Khuda woh waqt na laaye keh sogwar ho too خدا وہ وقت نہ لائے کہ سوگوار ہو تو

خدا وہ وقت نہ لائے کہ سوگوار ہو تو

سکوں کی نیند تجھے بھی حرام ہو جائے

تری مسرت پیہم تمام ہو جائے

تری حیات تجھے تلخ جام ہو جائے

غموں میں آئینہ دل گداز ہو تیرا

ہجوم یاس سے بے تاب ہو کے رہ جائے

وفور درد سے سیماب ہو کے رہ جائے

ترا شباب فقط خواب ہو کے رہ جائے

غرور حسن سراپا ناز ہو تیرا

طویل راتوں میں تو بھی قرار کو ترسے

تری نگاہ کسی غمگسار کو ترسے

خزاں رسیدہ تمنا بہار کو ترسے

کوئی جبیں نہ ترے سنگِ آستان پہ جھکے

کہ جنس عجز و عقیدت سے تجھ کو شاد کرے

فریب وعدہ فردا پہ اعتماد کرے

خدا وہ وقت نہ لائے کہ تجھ کو یاد آئے

وہ دل کہ تیرے لئے بیقرار اب بھی ہے

وہ آنکھ جس کو تیرا انتظار اب بھی ہے

Khuda woh waqt na laaye keh sogwar ho too 

Sakoon ki neend tujhay bhi haraam ho jaye 

Teri musarat-e-paiham tamam ho jaye 

Teri hayat tujhay talkh jaam ho jaye 

Ghamon say aaina-e dil gudaaz ho tera 

Hajoom-e-yaas say baitaab ho kay reh jaye 

Wafoor-e-dard say seemab hokay reh jaye 

Tera shabaab faqat khwaab ho kay reh jaye 

Gharoor-e-husn saraapa niaz ho tera 

Taweel raton main too bhi qaraar ko tarsay 

Teri nigah kisi ghamgusaar ko tarsay 

Khazan raseeda tamana bahar ko tarsay 

Koi jabeen na teray sang-e-aastan pay na jhukay 

Keh jins ajz-o-aqeedat say tujhay shaad karay 

Faraib-e-wahda-e-farda pay ahtmad karay 

Khuda woh waqt na laye keh tujh ko yaad aaye 

Woh dil keh teray liye beqarar ab bhi hay 

Woh aankh jis ko tera inteaar abb bhi hai