Apna aap ganwa bethy hain by Nain

 

اپنا آپ گنوا بیٹھے ہیں

سارے خواب لٹا بیٹھے ہیں

جانے کس کی راہ گزر سے

اپنی راہ ملا بیٹھے ہیں

عکس تھا اک ، کچھ نقش قدم تھے

جن سے دھوکا کھا بیٹھے ہیں

منزل ، رستہ کچھ نہ پوچھو

ہم تو بھول خدا بیٹھے ہیں

زاد سفر بھی ساتھ نہیں کچھ

خالی ہاتھ ہی آ بیٹھے ہیں

ساتھ نکلنے والے راہی

اپنی اپنی راہ بیٹھے ہیں

آگے بڑھ کر تھامنے والے

سب ہی ہاتھ چھڑا بیٹھے ہیں

اپنا تو یاں کوئی نہیں ہے

گویا ہم تنہا بیٹھے ہیں

آہ! کس انجان نگر میں

خود ہی چل کر آ بیٹھے ہیں

آئے کوئی واپس لے جائے

ہم تو بھول کے راہ بیٹھے ہیں

نین کہاں اپنی بستی ہے

یار کہاں کس جا بیٹھے ہیں؟؟؟

نین

****************