ke tum bin hain adhoory hum by Gul Bashra

ہیں تم بن یوں ادھورے ہم...!

     دسمبر بارش بھول جاۓ

    بنا خوشبو کے پھول آۓ...

                                            کوئل کوک سے ہو جدا

                                             تتلی پھول سے ہو خفا..

     سمندر لہروں کو چھوڑ دے.                                            چاندنی سے   چاند منہ موڑلے..   .

   

                          بادل بوند کے بنا ہو....

                          دل دھڑکن کے سوا ہو...

فلک تاروں سے خالی ہو                                                            ٹوٹی ہوئی کوئی ڈالی ہو...

                                      کوئی اپنا جیسے روٹھ جائے

                                       کوئی سپنا جیسے ٹوٹ جائے.

           آئینہ صورت کے بنا ہو.  

           آنکھ خواب سے جدا ہو...             

                                      کوئی ریشم کا کچا دھاگا     .

                                       ٹوٹا ہوا کوئی وعدہ ہو..

چمن جیسے ویران ہو

دل کوئی قبرستان ہو...

      

                                    دسمبرکی کوئی رات ہو

.                                  اس پر پھر برسات ہو....  

نہ ہاتھ میں تیرا ہاتھ ہو

نہ ساتھ میں تیرا ساتھ ہو ...

                 

.                                       محبت کے روشن دانوں پر

         ,                             نہ جلتا کوئی چراغ ہو....

ع-ش-ق- کی دہلیز پر ..

آباد کوئی فراق ہو....

                               اک ادھوری بات ہو

                               محبت پھر برباد ہو ..

خواہشوں کی دھوپ میں

نہ تیرا میرا ساتھ ہو....

                                     مختصر سی بات کہ...                                           ..                             

نہ تیرے بنا ہیں پورے ہم....        ..

     کہ تم بن  ہیں ادھورے ہم

    کہ تم بن ہیں ادھورے ہم....!💔

Tumhen ny kaha tha by Aheer Zadi

Jahan bujh gaey thy chragh

جہاں بجھ گئے تھے چراغ سب وہاں داغ دل کے جلے تھے پھر
جہاں آکے پاؤں کٹے مرے، وہاں نقشِ پا بھی چلے تھے پھر

مرے رہنما کا تھا فیصلہ، مرا جسم جاں سے جُدا ہُوا
یہی خوب تھا کہ اسی نے ہی سرِ دار ہاتھ ملے تھے پھر

مجھے آسمان پہ سُکون تھا، یہ زمین میرا جنون تھا
یہی کیا کہ پھر مجھے خوف تھا، سبھی آسماں کے تلے تھے پھر

جو ملا مجھے وہ خفا ہوا، یہ تھا معجزہ ترے پیار کا
جو تھے خوش ہوئے مجھے دیکھ کر، ترے پاس جا کے جلے تھے پھر

مرے پاس میرا خیال تھا، مرا سوچنا بھی کمال تھا
مری آنکھ نے مرے اشک بھی کفِ آستیں پہ ملے تھے پھر

مرے دل کی بات ہی اور تھی، مری کائنات ہی اور تھی
وہ جو جگنوؤں کی طرح تھے سب شبِ تیرگی میں پلے تھے پھر

وہ عجیب سا کوئی کھیل تھا، جہاں دھوپ چھاؤں کا میل تھا
تھے جو مہر و ماہ وہ بچ گئے، گو وہ روز و شب میں ڈھلے تھے پھر

