affiliate marketing Famous Urdu Poetry: "وہ لڑکی"

Tuesday 17 May 2016

"وہ لڑکی"

"وہ لڑکی"

میں کتنی ساعتوں سے،
آئینے کے سامنے ساکت کھڑی، یہ سوچتی ہوں مجھ سے، وہ لڑکی، حقیقت میں،
ذیادہ خُوبصورت تھی؟
تو کیا تم واقعی اُس نازنیں کی صندلیں آغوش پا کر
بھُول بیٹھے تھے؟
"تمہیں مجھ سے محبت ہے"
مِری آ نکھوں سےبڑھ کر پر کشش آنکھیں تھیں کیا اُس کی؟
بتاؤ ناں 

 مگر ہاں ٹھیک ہے شاید،
کہ مجھ جیسی،
اُداسی میں بھری،
بیکار سی لڑکی سے اُلفت کے تقاضے بھی کوئی پاگل نبھاتا ہے؟
کہ ظاہر ہے،
جہانِ رنگ و بُو میں کوئی آخر بوجھ اُلفت کا،
بھلا کب تک اُٹھاتا ہے۔۔۔

فریحہ نقوی

No comments:

Post a Comment