Swal by Saba Mehraj

سوال

میں اپنے بچپن سے

یہ ہی سنتی آئی تھی

اکثر

سال کا پہلا دن گزرے

جیسا بھی

جنوری کی پہلی صبح

جس کے سنگ گزرے

پورا سال ویسا ہی گزرتا ہے

اسی کے سنگ گزرتا

ہے

تو سنو جاناں

میری تو دھند میں لپٹی جنوری کی پہلی

صبح

تمہارے سنگ گزری ہے

تو کیا

میرا یہ سال بھی

تمہارے

سنگ گزرے گا؟؟؟

تمہاری باتوں، تمہاری چاہتوں میں

میرے خوابوں کی تکمیل میں

کیا میرے بے جان لب

بھی

اس سال مسکرائیں گے؟؟؟

وہ بھی تمہارے سنگ

بتاو ناں جاناں

کیا میرا یہ سال بھی جنوری کی

پہلی صبح

کی طرح حسیں ہو گا؟؟؟

شاعرہ صباء معراج

Mein mohtaj hoon by Saba Mehraj

میں محتاج  ہوں تیری کن کی مولا

میں امیدوار ہوں تیری کن کی مولا

میں گنہگار ہوں۔سیاہ کار ہوں

تجھ سے مغفرت کی طلبگار ہوں مولا

بے منزل راستوں پر بھٹک گئی ہوں

اھدناالصراط المستقیم کی امیدوار ہوں مولا

اپنے سجدوں سے تاثیر کھو بیٹھی ہوں

دل کے سجدے کے لیے امیدوار ہوں تیری کن کی مولا

میرے آنسو محض دکھاوے کا پانی ہے

تجھ سے جڑنے کی فریاد کرتی ہوں مولا

میرا کشکول بھی ٹوٹا ۔میری جھولی بھی پھٹی

میرا من بھی میلا۔

میرا تن بھی گندا

پھر بھی تجھ سے  بخشش کی طلبگارہوں مولا

تو میری شاہ رگ سے بھی قریب ہو کے بھی

میں کیوں اتنی دور ہوں تجھ سے مولا

اپنی کن کو حکم دے دے ناں

میں محتاج ہوں تیری کن کی مولا

میں امیدوار ہوں تیری کن کی مولا

شاعرہ ۔صباء معراج

Mohabbat ke rung by Saba Mehraj

محبت کے رنگ

میرے آنگن کے پودوں میں سرسراتی دھوپ

اور اس دھوپ میں

تمہاری یاد کے گہرے سائے

اور ان سایوں میں بھٹکتی

میری خاموش مسکراہٹ

اور

میرے بستر پر بکھری کتابیں

کچھ پرانے رسالے، کچھ ادھورے خواب

تمہاری یاد میں جل تھل میری آنکھیں

ان آنکھوں میں ٹوٹے خوابوں

کی کرچیاں

سب مجھ پر ہنس رہے ہیں

سنو جاناں

لوٹ آو

پرانے سارے وعدے ایفا کر دو

میری خاموش آنکھوں کو

اپنے وصل کی راحت سے

پرنور کر دو،

میری سب بے رنگ شاعری

میں

اپنی محبت کے رنگ بھر دو

شاعرہ صباء معراج

Mein kae bar toot ke bikhri by Saba Mehraj

میں کئی بار ٹوٹ کر بکھری

خود کو کھو کر بکھری

زندگی سے لڑ کر بکھری

موت کی خواہش میں بکھری

مگر ہمیشہ یہ ریت رہی ہے

میں جب بھی بکھری تب ہی سمٹی

خود کو کھو کے میں نے جانا

کوئی تو ہے جو ساتھ ہے میرے

سردو گرم زمانے میں

ہواؤں کے بدلتے رخوں میں

سب کچھ کھو کے میں نے جانا

وہ رحیم ہے وہ کریم ہے

وہ علیم ہے وہ عظیم ہے

وہ نصیر ہے وہ قدیر ہے

وہ میری شاہ رگ سے بھی قریب ہے

وہ بچاتا ہے وہ سمیٹتا ہے

جب بھی بکھروں تو دیتا ہے صدا

میری رحمت سے مایوس مت ہونا

از قلم صباء معراج

Zindagi ki rahguzar by Saba Mehraj

نظم

زندگی کی راہ گزر پر چلتے چلتے

بہت انجان رستوں پر

بہت ویران سڑکوں پر

کچھ الجھے، خاموش ویرانوں میں

کچھ لوگ ہمیں ملتے ہیں دیوانے

جو وفا کا درس دے دے کر

محبت بھیک میں دے کر

بہت انجان منزل کے متلاشی بن کر

کسی کو گلستان بناتے بناتے

خود ویرانیاں پال کر

بہت انجان رستوں میں

