Tujh se mil ker qaraar tha hi nahin

 Tujh se mil ker qaraar tha hi nahin ..
Wo tera intezaar tha hi nahi,n ...
^^Koi mish'all ba'dast tha, jiss ka ..
Qaaflay mein shumaar tha hi nahi,n ...
^^Khwab dekha nahi,n keh neendo,n se ..
Raabta ustwaar tha hi nahi,n ...
^^Hauslay ko barrha liya aakhir ..
Dard per ikhtiyaar tha hi nahi,n ...
^^Woh shab-e-hijr thi , chiragho,n per ..
Bhaid ye aashkaar tha hi nahi,n ...
^^Mein ne jiss ko ghubaar samjha tha ..
Dar haqeeqat ghubaar tha hi nahi,n ...
^^Mein ne bhi ponchh daalay phir aansu ..
Koi jab sogwaar tha hi nahi,n ...