affiliate marketing Famous Urdu Poetry: Jo Rukay To Koh-e-Giraan Thay Hum

Sunday 25 May 2014

Jo Rukay To Koh-e-Giraan Thay Hum

Tujhay Kya Khabar Meray Haal Ki,
Meray Dard Or Malaal Ki,

Yeh Meray Khayaal Ka Silslaa,
Kisi Yaad Say Hay Milaa Huwa,

Usay Dekhna,Usay Sochna,
Meri Zindagi Ka Hay Faisla,

Ye Uski Palkon K Saaye Hain,
Meri Rooh Mein Jo Utar Gaye,

Ye Janoon-e-Manzil-e-Ishq Hay,
Jo Chalay To Jaan Say Guzar Gaye,

Mujhay Is Muqaam Pay Chorrna,
Hay Ye Bewafaai Ki Inteha,

Ye Qafas Ho Jaisay Koi Sazaa,
Yaheen Sukh Ka Saans Main Loon Sadaa,

Jinhain Teri Deed Ki Piyaas Thi,
Wo Qatray Nainon Say Beh Gaye,

Jo Rukay To Koh-e-Giraan Thay Hum,
Jo Chalay To Jaan Say Guzar Gaye...

No comments:

Post a Comment