Suno jana'n...

 Suno jana'n...
Bicharrny ka samay ab aan pohncha hy...
Tum apni aankh men umdy hoay in aasuo'n ko ponch daalo...
Aur zara sa muskra kar alwida keh do...
K dasht-e-na'muradi men
tumhari muskrahat
zaad-e-rah hogi...
Sulagty roz-o-shab men
yeh ghani chaao'n...
Hawa aur chandni ban kar
naveed-e-zindagi dy gi...
Main tum ko yaad rakhu'n ga...
Kabhi na bhool paoun ga...
Magr meri yeh khwahish hy...
K tum mujh ko bhula dena...
Bicharrny ki aziyat ko tum apny dil py mat lena...
Samajh lena...
Yehi apna muqadar hy..