سعداللہ شاہ

Tareekh e Islam by Mehwish Safdar

تا ریخ اسلام

آدم کی اک خطا سے پیدا ہوئی یہ دنیا

شجرنسب چلا اور آباد ہوئی یہ دنیا

اک طرف تھی اچھائی اور اک طرف برائی

دونوں کے درمیان تھی لوگوں سے بھری دنیا

لوگوں کی تھی خطائیں اور تھی انکی برائیاں

جہالت کے اندھیروں سے بھری پڑی تھی یہ دنیا

دولت کی تھی لالچ اور اخلاق رزیلاتھے

اللہ کی آزما ئشوں سے دو چار تھی یہ دنیا

آغاز دنیا سے ہی چلا دور پیغمبری کا

اک طرف تھا دور پیغمبری اور

اک طرف خطا کار لوگوں کی دنیا

اللہ نے دی ہدایت لوگوں کو اپنے رسولوںسے

پھر اسلام کی طرف بدلنے لگی یہ دنیا

پھر آئے ختم النبین اللہ کی طرف سے

جنکے قول وفعل سے روشن ہونے لگی یہ دنیا

نام محمدی تھا تعریفوں سے بھرا ہوا

اسکے ہر عملی قدم سے شاداب ہوئی یہ دنیا

اس پہ اتارا گیا کلام حق خدا کا

جس پہ عمل کرکے کامیاب ہوئی یہ دنیا

اس نے سنایا ہمیں کلام حق قرآن کا

نبی کے نقش قدم پر چل کر سنورنے لگی یہ دنیا

داخل ہو گئے اسلام میں لوگ جوق در جوق

بدلنے لگے لوگ مہذب یافتہ ہوئی یہ دنیا

ختم نبوت ہوئی نام محمد ی پہ

خلفاء راشد ہ نے سنبھالی پھر یہ دنیا

پیڑی چلی محمد کی اور پیدا ہوئے حسن و حسین

فاطمہ کے لال سے گلزار ہوئی یہ دنیا

حسن و حسین نے جب پھیلایا دین خدا کا

تو نواسئہ رسول سے پر نور ہوئی یہ دنیا

میدان کربلہ میں ڈٹے رہے حسین

یزید نے بنا دی رکاوٹوں سے بھری دنیا

شہید ہوئے حسین میدان کربلہ میں

پیڑی ہوئی ختم نبی کی پرنم ہوئی یہ دنیا

اٹھنےلگے قدم قوم کے پھر سے نا اہلی کی طرف

جہالت کے اندھیروں میں پھر سے گھیر نے لگی یہ دنیا

قرآن وسنت پہ عمل کرتے نہیں یہ لوگ

خدا را تو ہی اب یہ سنبھال اپنی یہ دنیا

Yeh jo zindgi ki kitab hay by Mehwish Safdar

Tum bin youn adhoory hen hum by Gul Bashra

کسی بیتے ہوئے کل کو اتنا نہ یاد کرو kisi beety hoey pal ko itna na yad karo by Sophia Akbar

کسی بیتے ہوئے کل کو اتنا نہ یاد کرو

کہ ہر سانس میں تمہیں  وہ لمحہ یاد آیا کرے

ہر بات میں'   وہ شخص یاد آیا کرے

ہر کل میں اس کل کا انتظار رہے

وہ  لمحے،  وہ یادیں،   اور وہ  باتیں

کبھی نہیں بھولے ہم تمہیں

کبھی تو زندگی کے کسی موڑ پہ ملاقاہوگی

کبھی تو پھر اک بار تم سے ملاقات ہوگی

  کیسے ہم  اندازہ لگائیں کے،   کہاں ہوں تم

تمہیں تو یہ بھی خبر نہیں

کہ تمہیں  کوئی اتنا یاد کرتا ہے

تمہاری ہر بات کو'  تمہارے ہر انداز کو

تصور کر کے ہنستا  ہے

وہ شخص آج بھی"  تمہیں بہت یاد کرتا ہے

"محبت مار دیتی ہے" Muhabbat mar deti hai by Shamsa Iqbal

"محبت مار دیتی ہے"

