Dil ishq meiN bepaayaaN, sauda ho to aisa ho

Dil ishq meiN bepaayaaN, sauda ho to aisa ho
Darya ho to aisa ho, sehra ho to aisa ho


Ham se nahiN rishta bhi, ham se nahiN milta bhi
Hai paas wo baiTha bhi, dhoaka ho to aisa ho


Wo bhi raha baygaana, ham ne bhi na pehchaana
HaaN ai dil-e-deewaana, apna ho to aisa ho


Ham ne yahi maaNga tha, us ne yahi baKhshaa hai
Banda ho to aisa ho, daata ho to aisa ho


Is daur meN kya kya hai, ruswaayi bhi lazzat bhi
KaaNTa ho to aisa ho, chubhta ho to aisa ho


Ai Qais junooN paisha, Insha ko kabhi dekha?
Wahshi ho to aisa ho, ruswa ho to aisa ho