بڑا عرصہ ہوا اک دن
بتایا تھا مجھے اُس نے
بنانا کچھ نہیں آتا
اگر میں کچھ بناتی ہوں
تو بس چائے بناتی ہوں
میں چائے کی دیوانی ہوں
بہت اچھی بناتی ہوں
پیو گے نا ۔۔۔۔۔؟
تو میں اس بات پر یوں مسکراتاہی رہا تھا کہ
بنانا کچھ نہیں آتا! ۔
بس اک چائے بناتی ہو۔۔؟
مجھے چائے سے اُلجھن ہے
نہیں پیتا
نہیں پیتا
مگر اس بات کو بیتے زمانہ ہوگیا لوگو۔۔۔!
نہیں معلوم مجھ کو کہ
وہ کیسی ہے ؟
کہاں پر ہے ؟
مگر اب چائے پیتا ہوں۔۔۔
بہت کثرت سے پیتا ہوں۔۔۔
No comments:
Post a Comment