affiliate marketing Famous Urdu Poetry: Jo dard k sehra main akaila bhi bohat hai

Saturday 23 February 2013

Jo dard k sehra main akaila bhi bohat hai

Jo dard k sehra main akaila bhi bohat hai
uss k liye deewar ka saaya bhi bohat hai

daikha nahi tanhaai main tum ney kabhi usko
bichrey huey logon ko wo roya bhi bohat hai

kuch tujh ko mohabbat pai yakin tha na wafa par
kuch dukh mairi taqdeer main likha bhi bohat hai

beenaai andhairey sey bhala kaisey bachata
aik shakhs terey hijr main jaga bhi bohat hai

kirdaar sey mehroom tha yeh sheher to iss ney
hum ko dar-o-deewar pai likha bhi bohat hai

No comments:

Post a Comment