Mera gharoor tujhe kho ke haar maan gaya میرا غرور تجھے کھو کے ہار مان گیا

میرا غرور تجھے کھو کے ہار مان گیا

میں چوٹ کھا کے مگر اپنی قدر جان گیا

کہیں افق نا ملا میری دشت گردی کو

تیری دھن میں بھری کائنات چھان گیا

خدا کے بعد تو بے انتہا اندھیرا ہے

تیری طلب میں کہاں تک نا میرا دھیان گیا

جبیں پہ بل بھی نہ آیا گنوا کے دونوں جہاں

جو تو چھنا ' تو میں اپنی شکست مان گیا

بدلتے رنگ تھے تیری امنگ کے غماز

تو مجھ سے بچھڑا تو میں تیرا راز جان گیا

خود اپنے آپ سے میں شکوہ سنج آج بھی ہوں

ندیم، یوں تو مجھے اک جہان مان گیا