Hum Kaisay Pagal Hotay Thay

Hum Kaisay Pagal Hotay Thay
ik Phool Ko Choonay Ki Khatir
Kantoon Se Zukhmi Hotay Thay
Jo Phool Jholi Main Aa Girta
Use Choonay Se Dur Jaatay Thay
Hum Kaisay Pagal Hotay Thay
ke dhundlay Aiynoon Main Apna
Hum Aks Sa Dhonda Kertay Thay
Aur Kirchiyaan Chataktay Aiynoon Ki
Muthi Main Daba Ker Rakhtay Thay
Hum Kaisay Pagal Hotay Thay
Jub sardak Per Chalna Hota Tha
Hum Kashtee Le Ker Chaltay Thay
Aur Beach Bawar Jaane Ke Liye
Hum Pedal Nikla Kartay Thay
Hum Kaisay Pagal Hotay Thay
Jub Barish Barsa Kerty Thi
Hum Chatri Main Chup Jatay Thay
Aur Jalti Dhoop Main nangay Sir
Hum Chut Per Uchla Kertay Thay
Hum Kaisay Pagal Hotay Thay
Jub Pass Buhat Wo Hota Tha
Hum Us Ko Dekh Na Saktay Thay
Jub Door Chala Jata Tha Wo
Hum Aahat Us Ki Sunte Thay
Hum Kaisay Pagal Hotay Thay
Jub Sari Duniya Soti Thi
Hum Chand Se Khaila Kartay Thay
Jub Sari Duniya Jaag Uthti
Hum Phir Thuk Ker So Jatay Thay
Hum Kitne Pagal Hotay Thay
Hum Kaisay Pagal Hotay Thay
Hum Aaj Bhi Waisay Chunchal Hain
Hum Aaj Bhi Waisay Pagal Hai