دِل میں اِک دشت ھے

دِل میں اِک دشت ھے اور آبلہ پائی یوں ھے

وہ میرے سامنے بیٹھا ھے، جدائی یوں ھے

ایک تلوار بھی ھے کاسہءِ اُمید کے ساتھ

اب کے اِس شہر میں اندازِ گدائی یوں ھے

دِل، جگر، آنکھ سبھی ایک ھوئے جاتے ھوئے

میرے احوال میں وہ دستِ حِنائی یوں ھے

بزمِ احباب بھی ھے رونقِ دُنیا بھی ھے

پر میرا دل نہیں لگتا، میرے بھائی ! یوں ھے

تیرے بارے میں کوئی مجھ کو بتاتا ہی نہیں
 وہ خُدا ایسا ھے اور اُس کی خُدائی یوں ھے