بہے بے جان لوگوں میں

بہت بے ایمان دنیا میں

خود کو کھو دیتے ہیں

اپنا آپ رول دیتے ہیں

از قلم صبا ء معراج

Badal jana by Saba Mehraj

بدل جانا

سرراہ کو جو کہیں کوئی اپنا جو مل جائے

اسے اپنا تم کہہ دینا

کوئی جو خواب ٹوٹے تو

کوئی تعبیر روٹھے تو

اسے اپنی آنکھوں سے بہا دینا

کوئی جو اگر روٹھ جائے تو

اسے فورا منا لینا کبھی جو ساتھ چلنے والے بھی بدل جائے تو

کبھی جو بہار بھی خزاں بن جائے تو

تم بھی بدل جانا

تم بھی حد سے نکل جانا

کبھی کسی کی یاد میں

کبھی کسی کی جدائی میں

کبھی جل تھل نہ ہو جانا

از قلم: شاعرہ صبا ء معراج تلہ گنگ

Woh apni saltanat ki malika by Saba Mehraj

وہ اپنی سلطنت کی ملکہ تھی

وہ اک نئے دیس کی باسی تھی

وہ خواب نگر کی شہزادی تھی

وہ اپنے بابا کی رانی تھی

کسی نگر کی شہزادی تھی

پھر یوں ہوا اس کی ہی سلطنت میں

دل اس کا اس سے بغاوت کر بیٹھا

وہ اپنی سلطنت کی ملکہ

اپنے ہی خوابوں سے الجھ کر

اپنے ہی دل سے کر کے بغاوت

بہت کچھ کھو بیٹھی، اپنا آپ کھو بیٹھی

اپنے ہی خوابوں سے الجھ کر

وہ اپنا آپ بھی توڑ بیٹھی

از قلم: شاعرہ صبا ء معراج

Chalo ab sath chaltay hain by Saba Mehraj

چلو اب ساتھ چلتے ہیں

بھلا کر رنجشیں ساری

اٹھا کر کرچیاں خوابوں کی

کچھ دکھ ، سدا کے اپنے

کچھ لوگ،  سدا کے اپنے

کچھ روند کر جھوٹی انائیں اپنی

سب کو ساتھ کے کر ہم

چلو اب ساتھ چلتے ہیں

عروج و زوال اور نشیب و فراز میں

کچھ اپنے حصے کے دیے جلا کر

کچھ خوشیاں خرید کر

چلو اب  ساتھ چلتے ہیں

شہر عداوت کے آسیبوں سے نکل کر

کچھ آنسوؤں کی برساتوں میں

اپنی بھیگی روح اور بن روئی آنکھیں لے کر

کچھ خواب نئے،  کچھ خواب پرانے لے کر

چلو اب ساتھ چلتے ہیں

از قلم: شاعرہ صبا ء معراج

Badal jana by Saba Mehraj

بدل جانا

سرراہ کو جو کہیں کوئی اپنا جو مل جائے

اسے اپنا تم کہہ دینا

کوئی جو خواب ٹوٹے تو

کوئی تعبیر روٹھے تو

اسے اپنی آنکھوں سے بہا دینا

کوئی جو اگر روٹھ جائے تو

اسے فورا منا لینا کبھی جو ساتھ چلنے والے بھی بدل جائے تو

کبھی جو بہار بھی خزاں بن جائے تو

تم بھی بدل جانا

تم بھی حد سے نکل جانا

کبھی کسی کی یاد میں

کبھی کسی کی جدائی میں

کبھی جل تھل نہ ہو جانا

شاعرہ صبا ء معراج تلہ گنگ

Election by Saba Mehraj

نظم: الیکشن

الیکشن کے دنوں میں غریبوں کے گھر جانا

فطرت ان نوابوں کی ہے اور ہمیشہ سے ہے

الیکشن سے ہٹ کے اقتدار کے بعد

دیکھ کر مظلوموں کو باندھنا نشانوں کا

فطرت ان قاتلوں کی ہے اور ہمیشہ سے ہے

دیس کے یہ عوام کرپشن کو خود بو کر

نا حق کر کے قتل،آنچل کسی کے سر کا خود چھین کر

روند کر اپنی انا ، بھول کر حقیقت کو

انتظار کرتے ہیں کوئی آئے جو ہو

وقت کا صدیق،عمر، غنی، یا شیر خدا

روند کر اپنی خوداری،  پاوں چاٹنا نوابوں کے

فطرت اس دیس کے باسیوں کی ہے اور ہمیشہ سے ہے

خود ہی نااہل کرپٹ،  گستاخ نواب چن کر

ان کو تختہ دار پر لٹکانا،  خود ہی ان کے لیے سڑکوں پر نکلنا

فطرت ان باشندوں کی ہے اور ہمیشہ سے ہے ۔

از قلم: شاعرہ صبا ء معراج تلہ گنگ