Tere ishq ki intaha chahta hun
Meri sadgi dekh kya chahta hun
sitam ho k ho wada-e-behijabi
koi bat sabr-azma chahta hun
ye jannat mubarak rahe zahidon ko
k main ap ka samna chahta hun
Zara sa to Dil hoon magar shookh itna
Wohi lan'tarani Sunna chahta hoon
koi dam ka mehman hun ai ahl-e-mahfil
chirag-e-sahar hun, bujha chahta hun
bhari bazm mein raz ki bat kah di
bara be-adab hun, saza chahta hun
No comments:
Post a Comment