Pakistan zindabad by Sahaghsha

یہ کہنے کو تو لمحے ہیں

مگرصدیوں پہ بھاری ہیں

ہمارے رہ نماوں نے

بڑی مشکل سے پایا ہے

چمن زرخیز کرنے کو

لہو اپنا پلایا ہے

کیا قربان ہے اس پر

سدا اپنا یہ تن من دھن

ہمیں جو سختیاں سہہ کر

انھوں نے ہے بقا بخشی

نکالا ظلمتوں سے پھر

اندھیروں میں ضیا بخشی

ہماری حرمتوں کی بھی

حفاظت کی ردا بخشی

وطن ہم کو دلایا ہے

سنو اے قوم کے بیٹو

مری یے استدعا تم سے

مری زرخیز مٹی کو

محبت بے پناہ تم سے

جوبیتےچندلمحے ہیں

فراموشی کےدھارےمیں

انھیں بہنے نہیں دینا

تمھاری یہ وراثت ہے

اسے مت چھوڑدینا تم

اٹھائے گر عدو انگلی

تو بازو توڑ دینا تم

پہاڑوں کی طرح طوفاں

کےرخ کو موڑ دینا تم

نہیں ہے ذکر مٹی کا

کہیں جلتے چراغوں میں

مگر اب بھی دیے روشن

اسی زرخیز مٹی کے

ہمیں رستہ دکھاتے ہیں

وہی ناکام ہیں جو بھی

چراغوں کو بجھاتےہیں

پاکستان زندہ باد 😍

صہاغشہہ