ujaalay apni yaadoun k hamaray saath rehnay do

hamara dil saweray ka sunehri jaam ho jaaye
charaaghoun ki terha aankhain jalain jab shaam ho jaaye

kabhi tau asmaan say chaand utray jaam ho jaaye
tumharay naam ki ek khoobsoorat shaam ho jaaye

ajab halaat thay yoon dil ka soda ho gaya aakhir
mohabbat ki hawailee jiss terhaa neelam ho jaaye

samundar k safar may iss terha awaaz day hum ko
hawaain taizz aur kashteeyoun may shaam ho jaaye

mujhay maloom hay iss ka thikana phir kahan ho ga
parinda aasman choonay may jab nakaam ho jaaye

ujaalay apni yaadoun k hamaray saath rehnay do
na jaanay kiss gali may zindagi ki shaam ho jaaye