Ruka hua thaa jo lamha, guzar gaya chup chaap
Mehek k saath hi ghuncha, bikhar gaya chup chaap
Nigal gaya hoon main jazbaat k talatum ko
Ajeeb shor sa mujh me utar gaya chup chaap
Qadam uthaya to dehleez kaanp uthi ghar ki
Ye barg e khushk yahaan kon dhar gaya chup chaap
Gharoob e mehr ka nazzaara kar raha thaa main
khabar nahi,mera saaya kidhar gaya chup chaap
Tamaam jazbe agar uss se munsalik hain mere
To mujh ko dekh k wo kiun guzar gaya chup chaap
Safeene waale mujhe dhoondte rahe Jamshaid
Bhanwar ko le k main teh me utar gaya chup chaap
well done Fahad bhai.
ReplyDelete