ﺍﻧﮑﺎﺭ ﮐﯿﺎ ﮐﺮﮮ ﮔﯽ ﮨﻮﺍ ﻣﯿﺮﮮ ﺳﺎﻣﻨﮯ
ﮔﮭﺮ ﮐﺎ ﮨﺮ ﺍﮎ ﭼﺮﺍﻍ ﺑﺠﮭﺎ ﻣﯿﺮﮮ ﺳﺎﻣﻨﮯ
ﯾﺎﺩ ﺁ ﻧﮧ ﺟﺎﺋﮯ ﻣﻘﺘﻞِ ﯾﺎﺭﺍﮞ ﮐﯽ ﺭﺍﺕ ﭘﮭﺮ
ﻧﯿﺰﮮ ﭘﮧ ﮐﻮﺋﯽ ﺳﺮ ﻧﮧ ﺳﺠﺎ ﻣﯿﺮﮮ ﺳﺎﻣﻨﮯ
ﺍُﺱ ﮐﮯ ﺧﻠﻮﺹ ﻣﯿﮟ ﺑﮭﯽ ﺿﺮﻭﺭﺕ ﮐﺎ ﺭﻧﮓ ﺗﮭﺎ
ﻭﮦ ﺩﮮ ﺭھا ﺗﮭﺎ ﻣﺠﮫ ﮐﻮ ﺩﻋﺎ ﻣﯿﺮﮮ ﺳﺎﻣﻨﮯ
ﻣﺠﮫ ﺳﮯ ﺑﭽﮭﮍ ﮐﮯ ﺧﻂ ﻣﯿﮟ ﻟﮑﮭﯽ ﺍُﺱ ﻧﮯ ﺩﻝ ﮐﯽ ﺑﺎﺕ
ﮐﯿﻮﮞ ﺍُﺱ ﮐﻮ ﺣﻮﺻﻠﮧ ﻧﮧ ﮨﻮﺍ ﻣﯿﺮﮮ ﺳﺎﻣﻨﮯ
ﻣﯿﺮﮮ ﻟﮩﻮ ﺳﮯ ﺗﯿﺮﺍ ﻟﺒﺎﺩﮦ ﺑﮭﯽ ﺗَﺮ ﮨُﻮﺍ
ﺍﺏ ﻣﯿﺮﺍ ﺳﻮﮒ ﺗُﻮ ﻧﮧ ﻣﻨﺎ ﻣﯿﺮﮮ ﺳﺎﻣﻨﮯ
ﺩﻝ ﭘﺮ ﮨﮯ ﻧﻘﺶ ﻟُﻄﻒِ ﻋﺰﯾﺰﺍﮞ ﮐﺎ ﺳﻠﺴﻠﮧ
ﺳﺐ ﭘﺮ ﮐﺮﻡ ﻭﮦ ﻣﯿﺮﮮ ﺳﻮﺍ ﻣﯿﺮﮮ ﺳﺎﻣﻨﮯ
ﻭﮦ ﺟﮭﻮﭦ ﮨﯽ ﺳﮩﯽ ﻣﺠﮭﮯ ﯾﻮﮞ ﺑﮭﯽ ﻋﺰﯾﺰ ﮨﮯ
ﮐﮩﻨﺎ ﺗﮭﺎ ﺟﻮ ﺑﮭﯽ، ﺍُﺱ ﻧﮯ ﮐﮩﺎ ﻣﯿﺮﮮ ﺳﺎﻣﻨﮯ
ﺟﯿﺴﮯ ﻣﯿﮟ ﺁﺷﻨﺎﺋﮯ ﭼﻤﻦ ﮨﯽ ﻧﮧ ﺗﮭﺎ ﮐﺒﮭﯽ
ﮔُﺰﺭﯼ ﮨﮯ ﯾُﻮﮞ ﺑﮭﯽ ﺁﺝ ﺻﺒﺎ ﻣﯿﺮﮮ ﺳﺎﻣﻨﮯ
ﻭﮦ ﻟﻤﺤﮧء ﻧﺰﻭﻝِ ﻗﯿﺎﻣﺖ ﺳﮩﯽ ﻣﮕﺮ
ﺍِﮎ ﺩﻥ ﺗﻮ ﺁﺋﮯ ﻣﯿﺮﺍ ﺧﺪﺍ ﻣﯿﺮﮮ ﺳﺎﻣﻨﮯ
ﮐﻞ ﺗﮏ ﻭﮦ ﺁﺋﯿﻨﮯ ﺳﮯ ﺑﮭﯽ ﻧﺎﺯﮎ ﻣﺰﺍﺝ ﺗﮭﺎ
ﻣﺤﺴﻦؔ ﻭﮦ ﺷﺨﺺ ﭨﻮﭦ ﮔﯿﺎ ﻣﯿﺮﮮ ﺳﺎﻣﻨﮯ
No comments:
Post a Comment