سادہ سی وہ اِک لڑکی
آنکھوں میں ہر پل جِسکی
خواب رقص کرتے تھے
آسکی روشن آنکھوں سے
جگنو روشنی چُراتے تھے
محبت کے ذکر پر
پہلے مسکراتی تھی
پھر محبت کی حمایت میں
چاہتوں کے عنوان پر
گھنٹوں بولا کرتی تھی
آج جو برسوں بعد
ملا میں اُس سے
تو دیکھا کہ اُن روشن آنکھوں میں
اب بسیرا ہے ویرانی کا۔۔۔
اب محبت کے ذکر پر
اُسکی ویران آنکھوں میں
آنسوؤں کا سمند ر
ٹھاٹیں مار کر اُٹھتا ھے۔۔
محبت کی حمایت میں
وہ اب کچھ نھیں کہتی
بس لب بھینچے
وہ سر جھکا کر
آنسو پیتی رھتی ہے
قرب کا گہرا احساس
اُسکےچہرے پر رھتا ہے۔۔
دیکھ کر اُداسی اُسکی۔۔
پھر میں یہ جان جاتی ہوں
میں یہ مان جاتی ہوں
محبت مار دیتی ہے
دکھوں کے ہار دیتی ہے۔۔
ہاں۔۔ محبت مار دیتی ہے۔۔۔
 

Written by : .
شمسہ اقبال

بعد تمہارے جانے کے bahd tumhary jany ke by Gul Bashra

بعد تمہارے جانے کے 

قسم لے لو بہت روۓ بعد تمہارے جانے کے
کہ راتوں کو نہیں سوۓ بعد تمہارے جانے کے
بہت برسی بارشیں مگر جاناں کبھی بھی ہم 
کسی بارش نہیں بھیگے بعد تمہارے جانے کے
وہ جن کی کھلکھلاہٹ ہی وجہء مشہوری تھی 
اب وہ لب نہیں کھلتے بعد تمہارے جانے کے 
تم جو دیپ جلاتے تھے محبت کی صداقت کا 
نہ ہم نے وہ بجھایا ہے بعد تمہارے جانے کے
رنگوں کی عناعیت تھی خوشبو بھی مہرباں تھی
کنول اب نہیں کھلتے بعد تمہارے جانے کے
نہ ہم کو اب عداوت ہے نہ کوئی ہمنوا میرا 
سبھی کو چھوڑ دیا ہم نے بعد تمہارے جانے کے...!💔
قسم لے لو بہہت روۓ بعد تمہارے جانے کے

Umer ka bhrosa kya pal ka sath ho jaey

عُمر کا بھروسہ کیا، پَل کا ساتھ ہوجائے
ایک بار اکیلے میں، اُس سے بات ہوجائے

دِل کی گُنگ سرشاری اُس کو جِیت لے، لیکن
عرضِ حال کرنے میں احتیاط ہوجائے

ایسا کیوں کہ جانے سے صرف ایک اِنساں کے 

 ساری زندگانی ہی، بے ثبات ہوجائے

یاد کرتا جائے دِل، اور کِھلتا جائے دِل
اوس کی طرح کوئی پات پات ہوجائے

سب چراغ گُل کرکے اُس کا ہاتھ تھاما تھا
کیا قصور اُس کا، جو بَن میں رات ہوجائے

ایک بار کھیلےتو، وہ مِری طرح اور پھر
جِیت لے وہ ہر بازی مجھ کو مات ہوجائے

رات ہو پڑاو کی پھر بھی جاگیے ورنہ !
آپ سوتے رہ جائیں، اور ہات ہوجائے

پروین شاکر

ایک بھرم از گل بشرہ Aik bharam by Gul Bashrah

ایک بھرم..!

کسی نے کہا تھا...

دوریاں محبت بڑھاتی ہیں

اسی سوچ میں ہم..

ان سے دور ...

دور..

اور

 بہت دور ہو گۓ...!

گر ہوتی صحییح میں

میرے بھرم میں

تو آج..

اس سرد موسم کی

ویران شام میں

اک سنسان جگہ پہ..

اس بوڑھے درخت کے

نیچےبیٹھی ...

 اپنے ہاتھوں کی

بے ترتیب ...

لکیروں سے الجھتے ہوۓ

اے دل گل ....!

                           میں تنہا نہ ہوتی..

                           میں تنہا نہ ہوتی.....!

