Man'nat Manty Hain.......

Jab Tum Sham_e_Vidaa Ka,

Aakhri Manzar Meri Aankhon Ko Sonp Kar,

Door Ja Chuki To Main Ne Dekha,

K Meray Kurtey K Daaman Par,

Tumhari Zulfoon Ka Ik,

Reshmi Sa Baal Reh Gaya Hy,

Main Woh Baal Choom K,

Waheen Kisi Ek Pairr Ki,

Jhuki Hui Shakh Pe Bandh Kar,

Apne Tareek_o_Shikast Khurda Muqadar K Sath,

Loat Aaya Tha!!

Ab Suna Hai K Loag,

Us Pairr Ki Tehniyon Pe,

Siyah Dhagey Bandh Kar,

Janey Waloon Ki Wapsi Ki,

Man'nat Manty Hain.......