Tum Hansti Achi Lagti Ho by Ibne Insha

    Tum waqai achi larki ho
    yah mujh ko achi lagti ho?
    cherey ki udasi door karo
    kiyun ji apna ranjoor karo
    woh waadey wafa nibhaney ke
    tum bhool gayen mujhay yaad rahey
    kiyaa shaan tumhari ghat jati
    jo eafa karne aa jatein?

    Abb kin baatoon main khoi ho
    abb kin sochoon main dobi ho?
    cherey ko zara uthao tou
    aankain bhi chaar karo dekho
    tum hansti achi lagti ho
    cherey ki udasi door karo

    Woh khat jo tumhara aaya tha
    woh khat tha yah afsana tha?
    ger peet hamari chaheye thi
    jholi ko zara phelana tha

    Jubb hum ne kaha tha mann jao
    aur chore ke hum ko mat jao
    tum sunti thein chup rehti thein
    cherey pe liye udasi si
    tum bekal bekal rehti thein

    Jubb hum ne kaha tha ghum choro
    gham choor dil ki baat karo
    tum hansti achi lagti ho
    cherey ki udasi door karo

    Haan eid tou aati rehti hai
    per deed tou baqi rehti hai
    ger eid pe tum hi aa jatein
    aur deed tumhari ho jati
    yeh mauqa acha mauqa tha
    tum aati galey sey lag jatein

    Woh baat tou aani jaani thi
    per bann gai kahani si
    abb uss kaa qissa pak karo
    tum hansti achi lagti ho
    cherey ki udasi door karo