آج یاد بہت وہ آۓ ہیں از گل بشرہ Aj yad boht woh aaey hen by Gul Bashra

 آج  یاد  بہت  وہ  آۓ  ہیں

ہم دل کو بھی سمجھاۓہیں

وصل کی دھوپ نہ چڑھتی لوگو

اور  ہجر  کے  لمبے  ساۓ  ہیں.

پلکیں  بوجھل  ہیں  لیکن

لب پھر بھی  مسکاۓ  ہیں

آس ہے تجھ سے ملنے کی

امید پہ جیتے جاۓ  ہیں

کیا بتائیں سبب سرخی کا

کہ ہر شب نین جگا ئے ہیں

دل میں جگا ہے درد مسلسل

پل  پل  وہ   تڑ پاۓ   ہیں

ہم آج تلک اپنی چاہت

 تجھ سے بھی چھپاۓ ہیں

آج یاد بہت وہ آۓ ہیں

آج یاد بہہت وہ آۓ ہیں..!

Bandhan

وصال کی خواہش
کہہ بھی دے اب وہ سب باتیں
جو دل میں پوشیدہ ہیں
سارے روپ دکھا دے مجھ کو
جو اب تک نادیدہ ہیں
ایک ہی رات کے تارے ہیں
ہم دونوں اس کو جانتے ہیں
دوری اور مجبوری کیا ہے
اس کو بھی پہچانتے ہیں
کیوں پھر دونوں مل نہیں سکتے
کیوں یہ بندھن ٹوٹا ہے
یا کوئی کھوٹ ہے تیرے دل میں
یا میرا غم جھوٹا ہے

منیر نیازی

Intazar by Gul Bashrah

انتظار

کٹھن  ہوتا  ہے   انتظار    کرنا

کئ کئ پہروں کسی کو یاد کرنا

مر جانا.  ہے.   آسان.    بہت

مشکل ہے جاں کسی پے نثار کرنا

حقیقت سے آشنا ہع جا یعں پھر

سہل نہیں خود کو بے قرار کرنا

میری خاموشی کو بے وفائ نہ کہنا

میری آنکھوں کی اداسی کا أعتبار کرنا

وہ تیری آنکھ کے اک آنسو کا

کیا حق تھا مجھے یوں برباد کرنا

بارش میں ساتھ دیتے ہیں بہت

غم دھوپ میں تم سایہ دیوار کرنا

لبوں پہ میرے کئ قرض رکھے ہیں

نہ مجھ سے سودہ تم ادھار کرنا

ٹوٹ گیا بھرم پھر مہبت کا

کہا بھی تھا اسنے نہ اسرار کرنا

مہبت نہ دستور ھمارا ہے گل'

بھول کر بھی ہم سے نہ پیار کرنا ..!

درد دل by Gul Bashrah

درد دل

 درد دل کو زباں چاہیے

 مجھے تھوڑا سا آسماں چاہیے 

 فقیر ہوں میں در در کا 

 رہنے کو اک مکاں چاہیے

 چھوڑ دینا مجھے اندھیروں میں 

 مگر تیرا اک نشاں چاہیے

 نہ صرف اک تو چاہیے

 مگر ہمیں کوہ گراں چاہیے

 بہار کے افسانوں کو 

حقیقت کی خزاں چاہیے

 شمع کو پروانے کی محفل میں

 جاں چاہیے

 بتا محبت کودفنا نےہم نشیں

 جانا ہمیں کہاں چاہیے ..?

 زندگی چار دن کا میلہ ہے

 ڈھلنے کو زرا آسمان چاہیے 

جہاں کبھی نہ دن ڈھلے گل' 

