affiliate marketing Famous Urdu Poetry: Main aaray tirchay khayaal sochoon

Tuesday 19 February 2013

Main aaray tirchay khayaal sochoon

Main aaray tirchay khayaal sochoon
k be-irada kitaab likhoon
koi shanaasa ghazal tarashoon
k ajnabi intesaab likhoon
ganwa doon ik umer k zamaanay
k aik aik pal ka hisaab likhon
meri tabiyat per munhasir hai
main jis-tarah ka nisaab likhoon
yeh mere apne mizaaj per hai
azaab sochon sawaab likhon
taweel tar hai safar tumain kia ?
magar tumhain kia k tum to kab se
mere iraday ganwa chukay ho
jala k saaray horoof apnay
meri duain bujha chukay ho
main raat orho'n k subah pehnoon
tum apni rasmain utha chukay ho
suna hai sab kuch bhula chukay ho
to ab mere dil pe jabar kesa
yeh dil to had se guzar chuka hai
guzar chuka hai magar tumhain kia
teher chuka hai magar tumhain kia
main jis tarah k bhi khwaab likhoon ...

No comments:

Post a Comment