Ek shararat kertay hain

Ek shararat kertay hain
Aao mohabbat kertay hain

Hansti aankhon se keh do
Dareya hijrat kertay hain

Kuch dil aisay hain jin per
Hum bhi hakumat kertay hain

Koi baat to hai mujh mein
Dushman bhi izzat kertay hain

Zinda rehna hai dushwaar
Acha to himmat kertay hain

Waisay hotay nahi hain log
Jaisi chahat kertay hain

Aksar apnay aap se hum
Teri shikayat kertay hain