Mohabbat Mein Ghalat Fehmi Agar Ilzaam Tak Pohanche

 Mohabbat Mein Ghalat Fehmi Agar Ilzaam Tak Pohanche,
Kisey Maaloom Kis Ka Naam Kis Ke Naam Tak Pohanche.
.
Teri Aankho'n Ke Thukraaye Hue Voh Log They Shayed,
Jo Ik Sharmindagi Honton Pe Le Kar Jaam Tak Pohanche.
.
Sab'hi Rasto'n Pe They Sholaa Fishaa'n Haalaat Ke Suraj,
Bohat Mushkil Se Hum Un Gessou'n Ki Shaam Tak Pohanche.
.
Kisi Ne Bhi Na Apni Dharkano'n Men Di Jaga Jin Ko,
Voh Saare Valvale Mere Dil-ENakaam Tak Pohanche.
.
Saja Kar Aayen Jab Sone Ka Chashma Apni Aankho'n Par,
Nazar Hum Mufliso'n Ki Tab Kahan Us Baam Tak Pohanche.
.
Qateel Aaina Ban Jao Zamane Mein Mohabbat Ka,
Agar Tum Chaahte Ho Shairy Ilhaam Tak Pohanche..!!