affiliate marketing Famous Urdu Poetry: Wo mera khayal rakhti thi

Tuesday 18 June 2013

Wo mera khayal rakhti thi

Main aayina tha wo mera khayal rakhti thi.....
main toot'ta tha to wo chun kar sambhal rakhti thi.....
har ek masly ka hal nikaal rakhti thi....
zaheen thi mujhy hairat me daal rakhti thi.....
main jab bhi tark-e-talluq ki baat karta tha.....
wo rokti thi mujhy kal pe taal rakhti thi.....
wo mery dard ko chunti thi apni poron se.....
wo mery wasty khud ko nidhal rakhti thi.....
duaayen us ki wabalon ko rok leti theen....
wo chaar-su mery hathon ki dhaal rakhti thi.....
wo doobny nahi deti thi dukh k darya me...
mery wajood ki naao sambhal rakhti thi......
ik aisi dhun k nahi phir kabhi suni main ne.....
wo munfarid sa hansi me kamaal rakhti thi....
usay nadamaten meri kahan gawara theen.....
wo mery wasty aasaan sawal rakhti thi......
bichar k us se main dunya ki thokaron me hun.....
wo pas thi to mujhy la-zawal rakhti thi..

No comments:

Post a Comment