مجھے تیرا ساتھ وہاں چاہیے

 Gul bashrah

آخری خواہش از نورین مسکان سرور Aakhri khawahish by Noreen Muskan Sarwar

سر بازار اس کا مول چاہوں تو لگا ڈالوں 

وہ ہے ہی آخری خواہش ،اسے بیکار کیا کرنا

یہ دنیا بے حیا ہو کر ،حیا کی بات کرتی ہے از نورین مسکان سرور

یہ دنیا بے حیا ہو کر ،حیا کی بات کرتی ہے۔

دوپٹہ کھینچ کے سر سے ،ردا کی بات کرتی ہے۔

تڑپتا ہے ،بلکتا ہے ،غریبوں کا کوئی بچہ

اجل جب گھیر لے اس کو،غذا کی بات کرتی ہے

حقیقت کا لبادہ اوڑھنے کو جرم کہتی ہے

سہارا جھوٹ کا لیں تو جزا کی بات کرتی ہے

امیروں کے جرم عیاش بھی معدوم ہوتے ہیں 

غریبوں کے ہنسنے پر ،سزا کی بات کرتی ہے

یہ دنیا کچھ نہیں دیتی اگر دے چھین لیتی ہے

یہ خود محتاج ہو کر کیوں ،عطا کی بات کرتی ہے۔

کوئی مزدور بچہ ہو ،غریبوں کا تو چپ قانون 

یہ قہقہے طفل ناداں پر خطا کی بات کرتی ہے

یہاں پر مطلبی ہیں سب،یہ ہرجائی کی دنیا ہے

تیری مسکان  نادانی وفا کی بات کرتی ہے

تيرى نظريں وہ تِير نيم كش سى..

تيرى نظريں وہ تِير نيم كش سى..
تيرى وہ مسکراہٹ اف قيامت..

بہاريں ساتھ لے کر تیرا چلنا..
تيرے قدموں کی آہٹ اف قیامت.

يہ حسن بے پناہ مسحور كن هے..
اور اس پر يہ سجاوٹ اف قيامت..

ميرا نظریں ملانا وہ حیا سے..
تیری وہ هڑبڑاهٹ اف قيامت..

كهلى هے جو لبوں پہ چاشنی..
محبت كى ملاوٹ اف قیامت..

تیری سرگوشیاں مہکى ہوائیں..
وہ ان کی سرسراہٹ اف قیامت..

تراشا ہے تجھے فرصت میں رب نے..
تیرے نقش و بناوٹ اف قیامت..

تیری انگڑائياں بھى قاتلانہ..
تيرى تو ہے تھکاوٹ اف قیامت..

 

صدف ایمان
..

jo dil ka ho nah mukhlis by Noreen Muskan Sarwar

غزل
شاعرہ؛ نورین مسکان سرور

جو دل کا ہو نہ مخلص ،اس سے آنکھیں چار کیا کرنا
کسی بے فیض کی خاطر ،یہ دل بیمار کیا کرنا

قفل ہونٹوں پہ ،سینے میں لیئے پھرتے ہیں دل زخمی
  نگاہیں بند ہیں سب کی ،غم اظہاف کیا کرنا 

محبت کے سوالوں پہ میں اتنا کہہ کے آئی ہوں
نظر اقرار کرڈالے تو پھر انکار کیا کرنا

سر بازار اس کا مول ،چاہوں تو لگا ڈالوں
وہ ہے ہی آخری خواہش،اسے بیکار کیا کرنا

ضرورت معافیوں کی ہے،چلو سجدے میں گر جائیں
خدا روٹھا ہوا ،خلق خدا سے پیار کیا کرنا

be sabab yonhi aksar by Noreen Muskan Sarwar

غزل: محبت
شاعرہ: نورین مسکان سرور

بے سبب یونہی اکثر،  چھپ  کے رونے لگتے ہیں
اس کو دیکھ کر، اپنے ہوش کھونے لگتے ہیں

عشق اور محبت میں ،دید لازمی عنصر
کتنے معجزے اکثر ،اک ساتھ ہونے لگتے ہیں
کالی رات کی دیوی ،یاد اس کی لاتی ہے
دن کے جب تھکے ہارے شب کو سونے لگتے ہیں

نہ کبھی ہمارا تھا ،نہ وہ اب ہمارا ہے
سوچتے ہی ہم غم سے ،چور ہونے لگتے ہیں

مسکان سوچتے ہیں  جب، اس کو بھول جائیں اب
زندگی کی راہوں سے دور ہونے لگتے ہیں۔