ٹرداں میں تاں چھالے پیندے
بے جاں تے پس پے جاندی
کھپدا، تپدا بندہ مک جاندا
کیوں اوکھے ویلے لنگ دے ناہی
چُپ رواں تاں گونگا بندا
منہ کھولاں تاں ککھ رے جاندی
لوکی کہندے! منگ مراداں رب اے سندا
تے ربا !تینوں دسدا ناہی
چنگ کراں تاں پیڑا بندا
پیڑ کراں تاں چنگا
نہ کردا تے کی کردا ربا
لہو جم جاندا اے، وگدا ناہی
تھلے آ تینوں دکھ سناواں
تُو موڈے لا میں سب بھُل جاواں
کی کردا رہندا بیٹھا اُتے
کاتوں مینوں لبھدا ناہی؟
نمرہ اوزگل
No comments:
Post a Comment