبو ‘مرے کھوئے ہوئے خوابوں کی طرح

Teri tarha malaal mujhe bhi nahi raha

تیری طرح ملال مجھے بھی نہیں رہا

جا، اب ترا خیال مجھے بھی نہیں رہا

تُو نے بھی موسموں کی پذیرائی چھوڑ دی

اب شوقِ ماہ و سال مجھے بھی نہیں رہا

میرا جواب کیا تھا ، تجھے بھی خبر نہیں

یاد اب ترا سوال، مجھے بھی نہیں رہا

جس بات کا خیال نہ تُو نے کیا کبھی

اُس بات کا خیال مجھے بھی نہیں رہا

توڑا ہے تُو نے جب سے مرے دل کا آئینہ

اندازہء جمال مجھے بھی نہیں رہا

باقی میں اپنے فن سے بڑا پُرخلوص ہوں

...اِس واسطے زوال مجھے بھی نہیں رہا

Ussey kehna

اسے کہنا

ہمیں کب فرق پڑتا ہے؟

کہ

ہم تو شاخ سے ٹوٹے ہوئے پتّے

بہت عرصہ ہوا ہم کو

رگیں تک مر چکیں دل کی

کوئی پاوٴں تلے روندے

جلا کر راکھ کر ڈالے

ہوا کے ہاتھ پر رکھ کر

کہیں بھی پھینک دے ہم کو

سپردِ خاک کر ڈالے

ہمیں اب یاد ہی کب ہے؟

کہ ہم بھی ایک موسم تھے

Ab ke saal kuch aisa karna

ﺍﺏ ﮐﮯ ﺳﺎﻝ ﮐﭽﮫ ﺍﯾﺴﺎ ﮐﺮﻧﺎ

ﺍﭘﻨﮯ ﭘﭽﮭﻠﮯ ﺑﺎﺭﮦ ﻣﺎﮦ ﮐﮯ

ﺩُﮐﮫ ﺳﮑﮫ ﮐﺎ ﺍﻧﺪﺍﺯﮦ ﮐﺮﻧﺎ

ﺑﮑﮭﺮﯼ ﯾﺎﺩﯾﮟ ﺗﺎﺯﮦ ﮐﺮﻧﺎ

ﺳﺎﺩﮦ ﺳﺎ ﺍﮎ ﮐﺎﻏﺬ ﻟﮯ ﮐﺮ

ﺑﮭﻮﻟﮯ، ﺑﺴﺮﮮ ﭘﻞ ﻟﮑﮫ ﻟﯿﻨﺎ

ﺍﭘﻨﮯ ﺳﺎﺭﮮ ﮐﻞ ﻟﮑﮫ ﻟﯿﻨﺎ

ﺳﺎﺭﮮ ﺩﻭﺳﺖ ﺍﮐﭩﮭﮯ ﮐﺮﻧﺎ

ﺳﺎﺭﯼ ﺻﺒﺤﯿﮟ ﺣﺎﺿﺮ ﮐﺮﻧﺎ

ﺳﺎﺭﯼ ﺷﺎﻣﯿﮟ ﭘﺎﺱ ﺑﻼﻧﺎ

ﺍﻭﺭ ﻋﻼﻭﮦ ﺍﻥ ﮐﮯ ﺩﯾﮑﮭﻮ

ﺳﺎﺭﮮ ﻣﻮﺳﻢ ﺩﮬﯿﺎﻥ ﻣﯿﮟ ﺭﮐﮭﻨﺎ

ﺍﮎ ﺍﮎ ﯾﺎﺩ ﮔﻤﺎﻥ ﻣﯿﮟ ﺭﮐﮭﻨﺎ

ﭘﮭﺮ ﻣﺤﺘﺎﻁ ﺍﻧﺪﺍﺯﮦ ﮐﺮﻧﺎ

ﮔﺮ ﺗﻮ ﺧﻮﺷﯿﺎﮞ ﺑﮍﮪ ﺟﺎﺗﯽ ﮨﯿﮟ

ﭘﮭﺮ ﺗﻮ ﺗﻢ ﮐﻮ ﻣﯿﺮﯼ ﻃﺮﻑ ﺳﮯ

ﺁﻧﮯ ﻭﺍﻻ ﺳﺎﻝ ﻣﺒﺎﺭﮎ

ﺍﻭﺭ ﺍﮔﺮ ﻏﻢ ﺑﮍﮪ ﺟﺎﺋﯿﮟ ﺗﻮ

ﻣﺖ ﺑﯿﮑﺎﺭ ﺗﮑﻠﻒ ﮐﺮﻧﺎ

ﺩﯾﮑﮭﻮ ﭘﮭﺮ ﺗﻢ ﺍﯾﺴﺎ ﮐﺮﻧﺎ

ﻣﯿﺮﯼ ﺧﻮﺷﯿﺎﮞ ﺗﻢ ﻟﮯ ﻟﯿﻨﺎ

ﻣﺠﮫ ﮐﻮ ﺍﭘﻨﮯ ﻏﻢ ﺩﮮ ﺩﯾﻨﺎ

....

Khuda ra Ab nahi ana

دسمبر جا رہے ہو ناں

خدارا اب نہیں آنا

مقدر کے شکستہ طاق پر رکھی

وہ بوسیدہ سی جو پہلی محبت ہے

شکستہ سی مگر فاصب بہت ظالم

بہت قاتل رفاقت ہے

انھیں بھی ساتھ لے جانا

میری سوچوں کی مسند پر

جو حاکم اس کی یادیں ہیں

ہے گردش زہر قاتل سی

کہ جس میں گونجتی رہتی ہیں

ہماوقت اس کی باتیں

انھیں بھی ساتھ لے جانا

یہ وحشی ہجر کے موسم

جو صدیوں سے میرے جیوں پہ قابض ہیں

یہ خستہ جسم، بسمل جان بھی فریاد کرتے ہیں

دسمبر سن رہے ہو ناں

!!!.....دسمبر اب نہیں آنا