affiliate marketing Famous Urdu Poetry: Tujhe hai mashq e sitam ka malaal waise hi

Saturday 23 February 2013

Tujhe hai mashq e sitam ka malaal waise hi

Tujhe hai Mashq E Sitam ka Malaal waise hi
Humaari Jaan hai, JaaN par wabaal waise hi

Chala Tha Zikr Zmaane ki Bewafaayi ka
So aa gaya hai tumhara Khayal waise hi

Hum aa gaye haiN Tah E Daam to Nasib apna
Wagarna usne to phenka tha Jaal waise hi

MaiN rokna hi nahin chahta tha Waar uska
Giri nahin Mere Haathon se Dhaal waise hi

Zamaana humse bhala Dushmani to kya rakhta
So kar gaya hai humaiN Paayemaal waise hi

Mujhe bhi ShouQ na tha DaastaaN sunane ka
‘Faraz’ usne bhi poocha tha Haal waise hi

No comments:

Post a Comment